దేశంలో ఎన్నికల సందడి..! ఉపఎన్నికల తేదీల కోసం వెయిటింగే..!

నాగార్జున సాగర్, తిరుపతి ఉపఎన్నికల షెడ్యూల్‌ను కేంద్ర ఎన్నికల సంఘం విడుదల చేయలేదు. ప్రత్యేకంగా నోటిఫికేషన్ ఇస్తామని సునీల్ అరోరా ప్రకటించారు. ఉపఎన్నిలకు షెడ్యూల్ ప్రకటించకపోయినా… మొత్తంగా ఎనిమిది విడతలుగా జరగనున్న ఎన్నికల్లో ఏదో ఓ దశలో ఉపఎన్నికలు ఖాయమని తెలుస్తోంది. దీనికి సంబంధించి ఎప్పుడైనా ప్రత్యేక నోటిఫికేషన్ వెలువడే అవకాశం ఉంది. కేంద్ర పాలిత రాష్ట్రం పుదుచ్చేరితో పాటు బెంగాల్, తమిళనాడు, కేరళ, అసోం రాష్ట్రల అసెంబ్లీ ఎన్నికలకు ఈసీ ఎన్నికల షెడ్యూల్ విడుదల చేసింది. కేరళ, తమిళనాడు, పుదుచ్చేరిల్లో ఏప్రిలో ఆరో తేదీన ఒకే విడత ఎన్నికలు పూర్తవుతాయి.

అసోంలో మాత్రం మూడు విడుతలు, బెంగాల్‌లో 234 స్థానాల కోసం ఏకంగా ఎనిమిది విడుతలుగా ఎన్నికలు నిర్వహించాలని నిర్ణయించారు. మే రెండో తేదీన కౌంటింగ్ జరుగుతుంది. ఈ ఐదు రాష్ట్రాల్లో అసోంలో మాత్రమే బీజేపీ అధికారంలో ఉంది. బెంగాల్‌లో అధికారం కోసం పోటీ పడుతోంది. దక్షిణాది రాష్ట్రాల్లో పెద్దగా ఉనికిలో లేదు. బీజేపీ పోటీ పడుతున్న రెండు రాష్ట్రాల్లో సుదీర్ఘంగా ఎన్నికల ప్రక్రియ ఉండగా.. దక్షిణాదిలో మాత్రం.. పెద్ద రాష్ట్రం అయినప్పటికీ తమిళనాడులోనూ ఒకే విడతలో పూర్తి చేస్తున్నారు.

ఎన్నికల షెడ్యూల్ ప్రకటిస్తారని తెలియగానే… తమిళనాడు సర్కార్ మరో ఆఫర్ ప్రజలకు వదిలింది. బంగారం రుణాలను మాఫీ చేస్తూ పళని స్వామి ఉత్తర్వులు జారీ చేశారు. మరో వైపు బెంగాల్‌లో ఎనిమిది విడుతల ఎన్నికలు పెట్టడంపై ఆ రాష్ట్ర సీఎం మమతా బెనర్జీ మండిపడ్డారు. బీజేపీ షెడ్యూల్ తయారు చేసినట్లుగా ఉందన్నారు. మొత్తానికి దేశంలో మరోసారి ఎన్నికల మూడ్ ప్రారంభమయింది. మే రెండో తేదీ వరకూ రాజకీయ హడావుడికి కొరతేం ఉండదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీ పాచిక..! ఎవరీ ఆకుల వెంకటేష్..?

తిరుపతి ఉపఎన్నికల పోలింగ్ ముందు తెలుగుదేశం పార్టీని టార్గెట్ చేస్తూ... ఏకంగా అచ్చెన్నాయుడుపైనే స్టింగ్ ఆపరేష్ చేయడమే కాదు.. వైసీపీకి మద్దతుగా ప్రకటనలు చేస్తున్న ఆకుల వెంకటేష్ ఎవరన్నదానిపై ఇప్పుడు టీడీపీలో...

శ్రీవారిని ఒక్క సారీ దర్శించుకోని వైసీపీ అభ్యర్థి..!

తిరుపతి వైసీపీ అభ్యర్థి గురుమూర్తిపై భారతీయ జనతా పార్టీ నేతలు కొత్త కొత్త విషయాలు ప్రసారం చేస్తున్నారు. తిరుపతి ఎంపీ అభ్యర్థి ఇంత వరకూ ఒక్క సారంటే ఒక్క సారి కూడా తిరుమల...

కోల్‌కతా ఓడిపోవడానికే ఆడినట్లుందే..!?

ఎవరైనా మ్యాచ్‌లు ఎందుకు ఆడతారు..? గెలవడానికే ఆడతారు. కానీ ఓడిపోవడానికే ఆడితే ఎలా ఉంటుంది..?. నిజంగా ఓడిపోవడానికి ఎవరూ ఆడరు..కానీ మంగళవారం నాటి ముంబై, కోల్‌కతా మ్యాచ్ చూస్తే రెండు జట్లు ఓడిపోవడానికి...

ఆ ప్రాజెక్ట్ చూస్తామంటే కుదరదంటోన్న ఏపీ..!

ఓ ప్రాజెక్ట్‌ను చూడటానికి వస్తామని కృష్ణాబోర్డు అంటోంది. చూసేందుకు కూడా ఒప్పుకోబోమని.. ఏపీ సర్కార్ తేల్చి చెబుతోంది. కృష్ణా బోర్డు మాత్రం.. అదే పనిగా తాము వస్తున్నామని తేదీ ఖరారు చేసి ఏపీ...

HOT NEWS

[X] Close
[X] Close