సెంటిమెంట్ తో గెలిచాడు అంటూ మోడీని విమర్శించే హక్కు కేసీఆర్ కి ఉందా?

పార్లమెంట్ ఎన్నికలకు ముందు బీజేపీతో లోపాయికారి ఒప్పందం చేసుకున్నాడంటూ యూపీఏ పక్షాలతో విమర్శలు ఎదుర్కొన్న కేసీఆర్, పార్లమెంట్ ఎన్నికల తర్వాత బీజేపీ మీద గుర్రుగా ఉన్నారు. బీజేపీ ఇంత భారీ విజయాన్ని సాధిస్తుందని ఊహించని కేసీఆర్, ఎట్టకేలకు మోడీ ఎందుకు అంత భారీ విజయాన్ని సాధించగలిగాడు అన్న విషయం మీద కేబినెట్ మీటింగ్ లో తన విశ్లేషణను చెప్పుకొచ్చారు. కేవలం సెంటిమెంట్ తోనే మోడీ గెలిచాడు అంటూ కేసీఆర్ పరోక్షంగా మోడీపై విమర్శలు చేశారు. వివరాల్లోకి వెళితే..

మోడీ దేశ వ్యాప్తంగా భారీ ఎత్తున సీట్లు కైవసం చేసుకోవడం, పైగా తెలంగాణలో సైతం నాలుగు ఎంపీ స్థానాలను కైవసం చేసుకోవడం బహుశా కేసీఆర్ కు నచ్చినట్లుగా లేదు. 17 స్థానాలలో 16 ఎంపీ స్థానాలను టీఆర్ఎస్ గెలుచుకుంటుందని బీరాలు పలికిన టీఆర్ఎస్ నేతలు తీరా ఫలితాలు చూశాక కంగుతిన్నారు. అయితే ఆ ఫలితాల మీద తన విశ్లేషణను కేసీఆర్ ఇప్పటిదాకా ఎక్కడా బయట పెట్టలేదు. కానీ తాజాగా జరిగిన కేబినెట్ మీటింగ్ లో కేసీఆర్ మాట్లాడుతూ మోడీ గత అయిదేళ్లలో చేసిన అభివృద్ధి ఏమీ లేదని, కేవలం ఆఖరి నిమిషంలో దేశభక్తి, జాతీయత వంటి సెంటిమెంటును రెచ్చగొట్టి ప్రజలు తనకు ఓటు వేసేలా చేసుకున్నారని, ప్రజలు కూడా సెంటిమెంట్ మాయలో పడిపోయి మోడీ అభివృద్ధి చేయలేదన్న విషయాన్ని పట్టించుకోకుండా ఓటు వేశారని కేసీఆర్ వ్యాఖ్యానించారు.

అంతా బాగానే ఉంది కానీ, సెంటిమెంట్ పేరుతో మోడీ ఓట్లు కొల్లగొట్టాడని కేసీఆర్ విమర్శించడమే చాలామందికి ఆశ్చర్యాన్ని కలిగిస్తోంది. 2014 లో జరిగిన ఎన్నికలకు ముందు సోనియా గాంధీ తెలంగాణ ఇచ్చినప్పటికీ తెలంగాణ ప్రజలంతా టిఆర్ఎస్ కు పట్టం కట్టడానికి కూడా ఈ సెంటిమెంట్ ఏ కారణం. అలాగే 2018 అసెంబ్లీ ఎన్నికలకు ముందు ఒకానొక సమయంలో ప్రజా కూటమికి ఆధిక్యత ఉందని విశ్లేషకులు భావించినప్పటికీ, చంద్రబాబు ని టార్గెట్ గా చేసుకుని ప్రజా కూటమిని గెలిపిస్తే పాలన అమరావతికి వెళ్లిపోతుందని తెలంగాణ ప్రజలను కేసీఆర్ సెంటిమెంట్ తో ఆకర్షించడం వల్లే 2018 అసెంబ్లీ ఎన్నికలను కేసీఆర్ అంత భారీ మెజార్టీతో గెలిచాడు అన్న వాదన కూడా ఉంది.

మొత్తానికి తన రాజకీయ ప్రస్థానం మొత్తం తెలంగాణ సెంటిమెంటుతో నడిపించిన కేసీఆర్, మోడీ ని సెంటిమెంటుతో గెలిచాడు అని వ్యాఖ్యానించడం చర్చనీయాంశంగా మారింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మధ్యప్రదేశ్ సీన్ రాజస్థాన్‌లోనూ రిపీట్ అవుతోందా..?

జ్యోతిరాదిత్య సింధియా తన వర్గం ఎమ్మెల్యేలతో బీజేపీలో చేరిపోవడంతో మధ్యప్రదేశ్‌లో కాంగ్రెస్ ప్రభుత్వం కూలిపోయి... బీజేపీ ప్రభుత్వం ఏర్పడింది. పదిహేనేళ్ల సుదీర్ఘ విరామం తర్వాత... పట్టుమని ఏడాది కూడా ఉండలేకపోయింది. ఇప్పుడు అదే...

లాక్‌డౌన్ దిశగా రాష్ట్ర ప్రభుత్వాల ఆలోచనలు..!

వైరస్ దెబ్బకు మళ్లీ షట్‌డౌన్ ఆలోచనలు చేస్తున్నాయి ప్రభుత్వాలు. కర్ణాటక ప్రభుత్వం బెంగళూరులో వారం పాటు కంప్లీట్ లాక్ డౌన్ ప్రకటించేసింది. అక్కడ ఇప్పటికే వారంతాల్లో లాక్ డౌన్ అమలవుతోంది. అయినా.. అనూహ్యంగా.....

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

HOT NEWS

[X] Close
[X] Close