అమరావతి తరహాలోనే పోలవరంపై ఏపీ బీజేపీ వాదన..!

అమరావతి రాజధానిలోనే ఉండాలి కానీ…రోడ్డెక్కం..! ఉద్యమం చేస్తామన్న జనసేన లాంటి నేతల్నీ అడ్డుకుంటాం..! పైగా.. అమరావతి మహిళలపై అసభ్య విమర్శలూ చేస్తాం..!.. ఇదీ ఏపీ రాజధానిపై బీజేపీ వైఖరి. ప్రస్తుతం పోలవరం విషయంలోనూ అదే వైఖరిని బీజేపీ అవలంభిస్తోంది. పోలవరం కేంద్ర ప్రభుత్వ బాధ్యత.. కట్టి చూపిస్తాం.. మొత్తం క్రెడిట్ బీజేపీకి వస్తుందనే విమర్శలు చేస్తున్నారు అంటూ.. ప్రకటనలు చేస్తున్నారు.. కానీ కేంద్రం వైపు నుంచి తీసుకుంటున్న నిర్ణయాలపై మాత్రం మాట్లాడటం లేదు. పోలవరంను పూర్తి చేస్తామని గొప్పలు చెబుతున్నారు. ఎలా పూర్తి చేస్తారో మాత్రం చెప్పడం లేదు. అమరావతి, పోలవరం రెండూ.. తమకు ప్రయారిటీ అని మాటల్లో చెబుతున్నారు. కానీ.. వాటి చావుబతుకుల్లోకి వెళ్లిపోతూంటే.. చూస్తూ ఉంటున్నారు. కనీసం.. వాటిని కాపాడేందుకు.. ప్రయత్నించడం లేదు.

పోలవరం విషయంలో కేంద్ర ప్రభుత్వం ఏపీ సర్కార్‌ను దారుణంగా వంచిస్తోంది. ఎక్కడైనా సాగునీటి ప్రాజెక్ట్ అంటే… డ్యాం కాదు. ఏ అర్థంలో తీసుకున్నా. ప్రాజెక్ట్ అంటే.. కట్టే డ్యాం.. ఆ డ్యాంలో నిలబడే నీరు ఎక్కడి వరకూ ఉంటుంది. అక్కడ ఏ యే ప్రాంతాలు మునిగిపోతాయో గుర్తించి.. నిర్వాసితులందరికీ.. చిట్ట చివరి నిర్వాసితునికి పరిహారం ఇచ్చి ఖాళీ చేయించి.. డ్యాంలో నీరు నింపితేనే ప్రాజెక్ట్ పూర్తయినట్లు. కానీ ఇక్కడ పోలవరం విషయంలో కేంద్రం దారుణంగా వంచించింది. ఇరిగేషన్ కాంపోనెంట్ కు మాత్రమే డబ్బు ఇస్తామని చెబుతోంది. నిర్వాసితులకు పరిహారం తమ బాధ్యత కాదని అంటోంది. అంటే… డ్యాం కట్టినా నీళ్లు నిలపడం సాధ్యం కాదు. అలాంటప్పుడు ఇక ప్రాజెక్ట్ అవసరం ఏముంటుంది..?

ఆంధ్రప్రదేశ్ బీజేపీ నేతలు.. తమ రాష్ట్ర ప్రజల్ని బకరాలను చేయడానికి సిద్ధపడుతున్నారు కానీ.. తాము మాత్రం రాష్ట్ర ప్రయోజనాల కోసం నోరెత్తడానికి సిద్ధపడటం లేదు. సోము వీర్రాజు నుంచి విష్ణువర్ధన్ రెడ్డి వరకూ అందరిదీ ఒకే మాట. ఏపీకి కేంద్రం అన్నీ చేస్తోందన్నదే. వైసీపీ, టీడీపీ ఏమీ చేయడం లేదనే. కొత్త ప్రభుత్వం ఏర్పడిన తర్వాత పన్నుల్లో వాటాలు కూడా ఎగ్గొట్టిందనే ప్రచారం జరుగుతోంది. ఇలాంటి సమయంలో.. కేంద్రం ఏమిచ్చిందో.. ఏమి తీసుకుందో.. బీజేపీ నేతలు క్లారిటీ ఇవ్వలేకపోతున్నారు. నోరు తెరవలేకపోతున్న వైసీపీ నిస్సహాయతను ఆసరాగా చేసుకుని.. ప్రజల్ని తమదైన శైలిలో మభ్యపెడుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పేరు మారిస్తే హైదరాబాద్ అమెరికా అవుతుందా..!?

కరీంనగర్ ను లండన్ చేస్తా.. ఏపీని సింగపూర్ చేస్తా.. పాతబస్తీని ఇస్తాంబుల్ చేస్తా అని రాజకీయ నేతలు చాలా సార్లు చెబుతూ ఉంటారు. చెప్పారు కూడా. దానర్థం ... పేర్లు మార్చడం...

బిగ్ బాస్‌‌ తెర వెనక టీమ్‍‌ను నడిపించే తెలుగు సెలబ్రిటీ ఎవరో తెలుసా?

బిగ్ బాస్ చూస్తున్నారా? ఈ ఆర్టికల్ చదువుతున్నారంటే చూస్తూనే ఉండి ఉంటారు. ఇవాళ - రేపు రాత్రి 9 గంటలయితే, కాలనీలలో రోడ్డుమీద వెళ్ళే ప్రతివాళ్ళకూ ఇళ్ళనుంచి బిగ్ బాస్ సిగ్నేచర్ ట్యూన్...

కేసీఆర్‌కు భయపడే బీజేపీ బలగం దిగిందా..!?

తెలంగాణ సీఎం కేసీఆర్.. బీజేపీ అగ్రనేతలందరూ హైదరాబాద్‌కు క్యూ కట్టడాన్ని తనదైన శైలిలో ప్రచారం చేస్తున్నారు. తన జాతీయ రాజకీయ దృక్పథం..వారి వెన్నులో వణుకు పుట్టిస్తోందని.. తానుఢిల్లీ వస్తే వారి కుర్చీ కిందకు...

బాబు స్కీమ్ .. జగనన్న స్కీమ్..! ఏదీ కావాలి..!?

ఆంధ్రప్రదేశ్‌లోని వైసీపీ ప్రభుత్వం చంద్రబాబుకు పబ్లిసిటీ చేస్తోంది. చంద్రబాబు హయాంలో కట్టిన టిడ్కో ఇళ్లను లబ్దిదారులకు ఇవ్వకూడదనుకుంటున్న ప్రభుత్వం దానిపై లక్షల్లో రుణం ఉంటుందని చెప్పి భయపెట్టడానికి ప్రయత్నిస్తోంది. అందు కోసం కోట్లు...

HOT NEWS

[X] Close
[X] Close