‘ఉయ్యాలా జంపాలా’ సినిమాలో జంటగా నటించిన రాజ్ తరుణ్, అవికా గోర్ “సినిమా చూపిస్తా మావ,” అనే సినిమాలో మళ్ళీ జంటగా నటిస్తున్నారు. ‘మేము వయసుకి వచ్చేము’ సినిమాకి దర్శకత్వం వహించిన నక్కిన త్రినాధరావు ఈ సినిమాకి దర్శకత్వం చేశారు. ఈ సినిమాని ఆర్యత్ సినీ ఎంటర్ టైన్మెంట్ మరియు లక్కీ మీడియా బ్యానర్లలో వేణుగోపాల్, రాజశేఖర్ రెడ్డి, గోపాల్ మరియు రూపేష్ కలిసి నిర్మించారు. దీనిలో రావు రమేష్ ప్రధాన పాత్ర చేసారు. ఈ సినిమాకి వనమాలి, భాస్కరభట్ల, కృష్ణ చైతన్య, రవికుమార్, ప్రసన్న కుమార్ అద్బుతమయిన పాటలు సమకూర్చగా వాటికి శేఖర్ చంద్ర సంగీతం సమకూర్చారు. ఈ సినిమా ఈనెల 14వ తేదీన విడుదల కాబోతోంది.
