‘ఏ మాయ చేసావే’ సినిమాతో స్లో నేరేషన్ ఉన్నా సరే సినిమా హిట్ కొట్టొచ్చు అని చెప్పిన దర్శకుడు గౌతమ్ మీనన్. ఆ సినిమాతోనే నాగ చైతన్యకు మొదటి సూపర్ హిట్ అందించాడు కూడా ఈ డైరక్టర్. ఏ మాయ చేసావే సినిమాతోనే చైతుకి లవర్ బోయ్ ఇమేజ్ వచ్చింది. అయితే ఆ ఇమేజ్ నుండి మనోడు ఎంత ప్రయత్నించి మాస్ ఇమేజ్ కోసం ట్రై చేస్తున్నా బయట పడట్లేదు. ఇక చేసేదేమీ లేక మళ్లీ అదే గౌతమ్ మీనన్ తో అలాంటి ఫీల్ ఉన్న సినిమానే ‘సాహసం శ్వాసగా సాగిపో’ సినిమా తో వచ్చేందుకు సిద్ధమయ్యాడు.
సినిమా కూడా దాదాపు షూటింగ్ కంప్లీట్ అయ్యి రిలీజ్ కు రెడీ అవుతుంది. సినిమా మళ్లోసారి ఏ మాయ చేసావేలోని చైతుని గుర్తు చేస్తుందనడంలో సందేహం లేదు. రిలీజ్ చేసిన ట్రైలర్స్ అలానే అనిపిస్తున్నాయి. అయితే ఈ సినిమా అయ్యాక గౌతమ్ మీనన్ మెగా పవర్ స్టార్ సినిమా ఉంటుందని అన్నారు. కాని చరణ్ తని ఒరువన్ తెలుగు రీమేక్ బిజీలో ఉన్నాడు కాబట్టి.. మళ్లీ నాగచైతన్యతోనే మరో లవ్ స్టోరీని తీసేందుకు సిద్ధమయ్యాడట గౌతమ్ మీనన్.
తెలుగులో చైతన్య, తమిళ్ లో శింభు, కన్నడలో పుణీత్ రాజ్ కుమార్, మలయాళంలో ఓ హీరో ఇలా నాలుగు సౌత్ భాషల్లో ఈ సినిమాను తెరకెక్కించేందుకు రంగం సిద్ధం చేస్తున్నాడట గౌతమ్. ఒకేసారి నాలుగు భాషల్లో తీయడం అంటే అది గొప్ప విషయమే అని చెప్పాలి. మరి క్రేజీ ప్రాజెక్ట్ గా వస్తున్న ఈ సినిమాలో మిగతా కాస్ట్ అండ్ క్రూ ఎవరనేది ఇంకొద్దిరోజుల్లో తెలుస్తుంది.
