ఫిన్‌సెన్‌ లీక్స్ : వెలుగులోకి కేవీపీ, అదాని సహా ప్రముఖుల “బ్లాక్” హిస్టరీ..!

ఫిన్‌సెన్ లీక్స్ ఇప్పుడు ప్రపంచవ్యాప్తంగా కలకలం రేపుతోంది. ప్రపంచంలో కుబేరులనే పేరు సంపాదించిన వారి బ్యాంకుల్లో ఎలాంటి అనుమానాస్పద లావాదేవీలు నిర్వహించారో ఈ ఫిన్‌సెన్ లీక్స్ బయట పెడుతోంది. వికిలీక్స్, పనామా పేపర్స్ లాంటిది కాదు.. ఈ ఫిన్‌సెన్‌లీక్స్. అఫీషియల్. ఫిన్‌సెన్ అంటే.. అమెరికా ఆర్థిక శాఖలోని ఫైనాన్షియల్‌ క్రైమ్స్‌ ఎన్‌ఫోర్స్‌మెంట్‌ నెట్‌వర్క్‌. ఈ విభాగానికి వివిధ బ్యాంకులు సమర్పించిన అనుమానిత కార్యకలాపాల నివేదిక ద్వారా అక్రమ లావాదేవీలు బట్ట బయలయ్యాయి. బయట దేశాలకు సంబంధించి ఎవరెవరో ఏవో లావాదేవీలు చేస్తే.. మనకేం సంబంధం ఉండదు కానీ.. మన దేశంలోని ప్రముఖుల పేర్లు కూడా ఇందులో ఉండటమే ఇప్పుడు కలకలం రేపుతోంది.

ఫిన్‌సెన్‌ లీక్స్‌లో కేవీపీ రామచంద్రరావు ప్రస్తావన ఉంది. అమెరికాకు చెందిన ఎఫ్‌బీఐ.. కేవీపీ రామచంద్రరావుపై కేసు నమోదు చేసింది. టైటానియం ఖనిజ తవ్వకాల అనుమతుల కోసం లంచాలు వసూలు చేశారని.. కేవీపికి సంబంధించిన అనుమానాస్పద లావాదేవీలను ఎఫ్‌బీఐ.. వెల్లడించింది. బ్యాంకులు కూడా.. వీటి గురించి ఫిన్‌సెన్ లీక్స్‌లో బయటకు తెలిపింది. ఈ కేసుకు సంబంధించి కేవీపీని తమకు అప్పగించాలని అమెరికా 2014లోనే కోరింది. అయితే అప్పట్లో కేవీపీ హైకోర్టులో పిటిషన్ వేసి.. బయటపడ్డారు. ఇప్పుడు మళ్లీ ఫిన్‌సెన్‌ లీక్స్‌లో ఆయన పేరు మార్మోగిపోతోంది. ఎఫ్‌బీఐ తన కేసులో కెవీపీతో పాటు ఆరుగురిని నిందితులుగా పేర్కొంది.

ఒక్క టైటానియం స్కాం అక్రమ లావాదేవీలు మాత్రమే కాదు.. అదానీ గ్రూపు వ్యవహారాలను కూడా ఫిన్‌సెన్ బయట పెట్టింది. సీషెల్స్‌ నుంచి సింగపూర్‌లోని అదానీ గ్లోబల్‌ పీటీఈ సంస్థకు మనీ లాండరింగ్‌ ద్వారా భారీ మొత్తంలో నిధులు బదిలీ అయినట్టు గుర్తించింది. ఫిన్‌సెన్‌కు బ్యాంక్‌ ఆఫ్‌ న్యూయార్క్‌ మెల్లాన్‌ ఈ పత్రాలను సమర్పించినట్లుగా తెలుస్తోంది. అనుమానాస్పద లావాదేవీలన్నింటినీ బ్యాంకులు వెల్లడించాయి. థియోన్‌విల్లే ఫైనాన్షియర్‌ లిమిటెడ్‌ అదే పనిగా డబ్బులు ట్రాన్స్‌ఫర్ చేసింది. ఆ కంపెనీని డొల్ల కంపెనీగా భావించి.. ఆ లావాదేవీలను బ్యాంకులు అనుమానాస్పదంగా గుర్తించాయి. 2013లో బీ థియోన్‌విల్లే ఫైనాన్షియర్‌ లిమిటెడ్‌ సంస్థ వెబ్‌సైట్ ఇంకా అండర్‌ కన్‌స్ట్రక్షన్‌ అని చూపించేది. ఇప్పుడు కూడా ఆ సంస్థ తన వెబ్‌సైట్‌లో అదే ప్రకటనను కొనసాగిస్తోంది. ఇంత కంటే ఏం సాక్ష్యాలు కావాలన్న చర్చ సహజంగానే వస్తుంది. సహజంగానే అందరూ వీటిని ఖండిస్తారు. అదానీ గ్రూప్ కూడా ఖండించింది. కానీ లెక్కలు మాత్రం బయటకు రావాల్సి ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్రభాకర్ రావు వచ్చాకే అసలు ట్యాపింగ్ సినిమా !

ఫోన్‌ట్యాపింగ్‌ కేసులో నిందితులైన హైదరాబాద్‌ మాజీ టాస్క్‌ఫోర్స్‌ డీసీపీ రాధాకిషన్‌రావును గురువారం రాత్రి పోలీసులు అరెస్ట్‌ చేశారు. ఆయన గట్టు మల్లును ఇన్స్‌పెక్టర్ ను పెట్టుకుని ఓ మాఫియా నడిపారని...

డేరింగ్ అండ్ డాషింగ్ కేజ్రీవాల్

అవినీతి వ్యతిరేక ఉద్యమం చేసి వచ్చి అవినీతి కేసులో అరెస్టు అయ్యాడన్న ప్రచారం చేస్తున్నారు. సామాన్యుడు కాదు లంచగొండి అని గట్టిగా ప్రజల మైండ్లలోకి ఎక్కించే ప్రయత్నం చేస్తున్నారు. తన సీఎం...

విజయవాడ వెస్ట్ రివ్యూ : సుజనా చౌదరి నమ్మకమేంటి ?

ఏపీలో పొత్తుల్లో భాగంగా బీజేపీకి వెళ్లిన నియోజకవర్గం విజయవాడ వెస్ట్. అక్కడ్నుంచి అభ్యర్థిగా సుజనా చౌదరిని ఖరారు చేయడంతో కూటమిలోని పార్టీలు కూడా ఒప్పుకోక తప్పలేదు. నిజానికి అక్కడ జనసేన...

టీడీపీ @ 42 : సర్వైవల్ సవాల్ !

సాఫీగా సాగిపోతే ఆ జీవితానికి అర్థం ఉండదు. సవాళ్లను ఎదుర్కొని అధిగమిస్తూ ముందుకు సాగితేనే లైఫ్ జర్నీ అద్బుతంగా ఉంటుంది. అలాంటి జర్నీ ఒక్క మనిషికే కాదు.. అన్నింటికీ వర్తిస్తుంది. ...

HOT NEWS

css.php
[X] Close
[X] Close