దుర్గగుడిలో అవినీతి ఆనకొండలు..! కానీ చిన్న చేపలే బలి..!

విజయవాడ దుర్గగుడిలో ఏసీబీ మూడు రోజుల పాటు చేసిన సోదాల్లో… అడుగుకో అక్రమం బయటపడటంతో ఇప్పుడు దాన్ని కింది స్థాయి ఉద్యోగులకు చుట్టేస్తున్నారన్న విమర్శలు వస్తున్నాయి. ఏసీబీ నివేదిక ఆధారంగా ఇప్పటి వరకూ 13 మంది ఉద్యోగులపై సస్పెన్షన్ వేటు వేశారు. ఇందులో ఐదుగురు సూపరిండెంటెట్లు కూడా ఉన్నారు. మరికొంత మందిపైనా చర్య తీసుకునేందుకు రంగం సిద్ధమయిందన్న ప్రచారం జరుగుతోంది. ఏసీపీ అందించిన ప్రాథమిక నివేదిక ఆధారంగానే చర్యలు తీసుకుంటున్నామని.. ముందు ముందు మరింత మంది కీలక వ్యక్తులపై చర్యలు ఉంటాయని ప్రభుత్వర్గాలు చెబుతున్నాయి. ఇలా సస్పెన్షన్ వేటు వేస్తోంది ఈవో సురేష్ బాబు. అసలు ఆయనపైనే అనేకానేక అవినీతి ఆరోపణలు ఉన్నాయి. ఆలయంలో జరిగే ప్రతీ వ్యవహారం ఆయన కనుసన్నల్లోనే జరగుతుతుంది.

ప్రతీ దానికి ఆయనే బాధ్యత వహించాల్సి ఉంటుంది. అయితే.. అనూహ్యంగా ఏసీబీ అధికారులు ఇచ్చిన నివేదిక ప్రకారం.. కింది స్థాయి ఉద్యోగులపైన మాత్రమే వేటు వేస్తున్నారు. అదే సమయంలో ఈవో సురేష్ బాబుపై దేవాదాయశాఖ కమిషనర్‌ అర్జునరావు నేరుగా ఆరోపణలు చేస్తున్నారు. మ్యాక్స్ అనే సంస్థకు సెక్యూరిటీ టెండర్లను అప్పగించారు. అందులో అనేక అవకతవకలు జరిగాయి. టెండర్ ఆమోదం పొందకపోయినా మ్యాక్స్ సంస్థకు పెద్ద ఎత్తున నిధులు చెల్లించారంటూ అర్జునరావు సురేష్ బాబుపై ఆరోపణలు గుప్పిస్తున్నారు. దీంతో మొత్తం వ్యవహారంపై రాజకీయ దుమారం రేగుతోంది. తాడేపల్లి ప్యాలెస్‌లో దుర్గగుడి అవినీతి వ్యవహారంపై సెటిల్మెంట్ జరిగిందని టీడీపీ, జనసేన ఆరోపణలు ప్రారంభించాయి.

స్వరూపానంద స్వామి, సజ్జల రామకృష్ణారెడ్డితో.. దుర్గగుడి ఈవో సురేష్‌బాబు బేరం కుదుర్చుకున్నారని జనసేన నేత పోతిన మహేష్ ఆరోపించారు. మంత్రి వెల్లంపల్లిని… ఈవో సురేష్ బాబును స్వరూపానంద కాపాడుతున్నారని టీడీపీ నేతలు మండిపడ్డారు. అయితే దుర్గగుడిలో ఏసీబీ దాడులు చేయడం అనేది కింది స్థాయి అధికారులు తీసుకునే నిర్ణయం కాదని.. పై స్థాయిలో చేస్తారని.. ఈ మొత్తం వ్యవహారంలో రాజకీయ వ్యూహం ఉందన్న అనుమానాలు వ్యక్తం చేస్తున్నారు. మొత్తానికి దుర్గగుడిలో అవినీతి మూలవిరాట్టు ఎవరో కనిపెడితే కానీ అవినీతికి అంతం పడదు. లేకపోతే.. యధావిధిగా అవినీతి మయంగానే అమ్మవారి ఆలయం ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close