గోపీచంద్ – సంప‌త్‌నంది ల కాంబినేష‌న్‌లో ఇది వ‌ర‌కు `గౌత‌మ్ నంద` వచ్చింది. ఇప్పుడు మ‌రోసారి ఇద్ద‌రూ క‌లిసి ప‌నిచేస్తున్నారు. త‌మ‌న్నా క‌థానాయిక. క్రీడా నేప‌థ్యంలో సాగే క‌థ ఇది. గోపీచంద్, త‌మ‌న్నాలు క‌బ‌డ్డీ కోచ్‌లుగా క‌నిపించ‌బోతున్నారు. ఈ చిత్రానికి `సిటీమార్‌` అనే టైటిల్‌ని నిర్ణ‌యించారు. ఈరోజు టైటిల్ ప్ర‌క‌టించ‌డంతో పాటు, ఫ‌స్ట్ లుక్‌ని సైతం విడుద‌ల చేశారు. కోచ్ గెట‌ప్‌లో విజిల్ వేస్తూ… ఫ‌స్ట్ లుక్‌లో టైటిల్ జ‌స్టిఫికేష‌న్ చేయించేశాడు సంప‌త్‌నంది. రాజ‌మండ్రి, హైద‌రాబాద్‌ల‌లో రెండు షెడ్యూల్స్ పూర్త‌య్యాయి. ఈరోజు నుంచి రామోజీ ఫిల్మ్‌సిటీలో మరో షెడ్యూలు మొద‌లుకానుంది. గోపీచంద్ కెరీర్‌లోనే అత్య‌ధిక బ‌డ్జెట్‌తో తెర‌కెక్కుతున్న చిత్ర‌మ‌ని ద‌ర్శ‌క నిర్మాత‌లు చెబుతున్నారు. వేస‌వికి ఈ చిత్రం ప్రేక్ష‌కుల ముందుకు వ‌స్తుంది.
