ఇండ్ర‌స్ట్రీలో ఓ హీరో కాద‌న్న క‌థ మ‌రొక‌రి ద‌గ్గ‌ర‌కు వెళ్ల‌డం చాలా కామ‌న్‌. హీరో – ద‌ర్శకుడి మ‌ధ్య జ‌రిగే డిస్క‌ర్ష‌న్స్ లో ఎన్నో క‌థ‌లు పుడుతుంటాయి. ప్ర‌తీ క‌థా ప‌ట్టాలెక్కాల‌న్న నియ‌మం లేదు. ఇప్పుడు పూరి జ‌గ‌న్నాథ్ – విజ‌య్ దేవ‌ర‌కొండ కాంబినేష‌న్ లో ఓ చిత్రం రూపుదిద్దుకుంటోంది. అదే.. ‘ఫైటర్’. నిజానికి ఈ క‌థ‌కు తొలి హీరో విజ‌య్ కాదు. అల్లు అర్జున్‌.
‘దేశ‌ముదురు’ త‌ర‌వాత బ‌న్నీ – పూరి క‌ల‌సి ప‌నిచేద్దామ‌నుకున్నారు. వాళ్ల‌ద్ద‌రి డిస్క‌ర్ష‌న్స్ మ‌ధ్య చాలా క‌థ‌లు న‌డిచాయి. వాటిలో ‘ఫైటర్’ కూడా ఒక‌టి. కానీ.. బ‌న్నీ ఈ క‌థ‌కు `నో` చెప్పాడు. ఆ త‌ర‌వాత `ఇద్ద‌ర‌మ్మాయిల‌తో` సెట్ అయ్యింది. బ‌న్నీ నో చెప్పాక ఆ క‌థ‌ని ప‌క్క‌న పెట్టేశాడు పూరి. దానికి కొన్ని మెరుగులు దిద్ది త‌న‌యుడు ఆకాష్ తో సైతం తీద్దామ‌నుకున్నాడు. చివ‌రికి అది విజయ్‌కి ఓకే అయ్యింది. అదేంటో.. పెద్ద హీరోలు ప‌క్క‌న పెట్టిన క‌థ‌లు చాలా వ‌ర‌కూ హిట్ అయ్యాయి. మ‌రి ఈ సినిమా ఏమ‌వుతుందో చూడాలి.
