ఎన్టీఆర్ క‌థ‌ని బ‌యోపిక్‌గా తీస్తున్న‌ప్పుడు చిరంజీవి క‌థ బ‌యోపిక్‌గా వ‌స్తే బాగుంటుంద‌ని మెగా ఫ్యాన్స్ ఆశించారు. అయితే ఎన్టీఆర్ బ‌యోపిక్ బాక్సాఫీసు ద‌గ్గ‌ర బోల్తా కొట్ట‌డంతో ఆ ఆలోచ‌న‌లు ప‌క్క‌కు వెళ్లిపోయాయి. అయితే.. ఇప్పుడు మరోసారి ఎన్టీఆర్ బ‌యోపిక్ టాపిక్ బ‌య‌ట‌కు వ‌చ్చింది. `వాల్మీకి` ప్ర‌మోష‌న్ల‌లో బిజీగా ఉన్న వరుణ్ తేజ్‌కి `చిరంజీవి బ‌యోపిక్` ప్ర‌శ్న ఎదురైంది. దానికి ఆస‌క్తిక‌ర‌మైన స‌మాధానం చెప్పాడు వరుణ్.
హ‌రీష్ శంక‌ర్‌కి చిరంజీవి బ‌యోపిక్ చేయాల‌న్న ఆలోచ‌న ఉంద‌ని, రాజ్‌కపూర్ క‌థ‌నీ ఆయ‌న తెర‌కెక్కించాల‌నుకుంటున్నార‌ని చెప్పాడు వరుణ్. “పెద‌నాన్న‌కు హ‌రీష్‌శంక‌ర్ పెద్ద ఫ్యాన్‌. అందుకే ఆయ‌న బ‌యోపిక్ చేయాల‌నుకుంటున్నాడు. మేం స‌ర‌దాగా క‌ల‌సి మాట్లాడుకుంటున్న‌ప్పుడు చాలా టాపిక్కులు బ‌య‌ట‌కు వ‌స్తాయి. అలాంటి ఓ సంద‌ర్భంలో చిరంజీవి గారి బ‌యోపిక్ తీయాల‌ని వుంద‌ని హ‌రీష్ చెప్పాడు. అది చ‌ర‌ణ్ అన్న‌య్య చేస్తే బాగుంటుంది.చ‌ర‌ణ్ కాదంటే… నేను చేస్తా“ అన్నాడు వరుణ్. సో.. చిరు బ‌యోపిక్ పై ఇంకా న‌మ్మ‌కాలు ఉంచుకోవ‌చ్చ‌న్న‌మాట.
