ఆర్టీసీలో ప్రైవేటు బ‌స్సుల‌కు హైకోర్టు తాత్కాలిక‌ బ్రేక్..!

రాష్ట్రంలో 5100 రూట్ల‌లో ప్రైవేటు బ‌స్సుల్ని న‌డిపేందుకు అనుగుణంగా కేసీఆర్ స‌ర్కారు నిర్ణ‌యం తీసుకున్న సంగ‌తి తెలిసిందే. ఒకేసారి అన్నీ కాకుండా, ద‌శ‌ల‌వారీగా కొన్నికొన్ని ప్రైవేటు బ‌స్సుల్ని దించాల‌ని ప్ర‌భుత్వం చ‌ర్చిస్తున్న త‌రుణంలో… హైకోర్టు కీల‌క ఆదేశాలు జారీ చేసింది. ప్ర‌వేటు బ‌స్సుల ప్ర‌వేశంపై హైకోర్టు స్టే ఇచ్చింది. ప్రైవేటీక‌ర‌ణ అంశ‌మై సోమ‌వారం వ‌ర‌కూ ప్ర‌భుత్వం ఎలాంటి నిర్ణ‌యాలు తీసుకోకూడ‌ద‌ని ఆదేశించింది. దీంతో ప్రైవేటు బ‌స్సుల ప్ర‌వేశానికి తాత్కాలికంగా బ్రేకులు ప‌డ్డ‌ట్ట‌యింది. అంతేకాదు, రూట్ల‌ను ప్రైవేటీక‌రిస్తూ మంత్రి మండ‌లి తీసుకున్న నిర్ణ‌యాన్ని త‌మ‌కు స‌మ‌ర్పించాలంటూ న్యాయ‌స్థానం ఆదేశించింది. ఆ కాపీ త‌మ ద‌గ్గ‌ర లేద‌ని ప్ర‌భుత్వం త‌ర‌ఫున వాదిస్తే, దాన్లో ఏమైనా ర‌హ‌స్య స‌మాచారం ఉంద‌నుకుంటే షీల్డు క‌వ‌ర్లో పెట్టి స‌మ‌ర్పించాల‌ని చెప్పింది. ఆర్టీసీలో రూట్ల ప్రైవేటీక‌ర‌ణ చెయ్య‌కూడ‌దంటూ ప్రొఫెసర్ విశ్వేశ్వ‌ర‌రావు పిటిష‌న్ దాఖ‌లు చేసిన సంగ‌తి తెలిసిందే.

మీడియాతో పిటీష‌న‌ర్ ప్రొఫెస‌ర్ విశ్వేశ్వ‌ర‌రావు మాట్లాడుతూ… రూట్ల‌ను ప్రైవేటీక‌రించే అధికారం ముఖ్య‌మంత్రి కేసీఆర్ కి ఎవ‌రు ఇచ్చార‌ని ప్ర‌శ్నించారు. ఏపీఎస్ ఆర్టీసీగానీ, తెలంగాణ ఆర్టీసీగానీ ఏదైనా రిజెల్యూష్ పాస్ చేసిందా అనీ, రెండు రాష్ట్రాల ఆర్టీసీల‌కి క‌లిపి ఒక బోర్డు ఉండాలి అది ఉందా అని ప్ర‌శ్నించారు. ఇంత‌వ‌ర‌కూ ఏపీఎస్ ఆర్టీసీ విభ‌జ‌న కాలేద‌నీ, కాబ‌ట్టి తెలంగాణ ఆర్టీసీకి సంబంధించి ఏదైనా నిర్ణ‌యం తీసుకున్నా, దానికి మంత్రి మండ‌లి ఆమోదం ల‌భించినా అది చ‌ట్ట‌ప్ర‌కారం చెల్లుబాటు కాద‌న్నారు. ఇది ఆర్టీసీ చ‌ట్టానికి విరుద్ధ‌మన్నారు. సోమ‌వారం వ‌ర‌కూ ప్రైవేటీక‌ర‌ణ అంశ‌మై త‌దుప‌రి చ‌ర్య‌లు వ‌ద్దంటూ కోర్టు తాజా ఆదేశాల‌పై ఆర్టీసీ ఉద్యోగ‌ సంఘాల నేత‌లు హ‌ర్షం వ్య‌క్తం చేస్తున్నారు. న్యాయం కార్మికుల‌వైపు ఉందంటూ క‌మ్యూనిష్టు నేత‌లు వ్యాఖ్యానిస్తున్నారు. ఈ ప్రైవేటీక‌ర‌ణ అంశ‌మై త‌దుప‌రి విచార‌ణ‌ను సోమ‌వారానికి కోర్టు వాయిదా వేసింది.

ప్రైవేటు బ‌స్సుల విష‌య‌మై చ‌క‌చ‌కా నిర్ణ‌యాలు తీసుకోవాల‌నే వేగంతో దూసుకెళ్తున్న కేసీఆర్ స‌ర్కారుకి కోర్టు బ్రేకులు వేసింద‌నే అనాలి. ఇప్ప‌టికే ప్ర‌భుత్వ వాద‌న‌ల‌పై న్యాయ‌స్థానం అసంతృప్తి వ్య‌క్తం చేస్తూ వ‌స్తోంది. ఆర్టీసీ ఎండీ స‌మ‌ర్పించిన నివేదిక‌ త‌ప్పుల త‌డ‌క అంటూ ఆ మ‌ధ్య మండిప‌డింది. ఆర్టీసీకి ప్ర‌భుత్వం ఇవ్వాల్సింది ఎంత‌, ఆర్టీసీకి రావాల్సిందెంత, జీహెచ్ ఎంసీ ఎందుకు డ‌బ్బులిచ్చిందీ అనే లెక్క‌లు చెప్ప‌డంలో ప్ర‌భుత్వం త‌డ‌బ‌డింది. ఇప్పుడు, మంత్రి మండ‌లి తీసుకున్న నిర్ణ‌యంపైనే కోర్టు అనుమానాలు వ్య‌క్తం చేస్తున్న ప‌రిస్థితి!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కొత్త హీరోయిన్ల తలరాతలు మారుస్తున్న రాంగోపాల్ వర్మ

సినిమా ఇండస్ట్రీలో బ్రేక్ రావడం అన్నది అంత ఆషామాషీ కాదు. వందల మంది ఆర్టిస్టులు బ్రేక్ కోసం ప్రయత్నిస్తున్నా, టాలెంట్ విషయంలో కొదువ లేకపోయినా, అదృష్టం కలిసి రాక, సరైన గాడ్ ఫాదర్...

ఓయ్ ద‌ర్శ‌కుడితో చిరు త‌న‌య‌

చిరంజీవి కుమార్తె సుస్మిత సైతం.. చిత్ర‌సీమ‌తో మ‌మేకం అవుతుంది. చిరు చిత్రాల‌కు కాస్ట్యూమ్ డిజైన‌ర్‌గా సేవ‌లు అందించింది. ఇప్పుడు నిర్మాత‌గానూ మారింది. గోల్డ్ బాక్స్ ఎంట‌ర్‌టైన్మెంట్స్ సంస్థ ను స్థాపించి కొన్ని వెబ్...

గవర్నర్‌ను లైట్ తీసుకున్న తెలంగాణ అధికారులు..!

కరోనా వ్యాప్తి విషయంలో తెలంగాణ సర్కార్ పట్టించుకోవడం లేదు.. కాస్త పట్టించుకుందామనుకున్న గవర్నర్‌ను అధికార యంత్రాంగం లెక్క చేయడం లేదు. తెలంగాణలో కరోనా పరిస్థితులపై తీవ్రమైన విమర్శలు వస్తున్న సమయంలో.. సీఎం...

‘పుష్ష‌’ కోసం భారీ స్కెచ్‌

30 - 40 మందితో షూటింగులు జ‌రుపుకోండి... అంటూ ప్ర‌భుత్వాలు క్లియ‌రెన్స్ ఇచ్చేసినా - ఒక్క పెద్ద సినిమా కూడా ప‌ట్టాలెక్క‌లేదు. చిన్నా, చిత‌కా సినిమాలు, త‌క్కువ టీమ్ తో ప‌ని కానిచ్చేస్తున్నా,...

HOT NEWS

[X] Close
[X] Close