మలయాళంలో విజయం సాధించిన ‘కప్పేల’ చిత్రాన్ని తెలుగులో బొట్టబొమ్మ టైటిల్ తో రిమేక్ చేసింది సితార ఎంటర్ టైన్ మెంట్. అనిక సురేంద్రన్‌ , సూర్య వశిష్ఠ, అర్జున్‌ దాస్ కీలక పాత్రలు పోషించారు. తాజాగా ఈ సినిమా ట్రైలర్ వదిలారు. కథ విషయంలో పెద్ద మార్పులు జరగలేదని ట్రైలర్ చూస్తే అర్ధమౌతుంది.
కప్పేల చిన్న సినిమానే. కథలో కొత్త పాయింట్ వుంది. ప్రేమకథ మొదలైన చివర్లో థ్రిల్లర్ గా మారిపోయే ఈ కథని.. యాధవిధిగా తీశారని ట్రైలర్ చెప్పకనే చెప్పింది. తెలుగు ప్రేక్షకుల అభిరుచికి తగ్గట్టు కొన్ని మార్పులు చేశామని చిత్ర బృందం చెబుతుంది కానీ ట్రైలర్ పెద్ద మార్పులు అయితే కనిపించలేదు. ఫిల్మ్ మేకింగ్ మాత్రం డీసెంట్ గా వుంది. ఇంకా కప్పేల చూడని ప్రేక్షకులకు బొట్టబొమ్మ కొత్తగా వుంటుంది. ఫిబ్రవరి4న సినిమా విడుదల కానుంది.
