తమిళనాడు ప్రజా పంపిణీ వ్యవస్థ ద్వారా అక్కడి ప్రజలకు సరఫరా చేసే బియ్యాన్ని అక్రమంగా సేకరించి ఏపీలోని కుప్పం కేందరం రీ సైక్లింగ్, పాలిషింగ్ చేసి అధిక ధరలకు అమ్ముతున్నారు. ఇటీవలి కాలంలో ఇలాంటి కేసులు ఎక్కువగా పట్టుబడటం.. ఏపీ ప్రభుత్వం ఎలాంటి తీసుకోకపోతూండటంతో చంద్రబాబునాయుడు నేరుగా తమిళనాడు సీఎం స్టాలిన్‌కు లేఖ రాశారు. తమిళనాడు పీడీఎస్ బియ్యాన్ని ఏపీ రైస్ మాఫియా తరలిస్తోందని .. వాటికి సంబంధించిన వివరాలను కూడా చంద్రబాబు స్టాలిన్‌కు పంపారు.
ఏయే రూట్లల్లో రేషన్‌ రైస్ మాఫియా అక్రమం గా రైస్‌ను తరలిస్తోందనే విషయాన్ని లేఖలో ప్రస్తావించారు. స్మగ్లింగ్‌ చేస్తూ పట్టుబడ్డ వాహనాలు.. స్మగ్లర్ల ఫొటోలను స్టాలిన్‌కు రాసిన లేఖకు జత చేశారు. తమిళ పేదలకు చెందాల్సిన పీడీఎస్ బియ్యాన్ని ఆంధ్ర-తమిళనాడు సరిహద్దుల మీదుగా ఏపీకి తరలిస్తున్నారని.. తమిళనాడు-చిత్తూరు సరిహద్దుల్లోని 7 మార్గాల ద్వారా రైస్ మాఫియా బియ్యం తరలిస్తోందన్నాపు, ఇరు రాష్ట్రాల సరిహద్దుల్లో నిఘా సరిగా లేకపోవడంతో రైస్ మాఫియా రెచ్చిపోతోందన్నారు.
అక్రమంగా తరలిస్తున్న బియ్యాన్ని ఏపీలో రైస్ మిల్లర్లకు పంపుతున్నారని.. వారు పాలిష్ చేసి బహిరంగ మార్కెట్‌లో ప్రజలకు ఎక్కువ ధరకు విక్రయిస్తున్నారని తెలిపారు. దీనికి సంబంధించి నిత్యావసర వస్తువుల చట్టం కింద కుప్పంలో దాదాపు 13 కేసులు నమోదయ్యాయని.. స్థానిక ప్రజలు సైతం చాలా మంది స్మగ్లర్లను పట్టుకుంటున్నా.. కేసులు నమోదు కావడం లేదన్నారు. పీడీఎస్ రైస్ అక్రమ దందా భారీ స్థాయిలో జరుగుతున్నందున సరిహద్దులలో నిఘా పెంెంచాలన్నారు. లేఖను ఏపీ సీఎస్‌కు కూడా పంపారు.
చంద్రబాబు లేఖపై ఏపీ సీఎస్ ఎలాంటి చర్యలు తీసుకునే చాన్స్ లేదు. తమిళనాడు సీఎం స్టాలిన్ ఏమైనా స్పందిస్తారేమో చూడాలి. ప్రజాపంపిణీ వ్యవస్థ ద్వారా.. పేదలకు అందాల్సిన బియ్యాన్ని.. రూ. పది చొప్పున సేకరించి.. రీసైకిల్ చేసే మాఫియాపై ఏపీలో తీవ్రమైన ఆరోపణలు ఉన్నాయి.
