షబ్బీర్ అలి కూడా బల్దియా మే సవాల్!

జి.హెచ్.ఎం.సి. ఎన్నికల తెరాసకు సారద్య బాధ్యతలు వహిస్తున్న తెలంగాణా ఐటి పంచాయితీ రాజ్ మంత్రి కె.తారక రామారావు, ఆరంభంలోనే తొందరపడి “ఈ ఎన్నికలలో తెరాస వంద సీట్లు గెలుచుకోకపోతే నా మంత్రి పదవికి రాజీనామా చేస్తాను. ప్రతిపక్ష ఎమ్మెల్యేలు కూడా నా సవాలును స్వీకరించి తమ పదవులకు రాజీనామాలు చేయడానికి సిద్దంగా ఉన్నారా?” అని గొప్పగా సవాలు విసిరారు.

మంత్రిగా ఉన్న వ్యక్తి ప్రతిపక్షాలకు అటువంటి సవాళ్లు విసరడం చాలా పొరపాటు. అందునా ముఖ్యమంత్రి కుమారుడు అటువంటి సవాళ్లు విసరడం ఇంకా పొరపాటు. ఆ సంగతి నెమ్మదిగా అర్ధం అవడంతో తెరాస దానికి సవరణ ప్రకటన చేసింది. కె.టి.ఆర్. ఉద్దేశ్యం గ్రేటర్ పీఠం దక్కించుకొంటామనే కానీ ఎన్ని సీట్లు దక్కించుకొంటామని కాదని సవరణ విడుదల చేసింది. కానీ రాజకీయ నాయకులు ఒకసారి నోరు జారితే దానికి చాలా బారీగా మూల్యం చెల్లించవలసి వస్తుంటుంది.

కె.టి.ఆర్. విసిరిన ఆ సవాలును తెదేపా తెలంగాణా వర్కింగ్ ప్రెసిడెంట్ రేవంత్ రెడ్డి బహిరంగ సభలో అందరు ముందూ స్వీకరిస్తున్నట్లు ప్రకటించారు. అంతే కాదు కె.టి.ఆర్. చెప్పినట్లుగా ఒకవేళ తెరాస వంద సీట్లు సాధించగలిగితే తాను రాజకీయాల నుంచి తప్పుకొని తెలంగాణాని విడిచి పెట్టి వెళ్ళిపోతానని భీకర శపధం కూడా చేసారు. దానికి ఆయన కట్టుబడి ఉంటారో లేదో వేరే విషయం కానీ ఆ ప్రతి సవాలుతో తెరాసకు, మంత్రి కె.టి.ఆర్.కి జవాబు చెప్పక తప్పని పరిస్థితి కల్పించారు. అంతే కాదు ఎట్టిపరిస్థితులలో కూడా తెరాస వంద సీట్లు గెలుచుకోలేదనే సంగతి ప్రజలు నమ్మేలా గట్టిగా చెప్పగలిగారు. రేవంత్ రెడ్డి విసిరినా ఆ సవాలుకి ఇంతవరకు కూడా తెరాస నుంచి జవాబు రాకపోవడంతో దానిని తెరాస కూడా దృవీకరిస్తున్నట్లయింది.

ఈ పరిస్థితి చూసి ఇంతవరకు మౌనంగా ఉన్న కాంగ్రెస్ పార్టీ నేతలు కూడా మంత్రి కె.టి.ఆర్.తో చెలగాటం ఆడుకొనేందుకు ముందుకు వస్తున్నారు. సీనియర్ కాంగ్రెస్ నేత మరియు శాసనమండలిలో విపక్ష నేత షబ్బీర్ అలీ కూడా కె.టి.ఆర్. విసిరిన సవాలును తాను కూడా స్వీకరిస్తున్నానని, ఒకవేళ తెరాస వంద సీట్లు గెలుచుకొంటే తాను తన పదవి నుంచి, రాజకీయాల నుంచి కూడా శాస్వితంగా తప్పుకొంటానని ప్రకటించారు. మంత్రి కె.టి.ఆర్. కూడా తన మాటకు కట్టుబడి ఉండాలని డిమాండ్ చేసారు.

కాంగ్రెస్ పార్టీ కూడా కె.టి.ఆర్. సవాలుని స్వీకరించడంతో ఇప్పుడు తెరాస ఇంకా ఇబ్బందికర పరిస్థితులలోకి నెట్టబడింది. ఆ పార్టీ ఎట్టి పరిస్థితులలో కూడా వంద స్థానాలు గెలుచుకోలేదని ప్రతిపక్షాలు బల్లగుద్ది చెపుతున్నపుడు వాటిని ధీటుగా ఎదుర్కోలేకపోతే, ఆ ప్రభావం ఓటర్ల మీద తప్పక పడుతుంది. అప్పుడు వంద కాదు అందులో సగం కూడా సాధించుకోవడం కష్టమవుతుంది.

మొదట్లో తెరాస చాలా ఆత్మవిశ్వాసం కనబరిచినప్పటికీ క్రమంగా తెదేపా, బీజేపీ, కాంగ్రెస్ పార్టీలు కూడా ప్రచారం ఉదృతం చేయడం మొదలుపెట్టిన తరువాత తెరాస తన లెక్కలను మళ్ళీ సవరించుకోవలసి వస్తోంది. అందుకే కె.టి.ఆర్. సవాలుకి సవరణ ప్రకటన విడుదల చేయవలసి వచ్చిందని భావించవచ్చును. మారిన ఈ పరిస్థితిని చూసే ఈ ఎన్నికలలో తెదేపా-బీజేపీలతో సహా ఏ పార్టీకి మెజారిటీ రాదని లోకేష్ బాబు శలవిచ్చినట్లున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

స్టూడియోల‌కు పూర్వ వైభ‌వం

జీవితం ఓ సైకిల్ చ‌క్రం లాంటిది. ఎక్క‌డ మొద‌లెట్టామో తిరిగి అక్క‌డికే వ‌చ్చి ఆగుతాం. సినిమాల ప‌రిస్థితి ఇప్పుడు అలానే మారింది. ఇది వ‌ర‌కూ సినిమా అంటే స్టూడియో వ్య‌వ‌హార‌మే. తొలి స‌న్నివేశం...

విమానాల వాయిదా : తొందరపడినా ప్రభుత్వం సిద్ధం కాలేకపోయిందా..?

దేశమంతా విమనాశ్రయాలు ఓపెన్ అయ్యాయి.. కానీ ఆంధ్రప్రదేశ్‌లో మాత్రం.. ఒక్క రోజు వాయిదా పడ్డాయి. కారణాలేమైనా కావొచ్చు.. ఆంధ్రప్రదేశ్ ప్రభుత్వం... లాక్ డౌన్ ఎత్తేసి.. సాధారణ కార్యకలాపాలు ప్రారంభించాలని.. లాక్‌డౌన్ 1.0 అయిపోయినప్పుడే...

శ్రీవారి అమ్మకం ఆస్తుల లిస్ట్ చాలా పెద్దదే..!?

తమిళనాడులో నిరర్థకంగా ఉన్న ఆస్తులను అమ్ముతున్నామని వాటిని అమ్మేస్తే.. రూ. కోటిన్నర కూడా రాదంటూ... అధికార పార్టీ నేతలు వాదిస్తున్నారు. మరి కోటిన్నర కోసమే ఇన్ని విమర్శలను ఎందుకు ఎదుర్కొంటున్నారు.. దేవుడి ఆస్తుల్ని...

ప్రజల భాగస్వామ్యంతో.. “మన పాలన – మీ సూచన..!”

అధికారం చేపట్టి ఏడాది అవుతున్న సందర్భంగా.. ఏపీ సర్కార్ పాలనలో ప్రజల భాగస్వామ్యాన్ని పెంచాలనుకుంది. దాని ప్రకారం ఐదు రోజుల పాటు మేథోమథనం నిర్వహిస్తోంది. ప్రజల ఆలోచనలు, సూచనలను నిరంతరం పరిగణనలోకి తీసుకుంటూ...

HOT NEWS

[X] Close
[X] Close