కరప్షన్ కింగ్ “కేతన్ దేశాయ్” టీటీడీ బోర్డులోకి ఎలా వచ్చారు ?

కేతన్ దేశాయ్.. ఈ పేరు చాలా మందికి చిరపరిచితం. ఎందుకంటే అవినీతిలో ఈయన రేంజ్ మామూలుది కాదు. దేశంలోవైద్య విద్యను సంస్కరించాల్సిన భారత వైద్య మండలికి చైర్మన్‌గా ఉండి… ఓ కాలేజీ అనుమతి కోసం రూ . రెండు కోట్లు లంచం తీసుకుంటూ నేరుగా దొరికిపోయిన ఘన చరిత్ర. ఇలా ఒక సారి కాదు.. రెండు సార్లు పదవులు పోగొట్టుకున్నారు. రెండు సార్లూ అవినీతి ఆరోపణల కారణంగానే. చాలా రోజులు జైల్లో ఉన్నారు. ఇప్పుడీయన హఠాత్తుగా తిరుమల తిరుపతి దేవస్థానం పాలక మండలిలో సభ్యుడు అయిపోయారు.

ఇంత అవినీతి పరుడు టీటీడీలోకి రావడం ఏమిటని… బీజేపీ నేత భాను ప్రకాష్ రెడ్డి హైకోర్టులో పిటిషన్ వేశారు. టీటీడీ బోర్డు నిండా నేర చరితులే ఉన్నారని ఆయన పిటిషన్‌లో ఆరోపించారు. ఆ పిటిషన్‌పై జరిగిన విచారణలో హైకోర్టు ధర్మాసనం కూడా కేతన్ దేశాయిని పాలక మండలి సభ్యుడిగా నియమించడంపై ఆశ్చర్యం వ్యక్తం చేసింది. వెంటనే ప్రతివాదులకు నోటీసులు జారీ చేయాలని హైకోర్టు ఆదేశించింది. దేవాదాయ శాఖ ప్రిన్సిపల్ సెక్రెటరీ, టీటీడీ ఈవోలకు నోటీసులు జారీ చేయాలన్న హైకోర్టు మూడు వారాల్లోగా సమాధానం ఇవ్వాలని ఆదేశించింది.

అసలు ఏపీకి ఏ మాత్రం సంబంధం లేని అత్యంత అవినీతి పరుడైన కేతన్ దేశాయ్‌కు ఎంతో డిమాండ్ ఉన్న టీటీడీ బోర్డులో ఏపీ ప్రభుత్వం ఎలా నియమించిందన్నది ఇప్పుడు ఎవరికీ అంతు చిక్కని విషయంగా మారింది. ప్రభుత్వ పెద్దలకు వీరు ఎలా పరిచయమయ్యారు అనేది కూడా సస్పెన్స్‌గా మారింది. మొత్తానికి నేర చరితులందర్నీ వెదికి వెదికి తిరుమలలో కూర్చోబెట్టినట్లుగా టీటీడీ బోర్డు ఉండటం మరింత వివాదాస్పదమయ్యే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అలాంటి పరామర్శలతో బాధితులకు భరోసా వస్తుందా !?

సొంత జిల్లా ప్రజలు అతలాకుతలమైపోయినా సీఎం జగన్ పట్టించుకోలేని తీవ్రంగా విమర్శలు ఎదుర్కొన్న తర్వాత రెండు రోజుల పాటు వరద బాధిత ప్రాంతాల్లో పర్యటించారు. తిరుపతి, కడపతో పాటు నెల్లూరు జిల్లాలోనూ పర్యటించారు....

ఆ గోరు ముద్దలు జగనన్నవి కావట !

జగనన్న గోరు ముద్ద, జగనన్న పాలు, వైఎస్సార్‌ సంపూర్ణ పోషణ అంటూ .. అంగన్‌వాడీ పిల్లలకు ఇస్తున్న ఆహారానికి పబ్లిసిటీ చేసుకుంటున్న ఏపీ సీఎం జగన్‌కు కేంద్ర ప్రభుత్వం షాక్ ఇచ్చింది. తక్షణం...

టికెట్ రేట్లు తగ్గించే ఆలోచన లేదు : మంత్రి తలసాని

తెలంగాణ ప్రభుత్వానికి సినిమా టికెట్‌ ధరలు తగ్గించే ఆలోచన లేదని స్పష్టం చేశారు. ప్రభుత్వానికి లేదని తెలంగాణ సినిమాటోగ్రఫీశాఖ మంత్రి తలసాని శ్రీనివాస్‌ యాదవ్‌. తెలుగు సినీ పరిశ్రమకు చెందిన నిర్మాతలు, దర్శకులతో...

ఏపీ ఉద్యోగ సంఘ నేతలను వ్యూహాత్మకంగా అవమానిస్తున్నారా !?

ముఖ్యమంత్రి జగన్, ఆర్థిక మంత్రి బుగ్గన కావాలనే ఉద్యోగుల్ని, ఉద్యోగ సంఘ నేతల్ని తీవ్రంగా అవమానించాలని లక్ష్యంగా పెట్టుకున్నట్లుగా ఉన్నారు. పీఆర్సీ కోసం అదే పనిగా పోరాటం చేస్తున్న ఉద్యోగ సంఘాల నేతలతో...

HOT NEWS

[X] Close
[X] Close