చిరంజీవి `భోళా శంక‌ర్‌` ఆగ‌స్టులో విడుద‌ల కానుంది. భోళా త‌ర‌వాత చిరు నుంచి రెండు ప్రాజెక్టులు రానున్నాయి. ఓ సినిమాకి క‌ల్యాణ్ కృష్ణ దర్శకుడు. మ‌రో దానికి వశిష్ట ద‌ర్శ‌క‌త్వం వ‌హిస్తారు. `బింబిసార`తో సూప‌ర్ హిట్టు కొట్టాడు వశిష్ట. ఈసారి చిరు సినిమాకి ద‌ర్శ‌క‌త్వం చేసే ఛాన్స్ వ‌చ్చింది. సోషియో ఫాంట‌సీ నేప‌థ్యంలో ఈ క‌థ రాసుకొన్నాడు వశిష్ట. ఈ సినిమాలో ఏకంగా 8మంది హీరోయిన్లు ఉంటార‌ని తెలుస్తోంది. అంద‌రివీ కీల‌క‌మైన పాత్ర‌లే. అందుకోసం ఇప్ప‌టి నుంచే క‌థానాయిక‌ల వేట మొద‌లెట్టిన‌ట్టు తెలుస్తోంది. చిరు వ‌యసుకీ, క్రేజ్‌కీ, ఆయ‌న ఈజ్‌కీ స‌రిప‌డా హీరోయిన్ల లిస్టు ఒకటి త‌యార‌వుతోంది. ఇందులో స్టార్ హీరోయిన్లు ఉన్నారు. కొత్త‌గా ఇండ‌స్ట్రీలోకి అడుగుపెట్టిన వాళ్లూ ఉన్నారు. ఆ స‌మ‌యానికి ఎవ‌రు అందుబాటులో ఉంటే… వాళ్ల‌ని ఎంపిక చేసుకొంటారు. క‌ల్యాణ్ కృష్ణ సినిమానీ, వశిష్ట ప్రాజెక్ట్‌నీ ఒకేసారి ప‌ట్టాలెక్కించి, రెండు సినిమాల్నీ సమాంత‌రంగా పూర్తి చేయాల‌ని భావిస్తున్నారు. వశిష్ట క‌థ‌లో గ్రాఫిక్స్ హంగుల‌కు ప్రాధాన్యం ఉంది. ఆ సినిమా కాస్త ఆల‌స్యంగా విడుద‌ల కావొచ్చు. దానికంటే ముందు క‌ల్యాణ్ కృష్ణ సినిమా బ‌య‌ట‌కు వ‌చ్చేస్తుంది. ఈ సినిమాని సంక్రాంతి బ‌రిలో నిలిపే అవ‌కాశాలున్నాయి.
8మంది హీరోయిన్ల‌తో చిరు సినిమా
