ఎగ్జిట్ పోల్స్ షాక్..! విపక్షాల భేటీ ఫలితాలే తర్వాతే..!

బీజేపీని గద్దె దింపడానికి ఎలాంటి అవకాశం వచ్చినా.. వదిలి పెట్టకూడదన్న ప్రయత్నాల్లో ఉన్న.. బీజేపీయేతర పార్టీలకు ఎగ్జిట్ పోల్స్ ఒక షాకే. కానీ ఆ పార్టీలేమీ నమ్మడం లేదు. అయితే.. తొందరపాటు ఎందుకన్న పద్దతిలో.. ఫలితాల తర్వాతే సమావేశం అవుదామన్న ఆలోచనలో పడ్డాయి.

ఫలితాలను ఇస్తున్న చంద్రబాబు చర్చలు..!

బీజేపీయేతర పార్టీలను ఏకం చేసే.. ప్రయత్నాలను చంద్రబాబు మరింత ముమ్మరం చేశారు. కాంగ్రెస్‌ వైపు నుంచి చూపాల్సిన చొరవపై.. 23న ఫలితాలకు ముందే క్లారిటీకి రావాలని చంద్రబాబు ప్రయత్నిస్తున్నారు. బీజేపీకి వ్యతిరేకంగా కాంగ్రెస్‌కు అనుకూలంగా ప్రాంతీయ పార్టీలను ఏకం చేయడంలో.. చంద్రబాబు మార్క్ రాజకీయం సత్ఫలితాలు ఇస్తున్నట్లుగా ప్రచారం జరుగుతోంది. ఇప్పటి వరకు బీజేపీని తీవ్రంగా వ్యతిరేకిస్తున్నప్పటికీ కాంగ్రెస్ తో పాటు కూటమి కట్టడానికి వెనుకడుగు వేస్తున్న పార్టీలు.. ఇప్పుడు మెత్తబడినట్లు ప్రచారం జరుగుతోంది.

కూటమి భేటీకి వచ్చేందుకు మాయావతి సంసిద్ధత..!

శనివారం లక్నో వెళ్లి మాయావతి, అఖిలేష్‌లతో భేటీ అయిన చంద్రబాబు భేటీకి వచ్చే విషయంపై చర్చలు జరిపారు. ఆ చర్చల వివరాలను ఆదివారం ఉదయం రాహుల్ గాంధీ, శరద్ పవార్‌లకు చంద్రబాబు వివరించారు. విపక్షాల కూటమి భేటీకి.. కాస్త తగ్గి అయినా ఉండటానికి కాంగ్రెస్ పార్టీ సిద్ధంగా ఉంది. సమాజ్ వాదీ పార్టీ, బహుజన్ సమాజ్ పార్టీ, మమతా బెనర్జీలు విపక్షాల కూటమి భేటీకి వచ్చేందుకు సిద్ధంగా ఉన్నారు. ప్రధానమంత్రి పదవి విషయంలో అన్ని పార్టీలు.. ఏకాభిప్రాయానికి రావడానికి చంద్రబాబు ఓ ఫార్ములా ప్రతిపాదించారని చెబుతున్నారు. కాంగ్రెస్ పార్టీకి 140కిపైగా సీట్లు వస్తే ఆ పార్టీకి.. లేకపోతే.. ప్రాంతీయ పార్టీల నుంచి ఓ అభ్యర్థికి మద్దతివ్వాలన్న ప్రతిపాదన పెట్టినట్లు తెలుస్తోంది.

త్యాగాలు చేయడానికి కాంగ్రెస్ రెడీ..!

విపక్ష పార్టీల ఆలోచనలు, అభిప్రాయాలను వివరించేందుకు చంద్రబాబు సోనియాగాంధీతో సమావేశమయ్యారు. సోనియాతో చంద్రబాబు భేటీ ఇదే తొలి సారి. విపక్ష పార్టీలతో చర్చల వివరాలను.. చంద్రబాబు… సోనియా గాంధీకి వివరించారు. బీజేపీయేతర ప్రభుత్వం ఏర్పడుతుందని చంద్రబాబు ధీమా వ్యక్తం చేశారు. 21 లేదా 22న ఎన్డీయేతర పక్షాల సమావేశం ఉంటుందని ప్రాధమికంగా నిర్ణయించారు. అయితే ఎగ్జిట్ పోల్స్ నిరాశజనకంగా ఉండటంతో… ఇప్పుడు మనసు మార్చుకునే అవకాశం ఉంది. ఫలితాలు అనుకూలంగా వస్తే 23న సమావేశం అయ్యే అవకాశాలు కనిపిస్తున్నాయి. కచ్చితంగా.. హంగ్ పార్లమెంట్ వస్తుంది.. బీజేపీయేతర పార్టీలే కీలక పాత్ర పోషిస్తాయని.. నమ్ముతున్న చంద్రబాబు…. పార్టీలతో మరితం విస్తృతంగా సంప్రదింపులు జరిపే అవకాశాలు కనిపిస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సర్పంచ్‌తో సీఎం..! కేసీఆర్ స్టైలే వేరు..!

తెలంగాణ సీఎం కేసీఆర్... ఓ సందేశాన్ని ప్రజల్లోకి బలంగా పంపాలంటే.. చాలా సింపుల్ టెక్నిక్ ఎంచుకుంటారు. గతంలో రెవిన్యూ సంస్కరణలు తేవాలనుకున్నప్పుడు.. భూవివాదాన్ని పరిష్కరించుకోలేక.. అధికారుల చుట్టూ తిరగలేక సోషల్ మీడియాలో పోస్టు...

అమర్‌గారూ.. ఆ వాదనలు అక్కడ చెల్లవండి..!

శ్రీవారి భూముల్ని అమ్మాలని తీసుకున్న నిర్ణయంతో ప్రభుత్వానికి సంబంధం లేదు. దానికి ప్రభుత్వాన్ని తప్పు పట్టడాన్ని అభ్యంతరం వ్యక్తం చేస్తున్నాను..! మరి టీటీడీ బోర్డు చైర్మన్‌ను ఎవరు నియమించారు..? టీటీడీకి స్వతంత్ర బోర్డు ఉంటుంది.. వారు...

ఏడాది యాత్ర 7: విద్య, వైద్య రంగాలపై దీర్ఘకాలిక వ్యూహం..!

ఆంధ్రప్రదేశ్‌లోముఖ్యమంత్రి జగన్మోహన్ రెడ్డి పాలనకు ఏడాది అవుతోంది. ఈ ఏడాదిలో ఆయన పరిపాలనా సంస్కరణలతో పాటు.. ప్రజల స్థితిగతుల్ని మార్చగలికే.. విద్యా, వైద్య రంగాలపై ప్రత్యేకంగా దృష్టి సారించారు. విప్లవాత్మక మార్పుల...

కోట్లకు కోట్ల కరెంట్ పనులు..! ఎవరా వీవీఐపీలు..?

ఓ ఇల్లు కడితే ఎంత అవుతుంది..? సామాన్యుడు డబుల్ బెడ్ రూం ఇల్లుని లగ్జరీగా కట్టుకుంటే రూ. 50 లక్షలు అవుతుంది. ధనవంతుడు విల్లాలా కట్టుకుంటే.. రెండు, మూడు కోట్లు అవుతుంది. కుబేరుడు వంద...

HOT NEWS

[X] Close
[X] Close