కోట్లు సంపాదించినా కక్కుర్తేనా… !

ముఖం అందంగా ఉంటే చాలా? మనసు కూడా అందంగా, నిర్మలంగా ఉండొద్దా? ఇప్పుడు దేశంలో చాలా మంది హేమమాలినిని అడుగుతున్న ప్రశ్న ఇది. డ్రీమ్ గర్ల్ గా పేరు పొందిన ఈ సినీ నటి, ఇప్పుడు ప్రజా సేవలో తరిస్తోంది. మథుర నుంచి బీజేపీ టికెట్ మీద ఎంపీగా ఎన్నికైంది. ముంబైలో డాన్స్ అకాడమీ కోసం 40 కోట్ల రూపాయల విలువైన స్థలాన్ని 70 వేలకే కొట్టేసిన హేమను ఇప్పుడు చాలా మంది విమర్శిస్తున్నారు.

మార్కెట్ విలువ ప్రకారం కనీసం 40 కోట్ల ఖరీదు చేసే స్థలాన్ని అప్పనంగా 70 వేలకు సొంతం చేసుకోవడం ఎంత పెద్ద కుంభకోణం? మొన్నటి ఎన్నికలకు ముందు కాంగ్రెస్ అంటే స్కాముల పుట అని ఆడిపోసుకున్న బీజేపీ వాళ్లు ఇప్పుడు ఏం జవాబు చెప్తారు? మహారాష్ట్రలోని బీజేపీ ప్రభుత్వం హేమమాలిని పట్ల ఇంత ఔదార్యాన్ని ఎందుకు ప్రదర్శించింది? ఆమె బీజేపీ ఎంపీ కాబట్టే కదా? మరి కాంగ్రెస్ కు, బీజేపీకి తేడా ఏమిటి? రాబర్ట్ వాద్రాపై ఆరోపణలు చేసే నైతిక హక్కు బీజేపీకి ఉందా?

హేమమాలిని ఓ పేద కళాకారిణి కాదు. ఆమె, భర్త సినీ తారలే. రెండు చేతులా సంపాదించారు. కోట్లు గడించారు. అందులో ఒక్క పైసా అయినా పేదల కోసం ఖర్చు పెట్టిన దాఖలాలు లేవు. సినిమా పాపులారీటితో రాజకీయాల్లో టికెట్ సాధించారు. ఎంపీ అయ్యారు. గత ఏడాది ఆమె స్వయంగా దాఖలు చేసిన ఎన్నికల అఫిడవిట్ లోని వివరాల ప్రకారం, ఆమె ఆస్తుల విలువ దాదాపు 200 కోట్ల రూపాయలకు దగ్గర్లో ఉంటుంది. కచ్చితంగా చెప్పాలంటే, ఆమెకు 162 కోట్ల రూపాయలకు పైగా విలువైన స్థిరాస్తులున్నాయి. 13.6 కోట్ల రూపాయల చరాస్తున్నాయి. కాబట్టి, అకాడమీ పెట్టాలనుకుంటే స్థలం కొనుక్కుంటారు. అయినా అకాడమీలో ఉచితంగా నాట్య శిక్షణ ఇస్తారా? వేలకు వేలు ఫీజు వసూలు చేస్తారు. ఇప్పుడు దేశంలో అనేక చోట్ల డాన్స్, క్రీడా అకాడమీలకు సర్కార్ నుంచి ఉచితంగా, తక్కువ ధరకు స్థలాలు తీసుకున్న వారు ఫక్తు వ్యాపారం చేస్తున్నారనేది అందరికీ తెలిసిన విషయమే.

పేదవాడు తల దాచుకోవడానికి రోడ్డుపక్కన గుడిసె వేసుకుంటే పీకి పారేస్తారు. కోట్లున్న వారికి మాత్రం సర్కారీ స్థలాలను దోచిపెడతారు. ఒకరకంగా హేమమాలిని చేసింది కబ్జా అని ఆన్ లైన్లో విమర్శలు వెల్లువెత్తుతున్నాయి. పడ్నవీస్ నాయకత్వంలోని బీజేపీ సర్కార్ పై చాలా మంది నిప్పులు చెరుగుతున్నారు. ప్రధాని నరేంద్ర మోడీ చెప్పింది ఏమిటి? జరుగుతున్నది ఏమిటి అని ప్రశ్నిస్తున్నారు. హేమమాలిని డాన్స్ అకాడమీ పెట్టి కొత్త వ్యాపారం చేయకపోతే దేశానికి వచ్చే నష్టమేమీ లేదు. ముంబైలో కొన్ని లక్షల మంది నీడలేక ఫుట్ పాత్ లపై నిద్రపోతారు. వారు తలదాచుకోవడానికి నైట్ షెల్టర్లను ఏర్పాటు చేయాలనే ఆలోచన బీజేపీ ప్రభుత్వానికి ఎందుకు లేదు? ఫడ్నవీస్ జవాబు చెప్పగలరా !?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘గైడ్‌లైన్స్’ రూపొందించుకున్న టాలీవుడ్

చిత్ర‌సీమ యావ‌త్తూ 'క్లాప్' కొట్టే ముహూర్తం కోసం ఎదురు చూస్తోంది. మ‌ళ్లీ సెట్లు క‌ళ‌క‌ళ‌లాడే రోజు కోసం క‌ల‌లు కంటోంది. జూన్‌లో చిత్రీక‌ర‌ణ‌లు మొద‌ల‌వుతాయి. అయితే.. కేంద్ర ప్ర‌భుత్వం ఇచ్చే గైడ్ లైన్స్‌కి...

త్రివిక్ర‌మ్‌కి రీమేకులు వ‌ర్క‌వుట్ అవుతాయా?

స్వ‌త‌హాగా ర‌చ‌యిత‌లైన ద‌ర్శ‌కులు రీమేక్‌ల‌ను అంత‌గా ప్రోత్స‌హించ‌రు. కార‌ణం.. వాళ్ల ద‌గ్గ‌రే బోలెడ‌న్ని క‌థ‌లుంటాయి. త్రివిక్ర‌మ్ ఇప్ప‌టి వ‌ర‌కూ రీమేక్ జోలికి వెళ్ల‌లేదు. హాలీవుడ్ క‌థ‌ల్ని, న‌వ‌ల‌ల్ని, పాత సినిమాల్నీ స్ఫూర్తిగా తీసుకుని...

కరోనా టెస్టుల లెక్కలు తేల్చాల్సిందేనన్న తెలంగాణ హైకోర్టు ..!

కరోనా వైరస్ టెస్టులు పెద్దగా చేయకపోవడం.. తెలంగాణ సర్కార్ ను ఇబ్బందుల్లోకి నెడుతోంది. టెస్టుల విషయంలో దాఖలైన పిటిషన్లపై విచారణ జరిపిన హైకోర్టు.. మరోసారి అసంతృప్తి వ్యక్తం చేసింది. కొద్ది రోజుల కిందట..కరోనా...

రోజాకు సొంత పార్టీలోనే ప్రత్యర్థులు ఎక్కువ.. ఈ సారి డిప్యూటీ సీఎం..!

నగరి ఎమ్మెల్యే రోజాకు సొంత పార్టీలోనే ప్రత్యర్థులు ఎక్కువైపోతున్నారు. తాజాగా డిప్యూటీ సీఎం నారాయణస్వామిపై రోజా ఫైరయ్యారు. నారాయణస్వామి పుత్తూరులో పర్యటించారు. కానీ రోజాకు సమాచారం అందలేదు. పుత్తూరు .. ఆమె ఎమ్మెల్యేగా...

HOT NEWS

[X] Close
[X] Close