చిరంజీవి – ర‌వితేజ‌ల‌ది అన్న‌ద‌మ్ముల అనుబంధం. చిరుని స్ఫూర్తిగా తీసుకొనే ర‌వితేజ సినిమాల్లోకి వ‌చ్చాడు. చిన్న చిన్న పాత్ర‌ల‌తో స్టార్ హీరోగా మారాడు. చిరు సినిమాల్లో ర‌వితేజ కూడా క‌నిపించాడు. అయితే స్టార్ గా మారాక… వీరిద్ద‌రూ చేస్తున్న తొలి సినిమా `వాల్తేరు వీర‌య్య`. ఈ సినిమాలో చిరు, ర‌వితేజ స‌వ‌తి సోద‌రులుగా క‌నిపించ‌నున్నార‌ని తెలుగు 360 ముందే చెప్పింది. ఇప్పుడు మరో ఆస‌క్తిక‌ర‌మైన విష‌యం బ‌య‌ట‌కు వచ్చింది. ఈసినిమాలో చిరు ఓ దొంగ గా… ర‌వితేజ ఓ పోలీస్ ఆఫీస‌ర్ గా క‌నిపించ‌నున్నారు. చిరుని ప‌ట్టుకోవ‌డానికి ర‌వితేజ వేసే ఎత్తుగ‌డ‌ల నేప‌థ్యంలోనే సినిమా సాగుతుంద‌ని స‌మాచారం. వీరిద్ద‌రి మ‌ధ్య గేమ్ టిట్ ఫ‌ర్ టాట్‌లా ఉంటుంద‌ని…. అదే ఈసినిమాకి ప్రాణ‌మ‌ని తెలుస్తోంది.
బాబి ఈ చిత్రానికి ద‌ర్శ‌కుడు. చిరుని అభిమానులు ఎలా చూడాల‌ని కోరుకుంటున్నారో, అలానే.. ఈ సినిమాలో చూపించ‌బోతున్నాడ‌ట. ఇప్ప‌టికే కొన్ని యాక్ష‌న్ సీన్లు, ఎంట‌ర్‌టైన్‌మెంట్ సీన్లూ.. తీసేశాడు బాబి. ర‌ఫ్ క‌ట్ చూసిన చిరుకి… ఆ సీన్లు బాగా న‌చ్చేశాయ‌ని, ఇప్పుడు బాబికి మ‌రింత ఫ్రీ హ్యాండ్ ఇచ్చాడ‌ని తెలుస్తోంది. దేవిశ్రీ ప్ర‌సాద్ ఈ చిత్రానికి సంగీతం అందిస్తున్నాడు. ఆయన కూడా చిరు అన‌గానే చెల‌రేగిపోతాడు. ఇప్ప‌టికే నాలుగు మాస్ ట్యూన్లు రెడీ చేశాడ‌ని, ఆ పాట‌లు అభిమానుల‌కు విప‌రీతంగా న‌చ్చేస్తాయ‌ని తెలుస్తోంది.
