చెవిరెడ్డి భాస్కర్ రెడ్డి న్యాయవ్యవస్థను కూడా ఆశ్చర్యపరుస్తున్నారు. సహనిందితులు ముందస్తు బెయిల్ కోసం పిటిషన్ వేస్తే వారికి బెయిల్ ఇవ్వొద్దని చెవిరెడ్డి ప్రత్యేక పిటిషన్ దాఖలు చేశారు. ఇదేమిటబ్బా అని కోర్టు కూడా ఆశ్చర్యపోయింది. ఇలాంటి పిటిషన్ గురించి తాము వినలేదని న్యాయమూర్తి కూడా అన్నారు. అందుకే విచారణ అర్హత గురించి తేల్చాలనుకుంటున్నారు.
లిక్కర్ స్కామ్‌లో సత్యప్రసాద్, వాసుదేవరెడ్డి అప్రూవర్లు అయ్యారు. వారు ముందస్తు బెయిల్ కోసం కిందికోర్టుకు వెళ్తే .. కోర్టు అప్రూవర్లుగా ఉండటానికి అంగీకరించలేదు. ముందస్తు బెయిల్ ఇవ్వలేదు. దీంతో వారు హైకోర్టును ఆశ్రయించారు. వీరిని ముందు పెట్టి లిక్కర్ స్కామ్‌ చేశారు నిందితులు. వీరిద్దరూ అధికారులు.. బకరాల్లా వాడుకున్నారు. మొత్తం దిగిపోయేసరికి నిజం తెలిసిపోయింది. ఇప్పుడు నిజాలు ఒప్పుకుంటున్నారు. అదే భయంతో వారికి ముందస్తు బెయిల్ ఇవ్వొద్దని చెవిరెడ్డి పిటిషన్ దాఖలు చేశారు.
బెయిల్ ఇవ్వాలని పిటిషన్లు దాఖలు చేస్తారు కానీ ఇతరులకు బెయిల్ ఇవ్వొద్దని సహనిందితులే పిటిషన్లు దాఖలు చేయడం ఇప్పటి వరకూ లేదు. న్యాయవ్యవస్థతో ఆడుకోవడం తెలిసిన జగన్ అండ్ గ్యాంగ్ కు మాత్రమే ఇలాంటివి అలవాటు. ఈ పిటిషన్ పై విచారణ జరుగుతుందో లేదో కానీ.. క్రూరమైన నేరస్తుల మాస్టర్ మైండ్ ఎలా ఉంటుందో .. ఈ గ్యాంగ్ చూపిస్తున్నారని లాయర్లు కూడా ఆశ్చర్యపోతున్నారు.
