మే…మే…. మేక అరెస్ట్, బెయిల్ పై విడుదల !

నిజంగా ఇది నిజం. ఒక మేక అరెస్టయింది. బెయిలుమీద విడుదలైంది. ఛత్తీస్ గఢ్ లో జరిగిందీ ఘటన. ఛత్తీస్ గఢ్ రాజధాని రాయ్ పూర్ కు 350 కిలోమీటర్ల దూరంలో ఉన్న కోరీ పట్టణంలో ఓ మేక అరెస్టయింది. జిల్లా మేజిస్ట్రేట్ బంగళా ఆవరణలోకి ప్రవేశించడం అది చేసిన నేరం. ఇనుక గేటు పైనుంచి దూకి సదరు మేక బంగళా ఆవరణలోకి ప్రవేశించింది. వాచ్ మెన్ ఫిర్యాదుతో పోలీసులు మేకను అరెస్టు చేశారు. దాని యజమానిని కూడా అరెస్టు చేశారు.

మేక యజమానిపై తీవ్రమైన అభియోగాలను నమోదు చేశారు. అవి రుజువైతే రెండు నుంచి ఏడేళ్ల జైలు శిక్ష, జరినామానా విధించే అవకాశం ఉంది. ఉన్నతాధికారి బంగళా అని తెలియక పాపం ఆ మూగజీవి లోపలికి వెళ్లింది. సువిశాలమైన బంగళా ఆవరణలో రకరకాల చెట్లున్నాయి. కాస్త సుష్టుగా ఆకులను భోంచేద్దామని అనుకుందో మరేంటో గానీ గేటు దూకి లోపలికి వెళ్లింది.

అక్కడి వాచ్ మెన్ వివరణ మరోలా ఉంది. గతంలో చాలా సార్లు ఆ మేక లోపలికి వచ్చిందట. దాని యజమానికి అనేక సార్లు హెచ్చరించాడట. అయినా పట్టించుకోకపోవడంతో ఈసారి సీరియస్ గా తీసుకుని పోలీసులకు ఫిర్యాదు చేయాల్సి వచ్చిందంటున్నాడు. పోలీసులు కూడా ఈ కేసును సీరియస్ గానే తీసుకున్నారు. అత్యంత కఠినమైన సెక్షన్ల కింద్ ఎఫ్ ఐ ఆర్ నమోదు చేశారు. ఏదో బక్క ప్రాణిని, ఇంతటి కఠినమైన చర్యలు వద్దంటూ మేక యజమాని వేడుకుంటున్నాడు. చివరకు ఆ ఉన్నతాధికారి కనికరించి వదిలేస్తారా లేక కఠిన శిక్ష పడేదాకా సీరియస్ గా తీసుకుంటారా అనేది ఆసక్తికరంగా మారింది.

జంతువుల కారణంగా వాటి యజమానులు ఇబ్బంది పడటం గతంలోనూ వివిధ ప్రదేశాల్లో జరిగింది. అయితే ఇన్నేళ్ల జైలు శిక్ష పడే సెక్షన్ల కింద కేసు నమోదు కావడం మాత్రం అరుదు. ఈ అరుదైన సంఘటన ఛత్తీస్ గఢ్ లో జరిగింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

దూబే హతం..! బుల్లెట్‌కు బుల్లెట్‌తోనే ఆన్సర్..!

యూపీ గ్యాంగ్ స్టర్ వికాస్ దూబేను.. యూపీ పోలీసులు ఎన్‌కౌంటర్ చేశారు. అతనిని కాపాడేందుకు చాలా మంది ప్రయత్నిస్తున్నారని ప్రచారం జరుగుతున్న సమయంలో.. మరో విమర్శకు తావివ్వకుండా...యూపీ శివార్లలోనే ఎన్‌కౌంటర్ చేసేశారు. డీఎస్పీ...

ఎడిటర్స్‌ కామెంట్ : తెలంగాణ ప్రజలకు శాపమే..!

" నేను ఎక్కడ ఉంటే అదే సచివాలయం.. ముఖ్యమత్రి అంటే వ్యక్తి కాదు.. వ్యవస్థ..!" .. అంటూ... రెండో సారి గెలిచిన సమయంలో మీడియాతో కేసీఆర్ వ్యాఖ్యానించారు. దీని నేపధ్యం.. కేసీఆర్ అసలు...

ఆ దళిత రైతు ఆత్మహత్య ప్రభుత్వ హత్యే..!

నెల్లూరు జిల్లాలో ఓ దళిత రైతు.. తన భూమిని బలవంతంగా లాక్కుంటున్నారన్న ఆవేదనతో పురుగుల మందు తాగి ఆత్మహత్య చేసుకున్నారు. ఇలాంటి ఘటనలు రాష్ట్ర వ్యాప్తంగా పలు చోట్ల జరుగుతున్నాయి. అయితే.....

‘ల‌వ్ స్టోరీ’ ప్లానింగు ఇదీ….

సాధార‌ణంగా శేఖ‌ర్ క‌మ్ముల సినిమాలు తీసే తీరు పాసింజ‌ర్ రైలుని త‌ల‌పిస్తుంటాయి. ఆగి... ఆగి.. కొంచెం.. కొంచెం.. త‌న మూడ్ ని బ‌ట్టి, షూటింగ్ చేస్తుంటాడు శేఖ‌ర్ క‌మ్ముల‌. దానికి త‌గ్గ‌ట్టుగా లాక్...

HOT NEWS

[X] Close
[X] Close