మిత్రులు కాదు శత్రవులు : హరీష్, ఈటల వ్యక్తిగత విమర్శలు

హుజురాబాద్ ఉపఎన్నిక బరి హరీష్ రావు వర్సెస్ ఈటల అన్నట్లుగా మారిపోయింది. ఇద్దరు నేతలు ఎవరికి వారు వ్యక్తిగతంగా విమర్శించేసుకుంటున్నారు. నిన్నటి వరకూ హరీష్ రావు పట్ల కాస్త సానుభూతితో వ్యవహరిస్తున్నట్లుగా ప్రకటనలు చేసిన ఈటల హఠాత్తుగా రూటు మార్చారు. నీ చరిత్ర అంతా బయట పెడతానని హరీష్‌కు కొత్తగా హెచ్చరికలు జారీ చేశారు. కారు కూతలు.. అబద్దాలను డ్రామా కంపెనీ లాగా మాట్లాడి సోషల్ మీడియాలో పెట్టి యాక్షన్ చేస్తున్నాడని మండిపడ్డారు. తనపై ఎన్నికల ప్రచారంలో హరీష్ చేస్తున్న వ్యాఖ్యలపై హుజూరాబాద్ అంబేద్కర్ చౌరస్తా లో బహిరంగ చర్చకు సిద్దమా అని సవాలు విసిరారు. నేనే అన్నీ ఏర్పాట్లు చేస్తా.. నువ్వు ఇంత తోపు, తురుం ఖాన్ వి కదా బహిరంగ చర్చకు రావాలని సవాల్ చేశారు.

హరీష్ రావు ఇటీవల సోషల్ మీడియాలో రోడ్ మీద ఎవరితోనైనా మాట్లాడి వారి మాటలను సోషల్ మీడియాలో పోస్ట్ చేస్తున్నారు. ఈటలఇళ్లు కట్టించలేదు. అభివృద్ది చేయించలేదు.. ఇలాంటి విమర్శలు ఎక్కువగా సోషల్ మీడియాలో చేయిస్తున్నారు. దీనిపైనే ఈటల మండిపడ్డారు. సీఎం కుర్చీ కోసం ప్రయత్నిస్తున్నారని హరఈష్‌పై విరుచుకు పడ్డారు. తాను కట్టించిన ఇళ్లను చూపిస్తాను తనతో పాటు రావాలని సవాల్ చేశారు. సీఎం కేసీఆర్, కేటీఆర్, హరీశ్ రావు, కవిత, సంతోష్ రావు తెలంగాణ నిధుల మీద వారికే హక్కు ఉందన్నట్లుగా మాట్లాడుతున్నారని మండిపడ్డారు.

హరీష్ రావుపై వ్యక్తిగత విమర్శలు చేయడానికి ఈటల వెనుకాడలేదు. ఆయన నీచుడని.. ఆయన నిర్వాకంపై ప్రజలు ఉమ్మేస్తున్నారని విమర్శించారు. నీకు కేసీఆర్ మంత్రి ఇవ్వను అన్నది నిజం కాదా..? సీఎం సీటుకే ఎసరు పెట్టాడని ఆరోపించారు. సీఎం పోటీకి వస్తున్నా.. అని నన్ను తొలగించారా..? లేక భూముల కబ్జా చేశాననా..?. చెప్పాలని సవాల్ చేశారు. పోలీసు దండును ఆపకపోతే తీవ్ర పరిణామాలు ఎదుర్కోవాల్సి ఉంటుందన్నారు. టీఆర్ఎస్‌లో ఉండగా ఆప్తమిత్రులుగా పేరు పడ్డ వీరు ఇప్పుడు ఒకరిపైఒకరు వ్యక్తిగత విమర్శలు చేసుకుంటూ ప్రచారన్ని హోరెత్తిస్తున్నారు. నిన్నటి వరకూ హరీష్ రావుపై సానుభూతి చూపిస్తూ… ఆ పార్టీ హైకమాండ్‌లో అనుమానపు బీజాలు నాటే ప్రయత్నం చేసిన ఈటల ఇప్పుడు మాత్రం డైరక్ట్ విమర్శలకు దిగారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జనసైనికుల్ని రెచ్చగొట్టేందుకు వైసీపీ దింపుడు కళ్లెం ఆశలు !

ఆంధ్రప్రదేశ్ రాజకీయాల్లో కీలక పరిణామం పూర్తయింది. టీడీపీ, జనసేన మధ్య సీట్ల సర్దుబాటు పూర్తయింది. ఏ సీట్లలో పోటీ చేయాలో కూడా ఓ నిర్ణయానికి వచ్చారు. అయితే పవన్ 24 సీట్లే తీసుకున్నారంటూ.....

విచారణకు రాను – సీబీఐకి కవిత లేఖ

ఢిల్లీ లిక్కర్ స్కాంలో విచారణకు తాను హాజరు కావడం లేదని సీబీఐకి ఎమ్మెల్సీ కవిత లేఖ రాశారు. సీఆర్పీసీ సెక్షన్ 41ఏ కింద జారీ చేసిన నోటీసులను రద్దు చేయండి...

మళ్లీ ఉద్యోగుల పోరాటం ప్రభుత్వానికి తాకట్టు !

ఎన్నికలకు ముందు ఉద్యోగ నేతలు ఆందోళనలు అంటూ హడావుడి చేశారు. కానీ అదంతా స్క్రిప్టెడ్ అని.. ఏమీ చేయకపోయినా ఏదో ఇచ్చినట్లుగా హడావుడి చేయడానికని మొదటి నుంచి అనుమానాలుననాయి. ఇప్పుడు అదే నిజం...

అభిప్రాయం : జనసేన శ్రేణుల అంతర్మధనం

2024 ఎన్నికల రాజకీయ వేడి రాజకుంది. తెలుగు దేశం పార్టీజనసేన కలిసి ఏర్పాటు చేసుకున్న పొత్తు లో భాగం గా జనసేన 24 ఎమ్మెల్యే సీట్ల లో పోటీ చేస్తుందని చంద్రబాబు -పవన్...

HOT NEWS

css.php
[X] Close
[X] Close