ఆలయాలను శుభ్రం చేసిన ముస్లీం యువకులు

దేశంలో అసహనం రాజ్యమేలుతోందనీ, మతపరమైన సహనశీలత మచ్చుకైనా లేదని రాజకీయనాయకులు, బడా మేధావులు నానాయాగీ చేస్తున్నారేగానీ, నిజానికీ మతసహనం చెక్కుచెదరలేదని నిరూపించే సంఘటనలు జరుగుతున్నా వాటిని మచ్చుకైనా ప్రస్తావించడంలేదు.

అన్యమతస్థుల కష్టాన్ని తమ కష్టమని భావిస్తూ చెన్నైలో ఎంతోమంది ముస్లీం యువకులు హిందుమతస్థులైన బాధితులకు చేతనైన సాయం చేస్తున్నారు. అంతేకాదు, నిత్య దూపదీపనైవేద్యాలతో కళకళలాడాల్సిన హిందూ ఆలయాలు వరదనీటిలో మునిగిపోయి, బురద పేరుకుపోవడంతో ముస్లీం యువకులను కలచివేసింది. అందుకే వారు హిందూ ఆలయాలను శుభ్రంచేసే పని చేపట్టారు. ఏ మతానికి చెందిన ప్రార్థనామందిరమైనా తమకు ఒక్కటేఅనీ, మానవత్వమే అసలు మతమని వారంటున్నారు. అయితే, ఇలాంటి సంఘటనలను కుహనా సెక్యులర్ వాదులు చెవికెక్కించుకోరు. ఇదో దురదృష్టకరమైన పరిస్థితి.

ముస్లీం స్వచ్ఛంద సంస్థ – `జమ్మత్ ఈ ఇస్లామీ హింద్’ కు చెందిన 50 మంది యువకులు మసీదులను శుభ్రపరుస్తుంటారు. వీరిప్పుడు హిందువుల ఆలయాల దుస్థితి చూసి చలించిపోయి, వాటిని శుభ్రపరిచే కార్యక్రమం చేపట్టారు. మూడు రోజుల క్రిందట వారీపని ప్రారంభించారు. కొత్తూర్ పురం, సైదాపేటల్లోని హిందూ దేవాలయాలను శుభ్రపరిచారు. తమకు మసీదులైనా, ఆలయాలైనా ఒకటేనంటున్నారు. వారంరోజులపాటు ఈ కార్యక్రమాన్ని కొనసాగిస్తారట. మిగతాచోట్ల దెబ్బతిన్న ఆలయాలను మామూలు స్థితికి తెచ్చేందుకు ఈ ముస్లీం యువకులు ప్రయత్నిస్తారు. తాము ఎక్కడికెళ్ళినా స్థానిక హిందువుల నుంచి ప్రోత్సాహం లభిస్తోందనీ, సోదరభావంతో కలసి పనిచేస్తున్నామని ఈ బృందంలో ఒకరైన పీర్ మహమ్మద్ (ఇంజనీర్) చెబుతున్నారు. వరద బాధితులను ఆదుకునే విషయంలో కులమతాలను పక్కనబెట్టి కలసికట్టుగా సాయం అందించాలని ముస్లీం పెద్దలు కోరుకుంటున్నారు.

అయితే ఇలాంటి వార్తలను మీడియా ఎక్కువగా ప్రచారం చేయడంలేదు. నెగెటీవ్ వార్తలకే ప్రాధాన్యం ఇవ్వడానికి అలవాటుపడిన టివీ మీడియా కంటికి ఈ పాజిటీవ్ వార్తలు కనబడవన్న సంగతి మరోసారి ఋజువైంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

ప్రభాకర్ రావు వచ్చాకే అసలు ట్యాపింగ్ సినిమా !

ఫోన్‌ట్యాపింగ్‌ కేసులో నిందితులైన హైదరాబాద్‌ మాజీ టాస్క్‌ఫోర్స్‌ డీసీపీ రాధాకిషన్‌రావును గురువారం రాత్రి పోలీసులు అరెస్ట్‌ చేశారు. ఆయన గట్టు మల్లును ఇన్స్‌పెక్టర్ ను పెట్టుకుని ఓ మాఫియా నడిపారని...

డేరింగ్ అండ్ డాషింగ్ కేజ్రీవాల్

అవినీతి వ్యతిరేక ఉద్యమం చేసి వచ్చి అవినీతి కేసులో అరెస్టు అయ్యాడన్న ప్రచారం చేస్తున్నారు. సామాన్యుడు కాదు లంచగొండి అని గట్టిగా ప్రజల మైండ్లలోకి ఎక్కించే ప్రయత్నం చేస్తున్నారు. తన సీఎం...

విజయవాడ వెస్ట్ రివ్యూ : సుజనా చౌదరి నమ్మకమేంటి ?

ఏపీలో పొత్తుల్లో భాగంగా బీజేపీకి వెళ్లిన నియోజకవర్గం విజయవాడ వెస్ట్. అక్కడ్నుంచి అభ్యర్థిగా సుజనా చౌదరిని ఖరారు చేయడంతో కూటమిలోని పార్టీలు కూడా ఒప్పుకోక తప్పలేదు. నిజానికి అక్కడ జనసేన...

HOT NEWS

css.php
[X] Close
[X] Close