అల్లు శిరీష్. ఎలాగైనా సరైన హీరో అనిపించుకోవాలన్న తాపత్రయం. మధురశ్రీధర్ ఎలాగైనా ఓ సినిమా చేయాలన్న ప్రయత్నం. రెండూ కలిసి ఎబిసిడి అనే సినిమాకు దారితీసాయి. సినిమా తయారైపోయింది. అంతే, అలా వుంది. ఆ సినిమా ఎప్పుడు బయటకు వస్తుందన్న దాంట్లో మాత్రం క్లారిటీ లేదు.
ఇదిలా వుంటే సినిమా నిర్మాణంలో వుండగానే అల్లు శిరీష్ టాప్ హీరో లెవెల్లో చాలా చేసారని గుసగుసలు వున్నాయి. కొంతమంది టెక్నీషియన్లను మార్పించారని, ఆఖరికి తన స్వంత పీఆర్ టీమ్ నే మార్పించేసారని కూడా వార్తలు వినవచ్చాయి. ఇప్పుడు ఆఖరికి విడుదల ముందు సినిమాను అల్లు అరవింద్ చూసారు. దాన్ని ఎలా రిపేర్ చేయాలా అని డిస్కషన్లు మొదలయ్యాయని టాక్.
ఇలాంటి టైమ్ లో నిర్మాత, హీరోల మధ్య ఎడిటింగ్ వెర్షన్ మీద ఏకాభిప్రాయం కుదరడం లేదని తెలుస్తోంది. ఈ విషయంలో హీరో, నిర్మాత ఉప్పు, నిప్పులా వున్నారని ఇండస్ట్రీలో గుసగుసలు వినిపిస్తున్నాయి. అయితే ఈ విషయంలో నిర్మాత అల్లు అరవింద్ కొడుకు శిరీష్ ను సపొర్ట్ చేయడం లేదని తెలుస్తోంది.
దాంతో ప్రస్తుతానికి సినిమాను అలా వుంచారు. ఎప్పుడయితే అల్లు అరవింద్ ఓ నిర్ణయానికి వస్తారో? అప్పుడు సినిమా విడుదల ఎప్పుడు అన్నది తేలుతుంది. అంతవరకు ఎబిసిడి నే..ఇ..ఎఫ్..జి..హెచ్ ఆ తరువాతే.
