మూడు రాజధానులు ఎజెండాగా ఎన్నికలు..! జగన్‌కు చంద్రబాబు చాలెంజ్..!

ఎన్నికలకు ముందు అమరావతికి మద్దతు పలికి తీరా ఎన్నికలయ్యాక అమరావతిని మార్చాలని నిర్ణయం తీసుకున్నారని … ప్రజాభిప్రాయం తీసుకోవాల్సిందేనని తెలుగుదేశం పార్టీ అధినేతచంద్రబాబు డిమాండ్ చేశారు. అసెంబ్లీని రద్దు చేసి..మూడు రాజధానులు ఎజెండాగా ఎన్నికలకు వెళ్లాలని చంద్రబాబు డిమాండ్ చేశారు. తమకు రాజీనామా చేయడం నిమిషం పని అని తేల్చేశారు. అమరావతినే రాజధానిగా ఉంటుందని ప్రజలను నమ్మించి.. మోసం చేస్తున్నారని చంద్రబాబు మండిపడ్డారు. 48 గంటల సమయం ఇస్తున్నానని… మళ్లీ ఎన్నికలకు వెళ్లేందుకు జగన్ సిద్ధం కావాలని చంద్రబాబు పిలుపునిచ్చారు.

రాజధాని 5 కోట్ల మంది సమస్య అని… మీ ఇష్టం వచ్చినట్టు వ్యవహరిస్తామనే ధోరణి మంచింది కాదన్నారు. 5 ఏళ్లకు ఓటు వేశారని రాష్ట్ర భవిష్యత్‌ నాశనం చేస్తున్నారని .. రాజధాని అనేది పార్టీదో, కులానికి సంబంధించి కాదని స్పష్టం చేశారు. అసెంబ్లీని రద్దు చేసి ప్రజల వద్దకు వెళ్దాం.. అందరం ఎన్నికల్లో తేల్చుకుందామన్నారు. ఎన్నికల ముందు రాజధాని మార్చుతామని చెప్పలేదు .. కాబట్టి ఇప్పుడు అసెంబ్లీని రద్దు చేసి..ప్రజాభిప్రాయం తీసుకోవాల్సిందేనన్నారు. మీరు గెలిస్తే రాజధానిపై మేం మాట్లాడబోమని చంద్రబాబు స్పష్టంచేశారు.

జగన్‌ ప్రతిపక్షనేతగా ఉన్నప్పుడు అమరావతికి మద్దతు తెలిపి.. ప్రాంతాల మధ్య చిచ్చు పెట్టబోమని చెప్పారని… ఇప్పుడు మూడు రాజధానుల నిర్ణయంప్రాంతాల మధ్య చిచ్చు పెట్టడం కాదా అని ప్రశ్నించారు. ప్రజలకు చెప్పకుండా చేయడం నమ్మక ద్రోహమేనని తేల్చారు. జగన్మోహన్ రెడ్డి తో పాటు..వైసీపీ నేతలు ఎన్నికలకు ముందు రాజధానిని మార్చబోమని ప్రకటనలు చేసి.. హామీలు ఇచ్చి.. తీరా అధికారంలోకి వచ్చిన తర్వాత మారుస్తున్నారని…చర్చ జరుగుతున్న సమయంలో… ప్రజాభిప్రాయం డిమాండ్‌ను… చంద్రబాబు వినిపిస్తున్నారు. దీనికి అసెంబ్లీ రద్దుతో ముడి పెడుతున్నారు. వైసీపీ మూడు రాజధానుల అంశాన్ని మేనిఫెస్టోలో ఉండే… చంద్రబాబు డిమాండ్‌పై ఎదురుదాడి చేయడానికి అవకాశం ఉండేది. కానీ ప్రజలకు చెప్పింది ..చేస్తుంది..వేర్వేరనే అభిప్రాయం ఉండటంతో…టీడీపీ అధినేత అడ్వాంటేజ్ తీసుకుంటున్నారు. 48 గంటల్లో స్పందింకపోతే మళ్లీ మీడియా ముందుకొస్తానని .. నా సవాల్‌ను స్వీకరిస్తారా?, ప్రజలకు వెన్నుపోటు పొడుస్తారా? రెండింటిలో ఏదో ఒకటి తేల్చుకోవాలని చంద్రబాబు సూచించారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అమిత్‌ షాతో భేటీ కోసం ఢిల్లీకి జగన్..!

ముఖ్యమంత్రిజగన్మోహన్ రెడ్డి మంగళవారం ఢిల్లీకి వెళ్తున్నారు. ఆయన పర్యటన హఠాత్తుగా ఖరారయింది. చాలా రోజుల నుంచి ఆయన కేంద్రమంత్రుల్ని కలవాలని అనుకుంటున్నారు. గతంలో రెండు, మూడు సార్లు ఢిల్లీకి వెళ్లిన తర్వాత...

పంపుసెట్లకు మీటర్లను జగన్ ఎందుకు పెడుతున్నారో చెప్పిన హరీష్ రావు..!

వ్యవసాయ విద్యుత్ కనెక్షన్లకు మీటర్లు పెడుతున్న వ్యవహారం ఆంధ్రప్రదేశ్‌లో దుమారం రేపుతోంది. ప్రభుత్వ నిర్ణయంపై రైతులు అసంతృప్తితో ఉన్నారు. ఇంకా ప్రక్రియ ప్రారంభం కాలేదు.. ఒక వేళ మీటర్లు పెట్టే ప్రక్రియ ప్రారంభమైతే..రైతులు...

ప్రాయశ్చిత్త హోమాలు చేయాలని ఏపీ సర్కార్‌కు ఆస్థాన స్వామిజీ సలహా..!

ఆంధ్రప్రదేశ్‌లో దేవాలయాలపై వరుసగా జరుగుతున్న దాడులు..హిందూత్వంపై వైసీపీ నేతల అరాచక వ్యాఖ్యలకు పరిహారంగా.. ప్రాయశ్చిత్త హోమాలు చేపట్టాలని వైఎస్ జగన్ .. వైసీపీ నేతల ఆస్థాన స్వామిజీ స్వరూపానంద సరస్వతి సూచించారు. వరుస...

రైతులకు ఆ బిల్లులు ఉపయోగపడితే సంబరాలు ఎందుకు చేసుకోరు ?: కేటీఆర్

బిల్లులు ఎలా ఆమోదించుకోవాలో.. ఎలా ప్రజామోదం సంపాదించాలో.. తెలంగాణను చూసి నేర్చుకోవాలని మంత్రి కేటీఆర్ పరోక్షంగా కేంద్ర ప్రభుత్వానికి సలహాలిస్తున్నారు. కేంద్రం వివాదాస్పదంగా ఆమోదించిన వ్యవసాయ బిల్లుల విషయంలో కేటీఆర్ స్పందన.. అంతే...

HOT NEWS

[X] Close
[X] Close