డీఎస్‌కు ఇది బంపర్ ఆఫర్!

కాంగ్రెస్ లో ఉన్నారో లేదో ఎవరూ పట్టించుకోని డి. శ్రీనివాస్ కు బంపర్ ఆఫర్ తగిలింది. కేసీఆర్ ఆపరేషన్ ఆకర్ష పుణ్యమా అని తెరాసలో ఓ మాంచి పదవే దక్కబోతోంది. అది హోం మంత్రి పదవి కావచ్చని కొన్ని టీవీ చానల్స్ లో స్క్రోలింగ్స్ సందడి చేశాయి. అది కాకపోతే మరో పదవి. మొత్తానికి, ఇప్పుడున్న పరిస్థితుల్లో డిఎస్ కు ఇది జాక్ పాట్ వంటిదే.

రెండు సార్లు పీసీసీ అధ్యక్షుడిగా పనిచేసిన డీఎస్, వైఎస్ రాజశేఖరరెడ్డి జోరుమీదున్న కాలంలో ఆ పదవిలోకి వచ్చారు. ఆనాటి పరిస్థితుల్లో కాంగ్రెస్ విజయం సాధించింది. ఆ క్రెడిట్ లో కొంత డీఎస్ ఎకౌంట్లోకి వచ్చింది. 2009లో బొటాబొటి మెజారిటీతో కాంగ్రెస్ గట్టెక్కినప్పుడూ ఆయనే పీసీసీ అధ్యక్షుడు. కాంగ్రెస్ లో చాలా కాలం మంత్రిగా పనిచేశారు. అసెంబ్లీ ఎన్నికల్లో ఓడినా ఎం ఎల్ సి పదవినిచ్చారు. పార్టీ కమిటీల్లో ప్రాధాన్యం ఇచ్చారు. ఆయన తనయుడిని నిజామాబాద్ మేయర్ ను చేసిందీ కాంగ్రెస్ పార్టీయే.

ఇప్పుడు తనను పక్కనబెట్టారనే ఆవేదనే ఆయనకు మనశ్శాంతి లేకుండా చేసింది. మొన్నటి ఎం ఎల్ సి ఎన్నికల్లో తనను కాదని ఓ మహిళా అభ్యర్థికి అవకాశం ఇవ్వడం ఆయనకు ఆగ్రహం కలిగించినట్టుంది. ఇలాగైతే ఎలాగా అని ఆలోచిస్తున్న సమయంలో, కేసీఆర్ ఆఫర్ వచ్చింది. నో అనడానికి కారణాలేమీ కనిపించలేదు. ఎలాగూ కాంగ్రెస్ అధికారంలో లేదు. అధికారంలో ఉన్నప్పుడు తనకు గుర్తింపునిచ్చిన పార్టీని వదిలి వెళ్లాలా అనే మొహమాటం ఈ కాలపు నాయకులకు ఉండదని అందరికీ తెలిసిందే.

నిజామాబాద్ అర్బన్ లో పట్టుందనే కారణంతోనే ఆయన్ని కేసీఆర్ ఆహ్వానించి ఉంటారని భావిస్తున్నారు. పార్టీలోకి వచ్చీ రాగానే ఆయనకు మంచి పదవి దక్కే అవకాశం ఉంది. నిజామాబాద్ జిల్లాలో ఇప్పటికే బడా, చోటా నాయకులకు కొదువలేదు. జిల్లా అధికార పార్టీలో పదవుల కోసం ఆశిస్తున్న వారు చాలా మందే ఉన్నారు. మొదటి నుంచీ పార్టీలో ఉన్నవారు అలాగే ఉన్నారు. కాంగ్రెస్, టీడీపీ నుంచి వచ్చిన వారికి పెద్ద పీట వేస్తున్నారనే అభిప్రాయం గులాబీ శిబిరంలో చాలా మందికి ఉంది. కానీ కేసీఆర్ కు ఎదురు మాట్లాడే ధైర్యం ఎవరికీ లేదు.

డీఎస్ తో పాటు ఇంకా చాలా మంది కారెక్కుతారని అంటున్నారు. వారిలో జనబలం ఉన్న వారు ఎంత మందో తెలియాల్సి ఉంది. అసలు డీఎస్ కు ఉన్న ప్రజాబలమే అంతంత మాత్రం అని ప్రత్యర్థుల విమర్శ. నిజామాబాద్ అర్బన్ లోనూ తిరుగులేని నాయకుడేమీ కాదని వారు ఎద్దేవా చేస్తుంటారు. మరి ఏ ప్రయోజనం ఆశించి ఆయనకు కేసీఆర్ బంపర్ ఆఫర్ ఇచ్చారని గులాబీ కేడర్ చర్చల్లో మునిగింది. ఈ మధ్య ఇతర పార్టీల నుంచి పిలిచి పెద్దపీట వేసిన వారిలో చాలా మంది కనీసం కౌన్సిలర్ గా గెలవలేరని విపక్షాల నుంచే కాదు, గులాబీ శిబిరం నుంచి కూడా కామెంట్స్ వచ్చాయి. మొత్తానికి డి. శ్రీనివాస్ రాజకీయ కెరీర్ లో రెండో ఇన్సింగ్స్ ఘనంగా మొదలు కాబోతుంది. లక్కీ డీఎస్.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

నీల‌కంఠ‌తో రాజ‌శేఖ‌ర్‌

షో సినిమాతో ఆక‌ట్టుకున్నాడు నీల‌కంఠ‌. మిస్స‌మ్మ త‌న‌కు మంచి గుర్తింపు తెచ్చింది. ప‌లు అవార్డులు అందించింది. దాంతో క్లాస్ ద‌ర్శ‌కుడిగా గుర్తింపు తెచ్చుకున్నాడు. చాలా కాలంగా నీల‌కంఠ ఖాళీగా ఉన్నాడు. అయితే.. ఇప్పుడు...

అపెక్స్ భేటీలో ఏపీ, కేంద్రం నోళ్లు మూయిస్తాం: కేసీఆర్

ఆంధ్రప్రదేశ్ ప్రభుత్వంపై కేసీఆర్ అసహనం వ్యక్తం చేశారు. స్నేహహస్తం చాచినా.. కావాలని కయ్యం పెట్టుకుంటోందని మండిపడ్డారు. ఈ విషయంలో కేంద్ర విధానాలు కూడా సరిగ్గా లేవన్నారు. అపెక్స్ కౌన్సిల్ సమావేశంలో అనుసరించాల్సిన వైఖరిని...

13 నెలల్లో 13 జిల్లాలకు ఏం చేశారో చెబుతారా..?: చంద్రబాబు

ఐదేళ్ల పాలనలో 13 జిల్లాలకు తెలుగు దేశం హయాంలో ఏం చేశామో.. ఎలా అభివృద్ది వికేంద్రీకరణ చేశామో... టీడీపీ అధినేత చంద్రబాబు మీడియాకు వివరించారు. పదమూడు నెలల్లో...వైసీపీ సర్కార్ ఏం చేసిందో...

మీడియా వాచ్‌: తీవ్ర సంక్షోభంలో ‘ఈనాడు’

తెలుగులో అగ్ర‌గామి దిన‌ప‌త్రిక ఈనాడు. ద‌శాబ్దాలుగా నెంబ‌ర్ వ‌న్‌గా చ‌లామణీ అవుతోంది. అయితే... క‌రోనా నేప‌థ్యంలో నెంబ‌ర్ వ‌న్ సంస్థ సైతం తీవ్ర సంక్షోభాన్ని ఎదుర్కొంటోంది. క‌రోనా ఉప‌ద్ర‌వానికి ముందు ఈనాడు...

HOT NEWS

[X] Close
[X] Close