ప‌వ‌న్ కల్యాణ్ – హ‌రీష్ శంక‌ర్ చేసిన `మాస్ మ్యాజిక్‌`కి నేటితో స‌రిగ్గా ఎనిమిదేళ్లు. ఈ సంద‌ర్భంగా ప‌వ‌న్ ఫ్యాన్స్ గ‌బ్బ‌ర్ సింగ్ విశేషాల్ని ఇంకోసారి గుర్తు చేసుకుని ఖుషీ ఖుషీ అయిపోతున్నారు. దానికి ఇప్పుడు ఓ బోన‌స్ కిక్ ఇచ్చే ప్ర‌య‌త్నం చేసింది మైత్రీ మూవీస్. త్వ‌ర‌లోనే మైత్రీ మూవీస్‌లో ప‌వ‌న్ కల్యాణ్ క‌థానాయ‌కుడిగా ఓ సినిమా రూపొందుతోంది. దీనికి హ‌రీష్ శంక‌ర్ ద‌ర్శ‌కుడు. ఇప్పుడు ఈ చిత్రానికి సంగీత ద‌ర్శ‌కుడు ఫిక్స‌య్యాడు. ఆ బాధ్య‌త దేవిశ్రీ ప్ర‌సాద్ కి అప్ప‌గించింది మైత్రీ మూవీస్. అంటే.. గ‌బ్బ‌ర్ కాంబో మ‌ళ్లీ రిపీట్ అవ్వ‌బోతోంద‌న్న‌మాట. ప‌వ‌న్‌కి ఎప్పుడూ అదిరిపోయే పాట‌లే ఇచ్చాడు దేవి. గ‌బ్బ‌ర్ సింగ్, అత్తారింటికి దారేది, జ‌ల్సా సినిమాల‌కు దేవినే సంగీతం అందించాడు. అవ‌న్నీ మ్యూజిక‌ల్ హిట్సే. స‌ర్దార్ గ‌బ్బ‌ర్‌సింగ్ సినిమా ఫ్లాప్ అయినా – పాట‌లు బాగుంటాయి. సో.. మరో సారి మ్యూజిక‌ల్ బొనాంజాకి ప‌వ‌న్ ఫ్యాన్స్ సిద్ధ‌మైపోవ‌చ్చిక.
