టీడీపీ ఆఫీసులో దొరికింది “సీఐ”నే..కాకపోతే రివర్స్ కేసులు !

వైఎస్ఆర్ కాంగ్రెస్ పార్టీ నేతలు తెలుగుదేశం పార్టీ కేంద్ర కార్యాలయంపై దాడి చేసిన సమయంలో ఒకరిని టీడీపీ నేతలు పట్టుకున్నారు. అతన్ని మీడియా ముందు ప్రవేశ పెట్టారు. తాను డీజీపీ కార్యాలయంలో పని చేస్తున్నానని అతను చెబుతున్నారని.. అల్లరి మూకలతో కలిసి ఆయన ఎందుకు వచ్చారని ప్రశ్నించారు. ఆయన నిజంగా డీజీపీ ఆఫీసులో పని చేస్తూ ఉంటే అది స్టేట్ స్పాన్సర్డ్ దాడులేనని అశోక్ బాబు, తెనాలి శ్రావణ్ కుమార్ వంటి వారు స్పష్టంచేశారు. తర్వాత ఆయనను తీసుకెళ్లి మంగళగిరి పోలీస్ స్టేషన్‌లో అప్పగించి.. దాడుల్లో పాల్గొన్న వ్యక్తిగా ఫిర్యాదు ఇచ్చారు.

అయితే టీడీపీ ఆఫీసులో సివిల్ డ్రెస్‌లో ఉండి.. ఎలాంటి గుర్తింపు కార్డులు లేని ఆ వ్యక్తి నిజంగానే డీజీపీ ఆఫీసులో పని చేస్తున్నారని గుర్తించారు. ఆయన పేరు నాయక్ అని తేలింది. అదీ కూడా పోలీసులు టీడీపీ కార్యాలయానికి వెళ్లిన సీఐ నాయక్‌పై దాడి చేశారని పోలీసులు హత్యాయత్నం కేసు నమోదు చేయడంతోనే తెలిసింది. నారా లోకేషన్‌ను ఈ కేసులో ఎ-వన్‌గా చేర్చారు. ఏ-2గా అశోక్ బాబు, ఏ -3గా ఆలపాటి రాజాను పేర్కొన్నారు. హత్యాయత్నంతో పాటు ఎస్సీ, ఎస్టీ అట్రాసిటీ కేసును కూడా నమోదు చేశారు.

తెలుగుదేశం పార్టీ ఆఫీసుపై రెండు వందల మంది దాడి చేసినా.. ఓ డీఎస్పీ, మరో పోలీసు మాత్రమే వచ్చారని .. కనీస భద్రత కూడా కల్పించలేదని టీడీపీ నేతలు ఆరోపిస్తున్నారు. అయితే అనూహ్యంగా సివిల్ డ్రెస్‌లో ఎలాంటి ఐడీ కార్డు కూడా లేకుండా సీఐ తమ ఆఫీసులో ఉండటం.. విధ్వంసం జరుగుతున్నప్పుడు అతను కూడా అక్కడే ఉండటాన్ని టీడీపీ నేతలు ప్రశ్నిస్తున్నారు. ఇప్పటికే పోలీసులతో కలిసే వైసీపీ నేతలు దాడులు చేశారని టీడీపీ నేతలు ఆరోపిస్తున్నారు. ఈ క్రమంలో అల్లరి మూకలతో పాటు సీఐ వచ్చారని ఆరోపిస్తూ.. తమకు దొరికిన వ్యక్తిని మీడియా ముందు వ్యక్తిని ప్రవేశ పెట్టడం.. అతను నిజంగానే పోలీసుగా తేలడం.. రివర్స్‌లో కేసులు పెట్టడం రాజకీయంగా దుమారం రేపే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్రభుత్వ వేధింపులపై “గొట్టిపాటి” న్యాయపోరాటం .. సుప్రీంలో ఊరట !

అద్దంకి ఎమ్మెల్యే గొట్టిపాటి రవికుమార్‌ కుటుంబానికి చెందిన కిషోర్‌ గ్రానైట్స్‌ ప్రైవేట్‌ లిమిటెడ్‌కు సుప్రీంకోర్టులో ఊరట లభించింది. ఏపీలో జగన్ ప్రభుత్వం వచ్చిన తర్వాత క్వారీల్లో తనిఖూలు చేసి కిషోర్‌ గ్రానైట్స్‌...

తెలంగాణలో “బియ్యం స్కాం” బద్దలవబోతోందా !?

తెలంగాణలో వరి ధాన్యం కొనుగోలు చుట్టూ రాజకీయాలు నడుస్తున్నారు. సీఎం కేసీఆర్ ప్రస్తుతం ఆ ఆంశంపైనే దృష్టి కేంద్రీకరించి బీజేపీని నిలుపుదల చేయాలని చూస్తున్నారు. అయితే కేంద్రంలో అధికారంలో ఉన్న బీజేపీ కేసీఆర్...

కరోనా బాధిత జర్నలిస్టు కుటుంబాలకు తెలంగాణ సర్కార్ అండ !

జర్నలిస్టుల సంక్షేమంలో మాటలు చెప్పడం కన్నా అంతో ఇంతో ఆచరణలో చూపిస్తోంది తెలంగాణ ప్రభుత్వం. గతంలో కరోనా బారిన పడిన జర్నలిస్టులకు రూ. ఇరవై వేల చొప్పున ఇచ్చిన ప్రభుత్వం.. ...

“అన్నమయ్య”పై కదిలిన కేంద్రం.. రాష్ట్రం కవరింగ్ !

అన్నమయ్య ప్రాజెక్ట్ కొట్టుకుపోయిన విషాదం వెనుక తప్పిదం ఎవరిదో తేల్చి శిక్షించాలని కేంద్రం నిర్ణయం తీసుకున్నట్లుగా కనిపిస్తోంది. బాధ్యత రాష్ట్ర ప్రభుత్వానిదేనని చెప్పిన కేంద్ర మంత్రి షెకావత్‌పై వైసీపీ నేతలు...

HOT NEWS

[X] Close
[X] Close