ఆంధ్రప్రదేశ్ ప్రభుత్వ విద్యా రంగంలో ఒక సరికొత్త శకానికి నాంది పలుకుతూ, అమరావతిలోని నిడమర్రులో రూపుదిద్దుకున్న రాష్ట్ర ప్రభుత్వ మొట్టమొదటి ‘ఇంటర్నేషనల్ గవర్నమెంట్ మోడల్ స్కూల్ అద్భుతమైన నిర్మాణంగా నిలవబోతోంది. ప్రభుత్వ పాఠశాల అంటే కేవలం నాలుగు గోడలు మాత్రమే కాదు, అవి కార్పొరేట్ విద్యా సంస్థలకు దీటుగా, అంతర్జాతీయ ప్రమాణాలతో కూడిన నాలెడ్జ్ హబ్‌లుగా ఉండాలని ఈ ప్రాజెక్టు నిరూపిస్తోంది.

ఏపీ విద్యా రంగంలో సరికొత్త బెంచ్‌మార్క్

నిడమర్రు పాఠశాల ప్రాంగణం చూస్తుంటే ఇది ప్రభుత్వ స్కూల్ అని నమ్మడం కష్టమే. ఇండోర్ స్టేడియం, అత్యాధునిక ల్యాబ్ బ్లాక్, స్విమ్మింగ్ పూల్, యాంఫీ థియేటర్ , సైన్స్ పార్క్ వంటి వసతులతో ఇది విద్యార్థులకు సమగ్ర వికాసాన్ని అందిస్తోంది. కేవలం చదువుకే పరిమితం కాకుండా, 200 మీటర్ల రన్నింగ్ ట్రాక్, బాస్కెట్‌బాల్, వాలీబాల్ , బాడ్మింటన్ కోర్టుల ద్వారా క్రీడలకు కూడా పెద్దపీట వేయడం ఈ పాఠశాల ప్రత్యేకత. ఇది నిశ్చయంగా దేశవ్యాప్తంగా ఉన్న ప్రభుత్వ పాఠశాలలకు ఒక రోల్ మోడల్‌గా నిలవబోతోంది.

నారా లోకేష్ విజన్ , కృషి

ఈ అంతర్జాతీయ స్థాయి పాఠశాల వెనుక మంత్రి నారా లోకేష్ నిరంతర కృషి, విజన్ స్పష్టంగా కనిపిస్తోంది. ఐటీ , విద్యా శాఖల మంత్రిగా ఆయన బాధ్యతలు చేపట్టిన నాటి నుండి, ప్రభుత్వ పాఠశాలల్లో విప్లవాత్మక మార్పులు తేవాలని లక్ష్యంగా పెట్టుకున్నారు. ప్రభుత్వ బడిలో చదివే పేద విద్యార్థి కూడా ప్రపంచంతో పోటీ పడాలి అనే తన సంకల్పానికి ఈ ఇంటర్నేషనల్ మోడల్ స్కూల్ ఒక సజీవ సాక్ష్యం. నిధుల కేటాయింపు నుంచి మౌలిక వసతుల కల్పన వరకు ప్రతి విషయంలోనూ లోకేష్ స్వయంగా పర్యవేక్షించడం వల్లే ఈ కల సాకారమైంది.

భవిష్యత్తు తరాలకు బంగారు బాట

లోకేష్ తీసుకుంటున్న చర్యల వల్ల ఏపీ విద్యా వ్యవస్థ రూపురేఖలను మారుస్తున్నాయి. కేవలం భవనాలే కాదు, ఇక్కడ అందించే విద్యా బోధన కూడా గ్లోబల్ స్టాండర్డ్స్‌లో ఉండేలా ఆయన వ్యూహరచన చేశారు. ప్రభుత్వ పాఠశాలల పట్ల సమాజంలో ఉన్న చిన్నచూపును పోగొట్టి, ధనిక-పేద తేడా లేకుండా అందరికీ నాణ్యమైన విద్య అందాలనే ఆయన లక్ష్యం ఈ పాఠశాల ద్వారా నెరవేరబోతోంది. ఇది కేవలం ఒక స్కూల్ మాత్రమే కాదు, ఆంధ్రప్రదేశ్ భవిష్యత్తు తరాలకు లోకేష్ ఇస్తున్న ఒక గొప్ప కానుక.