తెలంగాణలో రెండు చోట్ల “మృగరాజు ” సినిమా !

అప్పుడెప్పుడో వచ్చిన మృగరాజు అనే సినిమా సీన్లు ఇప్పుడు.. తెలంగాణలో రిపీటవుతున్నాయి. కాకపోతే ఆ సినిమాలో సింహం కోసం వేట సాగిస్తే.. తెలంగాణ రెండు పులుల కోసం వేట సాగుతోంది. అన్న టైగర్ అని అభిమాన రాజకీయ నేతల గురించి చెప్పుకుంటాం కానీ.. నిజంగా పులులు కనిపిస్తే కంటి మీద కునుకు ఉండదు. ఇప్పుడు తెలంగాణ రెండు పులులు హడలెత్తిస్తున్నాయి. కొమురం భీం, సిరిసిల్ల జిల్లాల్లో రెండు పులులు… చిక్కినట్లే చిక్కి తప్పించుకుంటున్నాయి. దీంతో వీటిని పట్టుకోవడానికి పక్క రాష్ట్రాల నుంచి వేటగాళ్లను పిలిపించాల్సి వచ్చింది. వారంతా బృందాలుగా విడిపోయి అడవుల బాట పట్టారు. రాజన్నసిరిసిల్ల జిల్లాలో ఓ పులి వ్యవసాయబావిలో పడింది. దాన్ని గుర్తించిన కొంత మంది అటవీ అధికారులకు సమాచారం ఇచ్చారు. బావిలో పడిన పులి కదా.. ఎక్కడికీ పోదులే అని వారు తీరిగ్గా వెళ్లారు.

కానీ అది అప్పటికే ఎలాగో బయటకు వచ్చి వెళ్లిపోయింది. దాంతో.. అప్పటి వరకూ నింపాదిగా ఉన్న వారు హడలెత్తిపోయారు. జగిత్యాల ఫారెస్ట్ నుంచి పులి వచ్చినట్లుగా గుర్తించి.. సమీప గ్రామాల ప్రజలు అప్రమత్తంగా ఉండాలని ఆదేశించారు. నిజానికి ఈ ఘటన జరగక ముందే.. కొమురంభీం జిల్లాలో అటవీశాఖ అధికారులను పెద్ద పులి ఒకటి ముప్ప తిప్పలు పెడుతోంది. బెజ్జూరు అడవుల్లో అటవీశాఖ ఆపరేషన్ కు చిక్కినట్టే చిక్కీ తప్పించుకుంటోంది. ఆ పులి ఇద్దరు మనుషుల్ని కూడా చంపేసింది. దీంతో దాన్ని మ్యాన్ ఈటర్‌గా పేర్కొంటున్నారు. పులి తిరిగిన చోట్ల 10 బోన్లు ఏర్పాటు చేశారు. ఎరగా లేగ దూడలను ఉంచారు.

100కు పైగా సీసీ కెమెరాలను కూడా పెట్టారు. అయితే ఎర వేసిన పశువులను చంపి తినేసి వెళ్లిపోతున్న పులి.. బోను వైపు రావడం లేదు. దీంతో వచ్చినప్పుడు మత్తు మందు ఇచ్చేందుకు హైదరాబాద్‌ షూటర్లను రప్పించారు. 100 మందికిపైగా అటవీ అధికారులు ,సిబ్బంది, టైగర్ ట్రాకర్స్ ఈ ఆపరేషన్‌లో భాగస్వాములయ్యారు. కానీ ఫలితం ఉండటం లేదు. పులిని పట్టుకునే వెనక్కి వెళ్లాలని అధికారులు అక్కడే మకాం వేస్తున్నారు. ఆ పులులు ఎప్పటికి దొరుకుతాయో కానీ.. మృగరాజు సినిమాలో సీన్లన్నీ కళ్లముందు కదులుతున్నాయని.. ఆ చుట్టుపక్కల ప్రాంతాల వారు చర్చించుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

బాక్సింగ్ రింగ్‌లో అడుగుపెట్టిన ‘గ‌ని’

https://www.youtube.com/watch?v=VCNYQN477iE&feature=youtu.be వ‌రుణ్ తేజ్ క‌థానాయ‌కుడిగా ఓ సినిమా రూపొందుతోంది. కిర‌ణ్ కొర్ర‌పాటి ద‌ర్శ‌కుడు. బాక్సింగ్ నేప‌థ్యంలో రూపొందుతున్న చిత్ర‌మిది. దీనికి `గ‌ని` అనే పేరు ఖ‌రారు చేశారు. ఈరోజు.. వ‌రుణ్ పుట్టిన రోజు. ఈ...

శ్రీలక్ష్మికి ప్రమోషన్ ఇచ్చేసిన సర్కార్..!

జగన్మోహన్ రెడ్డి అక్రమాస్తుల కేసుల్లో నిందితురాలయిన ఐఏఎస్ అధికారి శ్రీలక్ష్మికి ... జగన్మోహన్ రెడ్డి సర్కార్ బంపర్ ఆఫర్ ఇచ్చింది. కేసుల కారణంగా ఇంత కాలం నిలిచిపోయిన ప్రమోషన్లను కల్పించింది. ఇప్పటి...

“విశాఖ జోన్” అక్కర్లేదని ఏపీ సర్కార్ అనుకుంటోందా..!?

విశాఖ రైల్వేజోన్‌ కోసం టీడీపీ హయాంలో ఉద్యమాలు జరిగాయి. టీడీపీ కూడా.. కేంద్రాన్ని ప్రశ్నించి.. ప్రశ్నించి బయటకు వచ్చిన తర్వాత ...కేంద్రం ఆ జోన్ ప్రకటించింది. అందులోనూ కొన్ని అభ్యంతరాలు ఉన్నప్పటికీ.....

కొడాలి నాని సవాల్ చేసినట్లుగా దేవినేని ఉమను కొట్టబోతున్నారా..!?

అధికారంలో ఉంటే ప్రతిపక్షాలు రెచ్చగొట్టాలని ప్రయత్నిస్తూ ఉంటాయి. అధికారంలో ఉన్న వారు రెచ్చిపోతే.. దాన్నే ప్రజలకు చూపించి .. అసహనంగా ప్రచారం చేయాలని అనుకుంటాయి. కానీ ఏపీలో పరిస్థితి వేరుగా ఉంది. ప్రతిపక్షాల్ని...

HOT NEWS

[X] Close
[X] Close