మీడియా వాచ్ : సాక్షి ఆఫీసులో కరోనా కలకలం..!

తెలుగు మీడియాలోనూ కరోనా కలకలం రేపుతోంది. హైదరాబాద్‌లోని సాక్షి ప్రధాన కార్యాలయం కేంద్రంగా విధులు నిర్వహించే ఓ రిపోర్టర్‌కు కరోనా పాజిటివ్‌గా తేలింది. దాంతో.. సాక్షి కార్యాలయం మొత్తాన్ని శానిటైజ్ చేశారు. బుధవారం మొత్తం సాక్షి కార్యాలయంలో అదే హడావుడి నడిచింది. ప్రత్యేకంగా డి ఇన్‌ఫెక్షన్ యంత్రాన్ని తీసుకొచ్చి.. ఉద్యోగులందర్నీ దాని ద్వారా నాలుగైదు సార్లు నడిపించారు. అలాగే.. లిఫ్టుల వాడకాన్ని నిలిపివేశారు. ఆఫీసు మొత్తాన్ని శానిటైజ్ చేశారు. ఆ ఉద్యోగి.. సాక్షి దినపత్రిక రిపోర్టర్.

హైదరాబాద్ బంజారాహిల్స్ రోడ్ నెంబర్ వన్‌లో ఉండే సాక్షి ఆఫీసులో పై అంతస్తుల్లో సాక్షి టీవీ .. కింది అంతస్తుల్లో దినపత్రిక కార్యకాలపాలు నడుస్తూ ఉంటాయి. ఐదో అంతస్తులో కీలకమైన రిపోర్టింగ్ .. డెస్క్ వ్యవహారాలు ఉంటాయి. అక్కడే విధులు నిర్వహించే ఉద్యోగికి కరోనా సోకింది. దీంతో..ఆ ఫ్లోర్‌లో ఉండే ఉద్యోగులందరికీ కరోనా పరీక్షలు నిర్వహించాలని నిర్ణయించినట్లుగా తెలుస్తోంది. నాలుగైదు రోజులుగా అస్వస్థతగా ఉండటం.. కరోనా లక్షణాలు బయటపడటతో.. టెస్టులు నిర్వహించడంతో.. కరోనా పాజిటివ్ అని తేలినట్లుగా తెలుస్తోంది. సాధారణంగా కరోనా సోకితే.. ఆ ఏరియాను.. కంటెన్మెంట్‌ జోన్‌గా ప్రకటించి.. సీజ్ చేస్తారు. ప్రస్తుత నిబంధనల ప్రకారం.. కనీసం ఏడు రోజుల పాటు.. అక్కడ ఎవరినీ అనుమతించకూడదు. అయితే.. సాక్షి కార్యాలయాన్ని మాత్రం.. శానిటైజ్ చేసి.. యధావిధిగా కార్యకలాపాలు నిర్వహిస్తున్నారు.

ఆంధ్రప్రదేశ్ లోని కడప జిల్లాలో ఈనాడు యూనిట్ ఆఫీసు ఉన్న గ్రామంలో కరోనా కేసు బయటపడిందని కొన్నాళ్ల కిందట.. ఆ యూనిట్ ఆఫీసును తెరవడానికి అక్కడి ప్రభుత్వ వర్గాలు అంగీకరించలేదు. దాంతో.. తిరుపతి యూనిట్ నుంచి.. ప్రింటింగ్ చేసి.. కడపకు పంపించాల్సి వచ్చింది. ఇప్పుడు.. హైదరాబాద్ సాక్షి ఆఫీసులో కరోనా కేసు బయటపడినా… కంటెన్మెంట్ జోన్ దాకా వెళ్లకుండా… శానిటేషన్‌తోనే సరి పెట్టారు. ఇటీవల కేంద్రం రూల్స్ మార్చడం కూడా దీనికి ఓ కారణం కావొచ్చంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అదానీకి మధురవాడలో 130 ఎకరాలు..!

ఆంధ్రప్రదేశ్ ప్రభుత్వం విశాఖలో అదానీ ఇంటిగ్రేటెడ్ డేటా సెంటర్ పార్కు ఏర్పాటుకు భారీ ప్రోత్సాహకాలు ప్రకటించింది. పెట్టుబడుల ప్రోత్సాహక బోర్డు సిఫార్సుల మేరకు డేటా సెంటర్ పార్కు, ఐటీ బిజినెస్ పార్కు, నైపుణ్యాభివృద్ధి...

కేసీఆర్ అంతకన్నా ఎక్కువే అన్నారుగా..! అప్పుడు కోపం రాలేదా..!?

దుబ్బాక ఎమ్మెల్యే రఘునందన్ రావు .. వైఎస్ రాజశేఖర్ రెడ్డి అభిమానులకు క్షమాపణలు చెప్పారు. వైఎస్ కుటుంబాన్ని తాను కించపర్చలేదని.. తన మాటల్ని తప్పుగా అర్థం చేసుకున్నారని వివరణ ఇచ్చారు. ఇంతకీ...

తిరుపతి సీటు కోసం ఢిల్లీకి పవన్, నాదెండ్ల ..!

బీజేపీకి మద్దతుగా గ్రేటర్ ఎన్నికల బరి నుంచి వైదొలిగిన పవన్ కల్యాణ్ హుటాహుటిన ఢిల్లీ వెళ్తున్నారు. బీజేపీ జాతీయ అధ్యక్షుడు నడ్డాతో పాటు పలువురు సీనియర్ నేతలతో చర్చలు జరిపేందుకు నాదెండ్ల మనోహర్‌తో...

గుడ్ న్యూస్‌: థియేట‌ర్ల‌కు గ్రీన్ సిగ్న‌ల్

థియేట‌ర్లు తెర‌చుకోవ‌డానికి అనుమ‌తులు ఇస్తూ.. తెలంగాణ రాష్ట్ర ప్ర‌భుత్వం ఈరోజు ఓ జీవోని విడుద‌ల చేసింది. అయితే కొన్ని ష‌ర‌తులు విధించింది. సిట్టింగ్ సామ‌ర్థ్యాన్ని 50 శాతానికి ప‌రిమితం చేసింది. ప్ర‌తి ప్రేక్ష‌కుడూ.....

HOT NEWS

[X] Close
[X] Close