క‌మ‌ల్ మాస‌న్‌, శంకర్ కాంబినేష‌న్‌ లో వచ్చిన ‘భార‌తీయుడు’ ఓ సంచలనం. మ్యూజికల్ గా కూడా ఈ సినిమా సూపర్ హిట్. రెహమన్ ఇచ్చిన.. అదిరేటి డ్రస్సు , మాయా మచ్ఛీంద్ర , పచ్చని చిలుకలు తోడుంటే, టెలిఫోన్ ధ్వనిలా, తెప్పలెల్లి పోయాకా.. ఇలా ఐదుకి ఐదు పాటలు చార్ట్ బస్టర్ గా నిలిచాయి.
ఇప్పుడీ సినిమాకి సీక్వెల్ వస్తోంది. ఆ సినిమా మ్యూజిక్ అంచనాలని అందుకునే భాద్యత ఈసారి అనిరుద్ పై పడింది. ఇప్పుడీ సినిమా నుంచి శౌర అనే పాటని విడుదల చేశారు. పాట అనిరుద్ మార్క్ లో పవర్ ఫుల్ ఎనర్జీతో సాగింది. సుద్దాల అశోక్ తేజ సాహిత్యం బావుంది. డబ్బింగ్ లా కాకుండా అచ్చతెలుగు ఫీలింగ్ ని తీసుకొచ్చేలా ట్యూన్ కి తగ్గట్టు పదాలని అందగానే పొదిగారు. ”తెల్లోడి నెత్తురుతోనే నీ కత్తికి పదును పెట్టే”లాంటి లైన్స్ పవర్ ఫుల్ గా వున్నాయి.
హీరో పాత్ర ధీరత్వం, ఔచిత్యాన్ని చూపించే పాటిది. రితేష్, శృతిక సముద్రాల పాటనిపాడిన తీరు బావుంది. శంకర్ విజన్ లిరికల్ వీడియోలో కనిపించింది. ఇది కూడా అవినీతి అంతం చుట్టూ జరిగే కథని సాహిత్యం వింటే అర్ధమౌతోంది. జూలై 12న సినిమా ప్రేక్షకుల ముందుకు వస్తోంది.
