‘పుష్ష‌’ కోసం భారీ స్కెచ్‌

30 – 40 మందితో షూటింగులు జ‌రుపుకోండి… అంటూ ప్ర‌భుత్వాలు క్లియ‌రెన్స్ ఇచ్చేసినా – ఒక్క పెద్ద సినిమా కూడా ప‌ట్టాలెక్క‌లేదు. చిన్నా, చిత‌కా సినిమాలు, త‌క్కువ టీమ్ తో ప‌ని కానిచ్చేస్తున్నా, స్టార్లు బ‌య‌ట‌కు రావ‌డం లేదు. వ‌ద్దామ‌న్నా 30 – 40 మందితో షూటింగులు చేసుకోవ‌డం క‌ష్ట‌మ‌ని వాళ్ల‌కు అర్థ‌మైపోయింది. పుష్ష కూడా ఈపాటికి సెట్స్‌పైకి వెళ్లిపోవాల్సిందే. కానీ.. ఈ ప‌రిమితుల మ‌ధ్య షూటింగ్ చేయ‌లేమ‌ని సుకుమార్ అండ్ కో భావించి ఆప్ర‌య‌త్నాన్ని మానుకున్నారు.

ఇప్పుడు పుష్ష టీమ్ ఓ భారీ స్కెచ్ వేస్తోంది. త్వ‌రలోనే ‘పుష్ష‌’ని సెట్స్‌పైకి తీసుకెళ్లేందుకు రెడీ అవుతోంది. అయితే 30 – 40 మందితో కాదు.200మందితో. హైద‌రాబాద్ శివార్ల‌లోని అట‌వీ ప్రాంతంలో షూటింగ్ చేయ‌డానికి సుకుమార్ టీమ్ స‌న్న‌ద్ధం అవుతోంది. అక్క‌డ ఓ రిసార్ట్స్ లాంటిది ఏర్పాటు చేసి, న‌టీన‌టులు, సాంకేతిక నిపుణుల‌కు ప్ర‌త్యేక రూములు, అద‌న‌పు సౌర‌క్యాలూ క‌ల్పించి – లోప‌ల‌కి వెళ్లిన వాళ్లు, బ‌య‌ట‌కు.. బ‌య‌ట‌కు వ‌చ్చిన వాళ్లు లోపల‌కు రానివ్వ‌కుండా క‌ట్టుదిట్ట‌మైన ఏర్పాట్ల మ‌ధ్య షూటింగ్ చేసుకోవ‌డానికి ప్లాన్ చేస్తున్నార్ట‌. వంటా వార్పు.. కూడా సెట్స్ లోప‌లే. బ‌య‌ట ఫుడ్ అనుమ‌తించరు. సెట్లో ఉన్న‌వాళ్లంద‌రికీ కొవిడ్ ప‌రీక్ష‌లు చేసి, వాళ్ల‌లో ఎవ‌రికీ కరోనా ల‌క్ష‌ణాలు లేవ‌ని నిర్దారించుకున్న త‌ర‌వాతే టీమ్ లోకి తీసుకుంటార్ట‌. అయితే ఇంత‌మందితో షూటింగ్ చేసుకోవ‌డానికి ప్ర‌భుత్వ అనుమ‌తి అవ‌స‌రం. ఈ విష‌య‌మే… అధికారుల్ని సంప్ర‌దించి, సోష‌ల్ డిస్టెన్స్ మ‌ధ్య షూటింగు ఎలా చేసుకుంటామో వివ‌రించి, పర్మిషన్లు తీసుకోవాల‌ని భావిస్తోంది. అయితే ఇదంతా ఓ ఆలోచ‌న మాత్ర‌మే. ఆచ‌రించ‌డం సాధ్య‌మా? కాదా అనే విష‌యాల‌పై సుకుమార్ టీమ్ రెక్కీ నిర్వ‌హిస్తోంద‌ట‌. సానుకూల ఫ‌లితాలు వ‌స్తాయ‌నుకుంటే, రిస్కు త‌క్కువ అనుకుంటే.. ప్ర‌భుత్వ అనుమ‌తుల‌తో షూటింగు మొద‌లెట్టాల‌ని భావిస్తున్నారు. మ‌రి ఏం జ‌రుగుతందో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

3 రాజధానులకు 16నే ముహుర్తం..! ప్రధానికి ఆహ్వానం..!

ఆంధ్రప్రదేశ్ ప్రభుత్వం చెప్పినట్లుగానే మూడు రాజధానుల శంకుస్థాపనకు ప్రధానమంత్రి నరేంద్రమోడీని ఆహ్వానించింది. ప్రభుత్వం తరపున రాజధాని తరలింపు వ్యవహారాలన్నీ పర్యవేక్షిస్తున్న సీఎంవో ప్రిన్సిపల్ సెక్రటరీ నుంచి ఈ మేరకు.. కేంద్ర ప్రభుత్వానికి...

మంటల్లో బెజవాడ కోవిడ్ ఆస్పత్రి..! రోగుల ప్రాణాలు పణం..!

మొన్న గుజరాత్ రాష్ట్రంలోని అహ్మదాబాద్‌లో కోవిడ్ ఆస్పత్రిలో మంటలు చెలరేగి. రోగులు మరణించిన విషయం కలకలం రేపింది. ఇప్పుడు అలాంటి ఘటనే ఏపీలో జరిగింది. విజయవాడలో.. కోవిడ్ చికిత్స ఆస్పత్రిగా వినియోగిస్తున్న స్వర్ణా...

ఆర్కే పలుకు : జగన్‌ మెడకు ఈశ్వరయ్యను చుడుతున్న ఆర్కే..!

న్యాయవ్యవస్థపై జగన్ చేస్తున్న దాడిని తనదైన శైలిలో ప్రజల్లోకి తీసుకెళ్లేందుకు... ఆంధ్రజ్యోతి ఆర్కే చేస్తున్న ప్రయత్నానికి మాజీ హైకోర్టు న్యాయమూర్తి ఈశ్వరయ్య ఆయుధాన్ని అందించారు. జస్టిస్ నరసింహారెడ్డిపై పోరాటం చేస్తున్న దళిత జడ్జి...

50మంది అతిథులు.. 200 కుటుంబాల‌కు లైవ్‌లో

రానా - మిహిక‌ల పెళ్లి అత్యంత సింపుల్‌గా, ప‌రిమిత‌మైన బంధుమిత్రుల స‌మ‌క్షంలో, క‌రోనా ఆంక్ష‌ల మ‌ధ్య జ‌రిగిపోయింది. కొద్దిసేప‌టి క్రిత‌మే.. జిల‌క‌ర్ర - బెల్లం తంతు ముగిసింది. ఇప్పుడు రానా - మిహిక‌లు...

HOT NEWS

[X] Close
[X] Close