డిక్టేటర్ శాటిలైట్ రైట్స్ ఎంతకు వెళ్ళాయంటే…?

నందమూరి బాలకృష్ణ హీరోగా నటించిన ‘డిక్టేటర్’ సినిమా సంక్రాంతి పండుగ సందర్భంగా విడుదల కాబోతున్న సంగతి అభిమానులు అందరికీ తెలుసు. సాధారణంగా సంక్రాంతి పండుగ సమయంలో విడుదలయిన బాలయ్య బాబు సినిమాలన్నీ సూపర్ హిట్ అవుతుంటాయి. కనుక ఈ సినిమాపై కూడా ఇండస్ట్రీలో, అభిమానులలో చాలా భారీ అంచనాలే ఉన్నాయి. వాటికి తగ్గట్టు ఈ సినిమా శాటిలైట్ హక్కులను ఒక ప్రముఖ టీవీ చానల్ ఏకంగా రూ.6కోట్లు చెల్లించి స్వంతం చేసుకొన్నట్లు తాజా సమాచారం. ఈ సినిమా సూపర్ హిట్ అవుతుందని భావిస్తునందునే అంత భారీ మొత్తం చెల్లించి తీసుకొందని వేరేగా చెప్పుకోనవసరం లేదు. బాలయ్య బాబు కూడా ఈ సినిమాపై చాలా నమ్మకంతో ఉన్నారు. ఈ సినిమా పోస్ట్ ప్రొడక్షన్ పనులు దాదాపు పూర్తయిపోయినట్లు సమాచారం.

ఈ సినిమాలో అంజలి,సోనాల్ చౌహాన్ మరియు అక్ష పరదసాని హీరోయిన్లుగా నటించారు. ఈ సినిమాకి ప్రముఖ రచయితలు కోన వెంకట్ మరియు గోపి మోహన్ కధ అందించారు. ప్రముఖ సంగీత దర్శకుడు ఎస్.ఎస్. ధామన్ దీనికి సంగీతం అందించారు. ఈ సినిమాకు దర్శకత్వం వహించిన శ్రీవాస్ ఎరోస్ ఇంటర్నేషనల్ సంస్థతో కలిసి నిర్మించారు. అంటే దర్శకుడు కూడా ఈ సినిమా ఖచ్చితంగా సూపర్ హిట్ అవుతుందని నమ్ముతున్నట్లు స్పష్టం అవుతోంది. కనుక అందరి అంచనాలను నిజం చేస్తూ ఈ సినిమా సూపర్ హిట్ అవుతుందని ఆశిద్దాము.

Telugu360 is always open for the best and bright journalists. If you are interested in full-time or freelance, email us at [email protected]