వైకాపా అధినేత జగన్మోహన్ రెడ్డి, పార్టీ ప్రధాన కార్యదర్శి విజయసాయి రెడ్డి ఎన్ని ప్రయత్నాలు చేస్తున్నా, పార్టీ నేతలను, ప్రజా ప్రతినిధులను ఎంతగా బుజ్జగిస్తున్నా పార్టీలో వలసలు ఆగడం లేదు. తాజాగా అరుకు ఎమ్మెల్యే కిడారి సర్వేశ్వర రావు, మాజీ ఎమ్మెల్యే గండి బాబ్జి ఈనెల 28న ముఖ్యమంత్రి చంద్రబాబు నాయుడు సమక్షంలో తెదేపా కండువాలు కప్పుకోవడానికి సిద్దమవుతున్నట్లు తాజా సమాచారం. వారిద్దరి రాజకీయ గురువయిన కొణతాల రామకృష్ణ గత ఏడాదే తెదేపాలో చేరుతారని మీడియాలో వార్తలు వచ్చినప్పటికీ నేటికీ ఆయన ఏ పార్టీలో చేరకుండా తటస్థంగా ఉంటున్నారు. బహుశః శిష్యులిద్దరూ తెదేపాలో కుడురుకొన్నాక ఆయన కూడా సైకిల్ ఎక్కుతారేమో?
ఏప్రిల్ 28న సైకిల్ ఎక్కనున్న ఇద్దరు వైకాపా నేతలు
