ఇన్‌సైడ్ టాక్‌: భోళా శంక‌ర్‌.. చిరు కోసం కాదా?

చిరు పుట్టిన రోజు వేడుక‌లు అయిపోయాయి. రోజుంతా చిరు సినిమాల‌దే సంద‌డి. గాడ్ ఫాద‌ర్‌, భోళా శంక‌ర్ లుక్స్‌, బాబి సినిమా లుక్స్ తో.. సంబ‌రాలు రెట్టింపు అయ్యాయి. అంతా బాగానే ఉన్నా – ఎక్క‌డో మెహ‌ర్ ర‌మేష్ ప్రాజెక్ట్ నే కాస్త అనుమానంగానూ, ఆశ్చ‌ర్యంగానూ చూస్తున్నారు మెగా ఫ్యాన్స్‌. అస‌లు ఈ కాంబినేష‌న్ సెట్ కావ‌డంలోనే బోల్డంత ఫ‌జిల్ ఉంది. ఉందుకంటే… శ‌క్తి, షాడో… సినిమాలు చూశాక మెహ‌ర్ ర‌మేష్ పేరెత్త‌డానికే భ‌య‌ప‌డిపోయారు హీరోలు, నిర్మాత‌లు. మెహ‌ర్ కూడా ఎవ‌రినీ క‌లిసి, క‌థ చెప్పే ధైర్యం చేయ‌లేదు. అలాంటి మెహ‌ర్ కి ఈ ప్రాజెక్టు ద‌క్క‌డం షాకింగ్ ఎలిమెంటే.

మెహ‌ర్ ఏదో అద్భుత‌మైన క‌థ చెప్పి, చిరుని క‌దిలించ‌డానికి చెప్ప‌డానికేం లేదు. ఎందుకంటే ఇది వేదాళం రీమేక్‌. ఓ భాష‌లో బాగా ఆడిన సినిమాని రీమేక్ చేయ‌డం చిరుకి కొత్త కాదు. కానీ అలా రీమేక్ చేసిన‌ప్పుడు ఆయ‌న చాలా జాగ్ర‌త్త‌గా ఉంటాడు. హిట్స్ తో స్పీడుమీదున్న డైరెక్ట‌ర్ కే ఆ బాధ్య‌త అప్ప‌గిస్తాడు. మార్పులు చేర్పుల విషయంలో చిరు హ్యాండ్ చాలా ఉంటుంది. ద‌గ్గ‌రుండి త‌న‌కు అనువుగా ఈ క‌థ‌ని మ‌ల‌చుకుంటాడు. కానీ `వేదాళం` రీమేక్ విష‌యంలో ఇదేం జ‌ర‌గ‌లేదు.

నిజానికి వేదాళం రీమేక్ చేయాల‌న్న ఆలోచ‌న చిరుది కాదు. కేవ‌లం మెహ‌ర్ ర‌మేష్ దే. ఈ సినిమా చూసి, దాన్నితెలుగు నేటివిటీకి అనువుగా మార్చుకుని ఓ స్క్రిప్టు త‌యారు చేశాడ‌ట మెహ‌ర్‌. తాను క‌థ రాస్తున్న‌ప్పుడు హీరో చిరంజీవి కాదు. మ‌రెవ‌రో. ఆమ‌ధ్య సీసీసీ అంటూ చిరు ఓ కార్య‌క్ర‌మం మొద‌లెట్టిన‌ప్పుడు… వెనుక ఉండి, ఆ ప‌నులు చూసుకున్న‌ది మెహ‌ర్ ర‌మేషే. ఆ సంద‌ర్భంగా.. చిరుతో సాన్నిహిత్యం పెరిగింది. ఆ స‌మ‌యంలోనే `నీ ద‌గ్గ‌ర క‌థ‌లేమైనా ఉన్నాయా` అని అడిగితే.. వేదాళం రీమేక్ గురించి చెప్ప‌డం, చిరుకి ప్ర‌త్యేకంగా ఆ సినిమా చూపించి, తాను ఎలాంటి మార్పులు చేశాడో పూస గూచ్చిన‌ట్టు చెప్ప‌డంతో చిరు బాగా ఇన్‌స్పైర్ అయ్యాడ‌ని తెలుస్తోంది. అప్ప‌టికీ.. చిరు ఈ సినిమా చేస్తాడ‌న్న న‌మ్మ‌కం మెహ‌ర్ కి లేదు. ఓరోజు `ఈ క‌థ నేనే చేస్తా` అని చిరు మాట ఇవ్వ‌డం – ఏకే ఎంట‌ర్‌టైన్‌మెంట్స్ ని ఈ టీమ్ లోకి తీసుకురావ‌డం ఇవ‌న్నీ చిరునే చూసుకున్నాడ‌ట‌. అలా.. మెహ‌ర్ కి అనుకోని అదృష్టం వ‌రించేసింది. నిజానికి ఇంత జ‌రుగుతున్నా ఈ ప్రాజెక్టుపై ఎవ‌రికీ న‌మ్మ‌కాల్లేవు. మొద‌లైప్పుడు చూద్దాంలే అనుకున్నారు. ఇప్పుడు టైటిల్, ఫ‌స్ట్ లుక్ కూడా వ‌చ్చేశాయి కాబ‌ట్టి.. న‌మ్మ‌క త‌ప్ప‌డం లేదు. మ‌రి చిరు త‌న‌పై పెట్టుకున్న న‌మ్మ‌కాన్ని మెహ‌ర్ ఎలా నిల‌బెట్టుకుంటాడో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మహానాడు : టీడీపీ 6 హామీలతో భవిష్యత్‌కు గ్యారంటీ !

మహానాడులో తెలుగుదేశం పార్టీ ప్రజలకు సంక్షే్మ రంగంలో ఆరు హామీలు ప్రకటించింది. భవిష్యత్ కు గ్యారంటీ పేరుతో మినీ మేనిఫెస్టోని చంద్రబాబు ప్రకటించారు. నిరుద్యోగులకు, మహిళలకు, రైతులకు టీడీపీ...

ఎన్టీఆర్‌ను వైసీపీ స్మరించుకుంది.. చంద్రబాబును తిట్టడానికైనా సరే!

ఎన్టీఆర్ అందరి మనిషి. అయితే రాజకీయాల్లోకి వచ్చిన తర్వాత సహజంగానేకొంత మందికి దూరంఅవుతారు. అలా దూరమైన వారు కూడా ప్రత్యేక సందర్భాల్లో దగ్గర చేసుకోక తప్పదు. ఎన్టీఆర్‌ను అలా దగ్గర చేసుకోవాల్సిన ప...

బాలయ్య కోసం కొత్త ప్ర‌పంచం సృష్టిస్తాడ‌ట‌

అ, క‌ల్కి, జాంబిరెడ్డి చిత్రాల‌తో ఆక‌ట్టుకొన్నాడు ప్ర‌శాంత్ వ‌ర్మ‌. ఇప్పుడు హను-మాన్ రూపొందిస్తున్నాడు. తేజా స‌జ్జా క‌థానాయ‌కుడిగా న‌టించిన ఈ చిత్రం త్వ‌ర‌లో విడుద‌ల కాబోతోంది. ఈలోగా నంద‌మూరి బాల‌కృష్ణ‌తో సినిమా చేసే...

అందరికీ బెంచ్ మార్క్ బిల్డింగ్‌లు – ఏపీ జనానికి మాత్రం బటన్లు !

తెలంగాణ ప్రభుత్వం ఓ పెద్ద సెక్రటేరియట్ కట్టుకుంది. కథలు కథలుగా చెప్పుకున్నారు. ఇప్పుడు కేంద్రం పార్లమెంట్ నిర్మించింది.. అంత కంటే ఎక్కువ కథలు చెప్పుకుంటున్నారు. నిజానికి ఈ రెండు నిర్మాణాలూ అవసరం లేదని..దుబారా...

HOT NEWS

css.php
[X] Close
[X] Close