మాజీ ఇంటలిజెన్స్ చీఫ్ ఏబీ వెంకటేశ్వరరావు సస్పెన్షన్..!

చంద్రబాబు ప్రభుత్వంలో ఇంటలిజెన్స్ చీఫ్‌గా కీలక బాధ్యతలు నిర్వహించిన ఏబీ వెంకటేశ్వరరావును ఏపీ సర్కార్ సస్పెండ్ చేసింది. ఆయనపై క్రమశిక్షణా చర్యల కింద.. చర్యలు తీసుకుంటూ.. సస్పెషన్ వేటు వేస్తున్నట్లుగా ప్రభుత్వం అర్థరాత్రి హడావుడిగా జీవో విడుదల చేసింది. విచారణ జరుగుతున్న సమయంలో అనుమతి లేకుండా విజయవాడ దాటి పోవద్దని ఆదేశాలు జారీ చేశారు. ఏబీ వెంకటేశ్వరరావుపై ప్రధానంగా ఐదు అభియోగాలను .. పేర్కొన్నారు. ఇందులో మొదటిది గ్రాస్ మిస్ కండక్ట్. క్రిటికల్ ఇంటలిజెన్స్ అండ్ సర్వైలెన్స్ కాంట్రాక్ట్‌ను ఓ ఇజ్రాయెల్ కంపెనీతో కుమ్మక్కయి.. అక్రమమంగా తన కుమారుడికి చెందిన కంపెనీకి ఇప్పించుకున్నారనేది మొదటి అభియోగం. ఇది నేరుగా విదేశీ రక్షణ తయారీ సంస్థతో నేరుగా సంబంధాలు పెట్టుకోవడమేనని.. ఇది సర్వీస్ ఎథికల్ కోడ్‌ను ఉల్లంఘించడమేనని ప్రభుత్వం చెబుతోంది.

రెండో అభియోగం .. ఏబీ వెంకటేశ్వరరావు చర్యల వల్ల దేశానికి , రాష్ట్రానికి ముప్పు ఏర్పడటం. ఇంటలిజెన్స్ చీఫ్‌గా ఏబీ వెంకటేశ్వరరావు.. కీలకమైన సమాచారాన్ని ఇజ్రాయెలీ కంపెనీలకు పంచుకున్నారని.. ప్రభుత్వం ఆరోపిస్తోంది. ఇంటలిజెన్స్ ప్రోటోకాల్స్ అండ్ ప్రొసీజర్స్ ఉద్దేశపూర్వకంగా వెల్లడించారని ప్రభుత్వం అభియోగం మోపింది. అలాగే ఎక్విప్ మెంట్‌ను కూడా సబ్ స్టాండర్డ్‌వి కొన్నారని .. స్టేట్ సీక్రెట్స్‌ను యాక్సెస్ చేశారని… దాని వల్ల లాభం పొందారని కూడా ప్రభుత్వం ఆరోపిస్తోంది. మూడో అభియోగం.. టెండర్లలో అక్రమాలకు పాల్పడటం, నాలుగో అభియోగం.., మొత్తం వ్యవహారంలో ఎన్నో ఇర్రెగ్యులారిటీస్‌ ఉండటం.. ఐదో అభియోగంగా.. సీనియర్ ఆఫీసర్లపై అమర్యాదగా ప్రవర్తించడాన్ని పేర్కొన్నారు. మొత్తానికి ఐదు అభియోగాలను మోపారు.. .సస్పెండ్ చేశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కోహ్లీ… ఇదేం కెప్టెన్సీ??

ప్ర‌పంచ అత్యుత్త‌మ బ్యాట్స్‌మెన్‌ల‌లో కోహ్లీ ఒక‌డు. ఈ విష‌యంలో ఎవ‌రికీ ఎలాంటి సందేహాలూ లేవు. క్రికెట్ దేవుడు స‌చిన్ టెండూల్క‌ర్ రికార్డుల‌న్నీ బ‌ద్దలు కొట్ట‌గ‌ల సామ‌ర్థ్యం త‌న‌కు మాత్ర‌మే ఉంద‌న్న‌ది క్రికెట్ అభిమానుల...

రైతులకు పరిహారంపై జగన్ ఔదార్యం చూపలేకపోతున్నారా..!?

నివార్ తుపాన్ కారణంగా పెద్ద ఎత్తున నష్టపోయిన రైతాంగానికి జగన్మోహన్ రెడ్డి భారీ నష్టపరిహారం ప్రకటిస్తారని ఆశ పడిన వారికి నిరాశే ఎదురయింది. ఎకరానికి పంటను బట్టి పదిహేను నుంచి పాతిక వేల...

నోటా లేక టీఆర్ఎస్ వైపు జనసైనికులు: మద్దతు కూడగట్టడంలో బండి, ధర్మపురి వైఫల్యం?

మొత్తానికి ఎన్నికల ప్రచారం ముగిసింది. రేపటికి ఎన్నికలు పూర్తయి నాలుగవ తేదీన ఫలితాలు కూడా వచ్చేస్తాయి. అయితే ఈ ఎన్నికల ప్రచార సరళి గమనించిన విశ్లేషకులు, జనసైనికుల మద్దతు కూడగట్టడంలో బిజెపి నాయకులు...

దేశంలో మళ్లీ లాక్‌డౌనా..!?

దేశంలో కరోనా కేసులు పెరుగుతూండటంతో ప్రధానమంత్రి నరేంద్రమోడీ ప్రత్యేక చర్యలు తీసుకోవాలని భావిస్తున్నారు. ఢిల్లీ సహా అనేక రాష్ట్రాల్లో కరోనా సెకండ్ వేవ్ తీవ్ర ప్రభావాన్ని చూపిస్తోంది. పెద్ద ఎత్తున కేసులు..మరణాలు నమోదవుతున్నాయి....

HOT NEWS

[X] Close
[X] Close