లెక్క సరి : తనపై వైసీపీ సర్వే.. వైసీపీపై రఘురామ సర్వే..!

ఆంధ్రప్రదేశ్‌లో అప్పుడే సర్వేల హడావుడి ప్రారంభమయింది. ఎన్నికలకు ఇంకా రెండున్నరళ్లకుపైగానే ఉన్నప్పటికీ ఏదో ఓ పేరుతో సోషల్ మీడియాలో సర్వేలు పెట్టేస్తున్నారు. తాజాగా వైసీపీ రెబల్ ఎంపీ కూడా ఓ సర్వే ప్రకటించారు. తాను రాష్ట్ర వ్యాప్తంగా పెద్ద ఎత్తున టెలీఫోన్ సర్వే చేయించానని అందులో వైసీపీకి ఇప్పుడున్న పరిస్థితుల్లో యాభై సీట్లు కూడా రావని ప్రకటించారు. పశ్చిమగోదావరి జిల్లాలో ముగ్గురు ఎమ్మెల్యేలు, చిత్తూరు జిల్లాలో నలుగురు ఎమ్మెల్యేల పరిస్థితి మాత్రమే బాగుందని ఇంకెవరూ గెలిచే పరిస్థితి లేదన్నారు. నర్సాపురంలో జగన్‌ కంటే తనకే తొంభై శాతం ఎక్కువ ఆదరణ ఉందని చెప్పుకొచ్చారు.

నిజంగా అయితే ఈ సర్వేను రఘురామకృష్ణరాజు బయట పెట్టదల్చుకోలేదట. కానీ ఇతర వైసీపీ నేతలు చేసిన కొన్ని చిల్లర పనుల వల్ల బయట పెట్టాల్సి వచ్చిందని ఆయన చెబుతున్నారు. ఆ పనులేమిటంటే.. తనపై సర్వే చేయడం. ఇటీవల కొంత మంది వైసీపీ నేతలు రఘురామకృష్ణరాజు పనితీరుపై సర్వే అంటూ కొన్ని గణాంకాలు సోషల్ మీడియాలో పెడుతున్నారు. ఆయన పార్లమెంట్‌కు వెళ్లడం లేదని చెబుతున్నారు. దీనికి కౌంటర్ గా రఘురామ ఈ సర్వేను బయట పెట్టారు. నిజంగా సర్వే చేశారో లేదో .. లేకపై తనపై సర్క్యూలేట్ చేస్తున్న సర్వే కోసం క్రియేట్ చేశారో కానీ.. ఓ క్యూరియాసిటీ అయితే మాత్రం రఘురామ కల్పించారు.

ప్రస్తుత పరిస్థితినే తాను చెప్పానని తర్వాత పరిస్థితులు మాత్రమే సీట్లు నూట యాభై దాటవచ్చు లేకపోతే యాభై కంటే తక్కువ రావొచ్చని డిస్ క్లెయిమర్ కూడా ప్రకటించారు. ఇటీవల ఇండియా టుడే మూడ్ ఆఫ్ ది నేషన్ పోల్స్ ప్రకటించిన తర్వాత సోషల్ మీడియా సర్వేల హడావుడి పెరిగిపోయింది. ఏపీలో ఇది మరీ ఎక్కువగా ఉంది. దీనికి రఘురామకృష్ణరాజు తన సర్వేతో మరింత ఆజ్యం పోశారని అనుకోవచ్చు. అయితే రఘురామ సర్వే చేయించి ఉండరని.. తనపై చేస్తున్న ప్రచారానికి కౌంటర్‌గా అలా ప్రకటించి ఉంటారన్న అభిప్రాయాలు రాజకీయ పార్టీల్లో వ్యక్తమవుతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పోలీసులకిచ్చిన “ఆఫర్” కూడా జగన్‌ మార్క్‌దే !

సీఎం జగన్ ముఖ్యమంత్రి అయిన తర్వాత పోలీసులకు వీక్లీఆఫ్ ఇస్తున్నట్లుగా ప్రకటించారు. పోలీసులకు వీక్లీ ఆఫ్ ఇచ్చిన సీఎం జగ‌న్ అని దేశవ్యాప్తంగా గొప్పగా ప్రకటించారు. డీజీపీ గౌతం సవాంగ్ కూడా.. జగన్...

సజ్జల పరిశీలించారు.. ఇప్పుడు సీఎం వంతు !

సొంతజిల్లాను వరదలు అతలాకుతలం చేసినా పట్టించుకోలేదని విమర్శలు ఎదుర్కొంటున్న సీఎం జగన్ రెండు రోజుల పాటు పర్యటించాలని నిర్ణయించారు. రెండు, మూడు తేదీల్లో కడప జిల్లాతో పాటు నెల్లూరులోనూ క్షేత్ర స్థాయిలో పర్యటించి...

కేసీఆర్ అగ్రెసివ్ పాలిటిక్స్ వెనుక ప్రశాంత్ కిషోర్ !?

తెలంగాణ సీఎం కేసీఆర్ ఇటీవల రూటు మార్చారు. దారుణమైన తిట్లతో వివాదాస్పద రాజకీయం చేస్తున్నారు. ఎందుకిలా చేస్తున్నారో చాలా మందికి అర్థం కావడం లేదు కానీ.. ఆయనకు ప్రశాంత్ కిషోర్ అందించడం ప్రారంభమైందని...

ఏపీ పేదల్లో “ఓటీఎస్” అలజడి ! ప్రభుత్వానికి దయ లేదా ?

ఆర్థికపరమైన ఇబ్బందుల్లో ఉన్న ఏపీ ప్రభుత్వం ఎక్కడకిక్కడ నిధులు సమీకరిస్తోంది. అప్పులు.. ఫిక్స్‌డ్ డిపాజిట్లు ఇలా దేన్నీ వదిలి పెట్టడం లేదు. అయితే ఇప్పుడు ప్రజల్నీ బాదేయడం అనూహ్యంగా మారింది. నిరుపేదల్ని రూ....

HOT NEWS

[X] Close
[X] Close