అమరావతికి ఎంత ఖర్చు పెట్టారో కూడా చెప్పలేరా..!?

ఆంధ్రప్రదేశ్ ప్రభుత్వం రాజధాని అమరావతికి ఎంత మొత్తం ఖర్చు పెట్టారో చెప్పాలని హైకోర్టు చాలా రోజుల కిందట ఆదేశించింది. ముఖ్యమంత్రి సమీక్ష చేస్తే… అణా.. పైసలతో సహా క్షణాల్లో లెక్కలు తీసుకెళ్లే అధికారులు హైకోర్టు అడిగితే మాత్రం.. వాయిదాల మీద వాయిదాలు కోరుతున్నారు. ఈ అంశంపై హైకోర్టు సీరియస్ అయింది. అకౌంటెంట్ జనరల్‌ను హైకోర్టుకు పిలిపిస్తామని హెచ్చరించాల్సి వచ్చింది. రైతులు వేసిన పిటిషన్‌పై విచారణ జరుపుతున్న హైకోర్టు.. రాజధాని నిర్మాణ ఖర్చులపై అకౌంటెంట్ జనరల్ నివేదిక సమర్పించాలని గతంలో ఆదేశించంది. కానీ ఇప్పటి వరకూ సమర్పించలేదు. అధికారులు ఇవ్వడం లేదని అకౌంటెంట్ జనరల్ తరపు న్యాయవాది కోర్టులో వాదించారు.

వచ్చే సోమవారంలోగా తాము అడిగిన నివేదికను సమర్పించాలని, లేనిపక్షంలో అకౌంటెంట్ జనరలే నేరుగా కోర్టుకు రావాల్సి ఉంటుందని ధర్మాసనం హెచ్చరించింది. రాజధాని నిర్మాణాల కోసం నేటివరకు చేసిన వ్యయం, ఇందుకోసం వివిధ సంస్థల నుంచి తీసుకొచ్చిన రుణాలు, మధ్యలోనే రాజధాని నిర్మాణాలను నిలిపివేయడంతో కాంట్రాక్ట్ సంస్థలు దాఖలు చేసిన క్లైయిమ్ ల వివరాలను అందించాలని హైకోర్టు ఆదేశించింది. రాజధానికి చేసిన ఖర్చుపై అధికార, ప్రతిపక్షాలు పరస్పర ఆరోపణలు చేసుకోవడమే కానీ.. ఇంత వరకూ అధికారిక లెక్కలు బయట పెట్టలేదు.

అమరావతికి అసలు గత ప్రభుత్వం ఏమీ ఖర్చు పెట్టలేదని పురపాలక మంత్రి బొత్స సత్యనారాయణ లాంటి వాళ్లు చెబుతూ ఉంటారు. టీడీపీ నేతలు మాత్రం.. పదివేల కోట్లు ఖర్చు పెట్టామని చెబుతూ ఉంటారు. చాలా సంస్థలు పనులు మధ్యలో నిలిపివేశాయి. ఒప్పందం ప్రకారం.. అలా నిలిపివేయమని ప్రభుత్వం చెబితే.. పరిహారం చెల్లించాల్సి ఉంటుంది. ఈ వివరాలన్నీ రహస్యంగా ఉన్నాయి. అవి బయటకు వస్తేనే అమరావతి ఖర్చు గురించి పూర్తి సమాచారం బయటకు వస్తుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏకగ్రీవం చేసుకోకపోతే అనర్హతా వేటేస్తారా..!?

పంచాయతీ ఎన్నికల్లోనూ ఏకగ్రీవాల రచ్చ జరిగే అవకాశం కనిపిస్తోంది. పార్టీ రహితంగా జరుగుతాయి కాబట్టి.. ఊళ్లలోని పెద్దలు కూర్చుని ఏకగ్రీవాలు చేసుకోవాలని ప్రభుత్వ సలహాదారు సజ్జల రామకృష్ణారెడ్డి రిపబ్లిక్ డే రోజున వైసీపీ...

ఇప్పుడు ఉద్యోగ సంఘాల నేతలకు కరోనా భయం పోయింది..!

సుప్రీంకోర్టు తీర్పునైనా ధిక్కరిస్తామని ఒకరు...మా ప్రాణానికి హాని కల్పిస్తే చంపడానికైనా సిద్ధమని మరొకరు.. మమ్మల్ని ఆదేశించడానికి ఎస్ఈసీ ఎవరని మరొకరు.... వరుసగా ఒకరి తర్వాతా ఒకరు మీడియా ముందుకు వచ్చి సర్కస్ ఫీట్లులా...

టీ కాంగ్రెస్ ఎంపీల ఢిల్లీ ఎజెండా కేసీఆర్ ఆవినీతే..!

పార్లమెంట్ సమావేశాల్లో తెలంగాణ కాంగ్రెస్ ఎంపీలు ఒకే ఒక్క అజెండా పెట్టుకున్నారు. అది ప్రజాసమస్యలు.. తెలంగాణ ప్రయోజనాలు.. విభజన హామీలులాంటివి కాదు. టీఆర్ఎస్ అవినీతిని... ఢిల్లీలో ప్రచారం చేయడం. టీఆర్ఎస్ అదే...
video

అర్థ శ‌తాబ్దం – మ‌రో ప్ర‌శ్నాస్త్రం

https://www.youtube.com/watch?v=KZlgjWutVys&feature=youtu.be ప్ర‌శ్నించ‌డానికి స‌మాజం, వ్య‌క్తులు, సంఘాలూ, వ్య‌వ‌స్థ‌లూ అవ‌స‌రం లేదు. అప్పుడ‌ప్పుడూ.. సినిమా కూడా ఆ బాధ్య‌త తీసుకుంటుంది. కొన్ని సినిమాలు ప్ర‌శ్నించ‌డానికే పుడుతుంటాయి. `సింధూరం`లా. ఇప్పుడు అలాంటి సినిమా ఒక‌టి వ‌స్తోంది. అదే.....

HOT NEWS

[X] Close
[X] Close