మార్చి31 కల్లా మావోయిస్టులను లేకుండా చేస్తామని హోంమంత్రి అమిత్ షా పంతం పట్టారు. ఆ దిశగా కార్యాచరణ సాగుతోంది. ఇప్పటికే ఫుల్ స్వింగ్ మీద ఉంది. సరెండర్ అయినవారు బతుకుతున్నారు. మిగిలిన వారు ఎన్ కౌంటర్ అవుతున్నారు. అన్ని వైపుల నుంచి మావోయిస్టులను కట్టిపడేశారు. ఇప్పుడు వారికి గుట్టుగా బతకడమూ కష్టమే. అందుకే అందరం కలిసి లొంగిపోతామని సంకేతాలు పంపుతున్నారు. కానీ కేంద్రం నుంచి కానీ రాష్ట్రాల నుంచి కానీ ఎలాంటి సంకేతాలు లేవు. ఏదో ఓ చానల్ పట్టుకుని లొంగిపోతే సరే ..లేకపోతే మాత్రం మా పని మేం చేసుకుంటామని బలగాలు చెబుతున్నాయి.

జనవరి ఒకటి కల్లా మావోయిస్టులంతా లొంగుబాటు

జనవరి ఒకటోతేదీ కల్లా లొంగిపోతామని .. అందరం కలిసి సరెండర్ అవుతామని అప్పటి వరకూ చంపవద్దని మావోయిస్టులు ఓ ఆడియో రిలీజ్ చేశారు. కానీ ఈ ఆడియోను లేఖలను పరిగణనలోకి తీసుకోవడం లేదు. జరగాల్సింది జరుగుతుందని అనుకుంటున్నారు. ఇంతలో ఇప్పటికీ ఆజ్ఞాతంలోఉన్న మావోయిస్టులు లొంగిపోవడానికి దారి దొరికితే వెంటనే వెళ్లిపోతున్నారు. చత్తీస్ ఘడ్, మహారాష్ట్రల్లో మిగిలిపోయిన మావోయిస్టులు అదే పని చేస్తున్నారు.

ఆచూకీ లేకుండా పోయిన దేవ్ జీ

ప్రస్తుతం మావోయిస్టు పార్టీకి హెడ్ గా భావిస్తున్న తిప్పిరి తిరుపతి అలియాస్ దేవ్‌జీ ఆచూకీ తెలియడం లేదు. మావోయిస్టులెవరికీ ఆయన సమాచారం లేకపోవడంతో .. తమ సానుభూతిపరులతో పోలీసులు అరెస్ట్ చేశారని ప్రకటనలు ఇప్పిస్తున్నారు. దేవ్ జీ సెక్యూరిటీ అంతా పోలీసులకు చిక్కారు. అంటే ఆయన కూడా పోలీసుల వద్దే ఉండవచ్చని అనుమానిస్తున్నారు. ఉన్నారో లేదో ఎవరికీ తెలియదు. అసలు నాయకుడే లేకపోవడంతో మావోయిస్టుల్లో మిగిలిన క్యాడర్ కిందా మీదా పడుతున్నారు. సరెండర్ కావాలనుకుంటున్నారు.

ప్రజాస్వామ్యయుత ఉద్యమం వల్ల ప్రజలకు మేలు

భయంతో సరెండర్ అయిపోయేవారు ఎక్కువగా ఉన్నారు. కాలంతో పాటు మారని సిద్ధాంతాల వల్ల.. తాము తమ జీవితాల్ని అడవుల పాలు చేసుకున్నామని.. అమాయకుల్ని చంపామని… అలాగే తాము కూడా నష్టపోయామని వారు రియలైజ్ అయి.. సరెండర్ అయితే ఇంకా ఎక్కువ ప్రయోజనం ఉంటుంది. ఏదైనా డెడ్ లైన్ కంటే మూడు నెలల ముందుగానే ఇండియాలో మావోయిజం అంతమవుంది. అది ప్రజాస్వామ్య మద్దతుల్లో మళ్లీ ప్రజల్లో ఉద్భవిస్తే.. ప్రజలకు మంచే జరుగుతుంది.