పవర్ స్టార్ పవన్ కళ్యాణ్ ట్రెండ్ సెట్ చేసిన సినిమా అత్తారింటికి దారేది.. 80 ఏళ్ల సిని చరిత్రలో ఎప్పుడు ఆ సినిమాకు ఎదురైన సమస్య ఏ సినిమాకు ఎదురు కాలేదు. సినిమా విడుదలకు ముందే సినిమా మొదటి భాగం లీక్ అవ్వడం అది ప్రేక్షకుల దగ్గరకు చేరిపోవడం అంతా జరిగిపోయింది. కేవలం కొందరి స్వార్ధం కోసం.. మరికొందరు సరదా కోసం ఆ సినిమాను లీక్ చేయడం జరిగింది.
ఇక సినిమా సక్సెస్ అయిన తర్వాత పవన్ కళ్యాణ్ ఆ లీక్ చేయించింది ఎవరు అనేది తమకు తెలిసిందని.. వారి బరతం పడతాం అన్నట్టుగా మాట్లాడాడు. అయితే ఇన్నాళ్లకు అత్తారింటికి లీక్ బాగోతం మీద సినిమా రావడంతో మరోసారి ఆ లీక్ వెనుక ఎవరెవరి అస్త్రాలున్నాయో అని అందరు ఆలోచించడం మొదలెట్టారు. వెంకట్ కృష్ణ దర్శకత్వం వహిస్తున్న ఈ సినిమాను ఓయ్ సినిమా దర్శకుడు ఆనంద్ రంగ, శేషు రెడ్డి నిర్మిస్తున్నారు.
ఎన్నో వందల కొద్ది సినిమాలకు పోస్టర్స్ డిజైన్ చేసిన అనిల్ అండ్ భానులు ఈ సినిమాకు సహ నిర్మాతలుగా వ్యవహరించడం జరుగుతుంది. రీసెంట్ గా ఫస్ట్ లుక్ పోస్టర్ విడుదలైన ఈ సినిమా టీజర్ కొద్దిగంటల క్రితం హీరో సిద్ధార్థ్ అండ్ వి.వి.ఎస్ లక్ష్మన్ ట్విట్టర్ లో విడుదల చేశారు. సినిమా టీజర్ అయితే సినిమా ఎలా లీక్ అయ్యింది అనే విషయాన్ని బహిర్గతం చేసేలానే చూపించారు మరి సినిమా వచ్చాక ఎలాంటి గొడవలకు దారితీస్తుందో చూడాలి.
