నితిన్, సమంత మొదటిసారి జతకడుతున్న సినిమా అ..ఆ. మాటల మాత్రికుడు త్రివిక్రం శ్రీనివాస్ దర్శకత్వంలో వస్తున్న ఈ సినిమా చిత్రీకరణ 70 శాతం వరకు పూర్తయ్యింది. అయితే ఈ సినిమాకు ముందునుండి కొన్ని అవాంతరాలు ఎదురవుతున్న సంగతి తెలిసిందే. సినిమా మొదట్లో ఆర్ట్ డైరక్టర్ రాజీవన్ ని తొలగించిన దర్శకుడు త్రివిక్రం ఇప్పుడు సినిమా సంగీత దర్శకుడు అనిరుథ్ ని కూడా తొలగించాడట.
సినిమాకు ఇప్పటికే మ్యూజిక్ సిట్టింగ్స్ జగరగాల్సి ఉన్నా కోలీవుడ్ లో బీప్ సాంగ్ గొడవ, ఇంకా అక్కడ మిగతా పనులతో అనిరుథ్ ఈ సినిమాకు సమయం కేటాయించలేదు. ఆ కారణం చేత అతన్ని తొలగించి మరో సంగీత దర్శకుడు మిక్కి జె మేయర్ ని తీసుకున్నట్టు విశ్వసనీయ సమాచారం. అయితే అనిరుథ్ తొలగించబడ్డాడు కదా ఇక మరోసారి త్రివిక్రం దేవి శ్రీ ప్రసాద్ నే తీసుకుంటాడు అనుకున్నారు అందరు.
కాని ఇప్పటికే దేవి కమిట్ అయిన సినిమాలు ఉండటంతో త్రివిక్రం అ..ఆ సినిమాకు టైం కేటాయించడం కాస్త కష్టం అని చెప్పాడట. అందుకే మిక్కి జె మేయర్ ను అ..ఆ సినిమాకు కన్ఫాం చేశారు. హారిక & హాసిని క్రియేషన్స్ పతాకంలో రాధాకృష్ణ ఈ సినిమాను నిర్మిస్తుండగా మలయాళ ప్రేమం బ్యూటీ అనుపమ పరమేస్వరన్ ఓ ఇంపార్టెంట్ రోల్ ప్లే చేస్తుంది. అన్ని హంగులను ముగించుకుని సినిమాను ఫిబ్రవరి 14 ప్రేమికుల దినోత్సవం సందర్భంగా విడుదల చేసే ఆలోచనలో ఉన్నారు దర్శక నిర్మాతలు.
