తలసాని చెపుతున్న ఆంధ్రాలో స్నేహితుడు అతనేనా?

తెదేపా నుండి తెరాసలో చేరిన అనేక మంది నేతలు, ఎమ్మెల్యేల గురించి తెదేపా పెద్దగా పట్టించుకోదు. అలాగే వారు కూడా తెదేపా గురించి ఎన్నడూ మాట్లాడింది లేదు. కానీ వారిలో తలసాని శ్రీనివాస్ యాదవ్ ఒక్కరే అందుకు మినహాయింపని చెప్పవచ్చును. ఆయన పార్టీని వీడి తెరాస ప్రభుత్వంలో మంత్రిగా చేరి చాలా కాలం అయినప్పటికీ పార్టీకి, ఆయనకి మధ్య బంధం ఇంకా తెగిపోలేదనే చెప్పవచ్చును. తెదేపా నేతలెప్పుడూ ఆయన గురించి మాట్లాడుతుంటారు. అలాగే ఆయన కూడా ఏదో ఒక సందర్భంలో చంద్రబాబు నాయుడు గురించి మాట్లాడుతూనే ఉంటారు.

చంద్రబాబు నాయుడు లండన్ పర్యటన గురించి తలసాని శ్రీనివాస్ యాదవ్ మాట్లాడారు. తెలంగాణా మంత్రిగా ఉన్న ఆయనకి దీనితో సంబంధం లేదు కానీ చంద్రబాబు నాయుడు గురించి మాట్లాడే అవకాశం వస్తే ఆయన మిగిలినవారిలా మాట్లాడకుండా నోరు కట్టేసుకోలేరు కనుక మాట్లాడారు.

ఆయన నిన్న శాసనసభ ఆవరణలో మీడియాతో మాట్లాడుతూ “చంద్రబాబు నాయుడు ఆంధ్రప్రదేశ్ రాష్ట్రానికి పెట్టుబడులు ఆకర్షించేందుకు ఇప్పటికే చాలాసార్లు విదేశీయాత్రలు చేసి వచ్చేరు. మళ్ళీ ఇప్పుడు లండన్ కూడా వెళ్ళారు. కానీ ఆయనను పారిశ్రామికవేత్తలు నమ్మడం లేదు. అందుకే రాష్ట్రానికి పెట్టుబడులు రావడం లేదు. ఈవిషయం నేను చెప్పడం లేదు. ఆంధ్రాలో నా స్నేహితులు చెప్పిన మాట ఇది. శాసనసభ ప్రతిపక్ష నేత జగన్మోహన్ రెడ్డి అడుగుతున్న ప్రశ్నలకు కూడా ఆయన జవాబు చెప్పలేక తన మంత్రులను ఆయనపై ఉసిగొల్పి జవాబులు చెప్పకుండా తప్పించుకొంటున్నారు. సమైక్య రాష్ట్రంలో ఒకప్పుడు మాల, మాదిగ కులస్థుల మధ్య చిచ్చుపెట్టిన చంద్రబాబు నాయుడు ఇప్పుడు ఆంధ్రాలో కాపు, బీసిల మధ్య చిచ్చు పెడుతున్నారు. బడ్జెట్ లో కాపుల కోసం వెయ్యి కోట్లు కేటాయించినప్పటికీ దానిని నిజంగా విడుదల చేస్తారని నేను భావించడం లేదు,” అని తలసాని శ్రీనివాస్ యాదవ్ అన్నారు.

తలసాని మాటలలో నిజానిజాల సంగతి ఎలాగా ఉన్నప్పటికీ, ఆయన గొంతులో అచ్చం జగన్మోహన్ రెడ్డి మాటలే వినిపిస్తున్నాయి. కనుక ఆయన చెపుతున్న ఆంధ్రాలో ఆ స్నేహితుడు బహుశః జగన్మోహన్ రెడ్డేనేమోనని అనుమానించవలసి వస్తోంది. జగన్ కూడా చంద్రబాబు నాయుడుని ఇదే విధంగా విమర్శిస్తున్నప్పటికీ అది మరీ రొటీన్ విమర్శలుగానే కొట్టుకొని పోతుంటాయి. అదే పొరుగు రాష్ట్రంలోని మంత్రి ఒకప్పటి తెదేపా సీనియర్ నేత అయిన తలసాని శ్రీనివాస్ యాదవ్ వంటివారి నోటి నుండి అవే మాటలు వస్తే అవి అందరి దృష్టిని ఆకర్షిస్తాయి. దానికి వెయిట్ పెరుగుతుంది కూడా. బహుశః అందుకే తలసాని శ్రీనివాస్ యాదవ్ ‘నిన్ను వదల బొమ్మాళి’ అంటూ చంద్రబాబు నాయుడి వెంటపడుతున్నారేమో?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్ పిలుపు… విరాళాల వెల్లువ..!

ముఖ్యమంత్రి సహాయనిధికి విరివిగా విరాళాలివ్వాలని తెలంగాణ సీఎం కేసీఆర్ పిలుపునిచ్చారు. వరదల కారణంగా హైదరాబాద్ ప్రజలు తీవ్ర ఇబ్బందులు పడుతున్నారు. వారిని ఆదుకోవడంతో పాటు పెద్ద ఎత్తన ధ్వంసం అయిన రోడ్లు, విద్యుత్...

‘న‌ర్త‌న‌శాల’ టికెట్… 10 ల‌క్ష‌ల నుంచి 50 రూ. వ‌ర‌కూ

శ్రేయాస్ ఏటీటీ ద్వారా `న‌ర్త‌న‌శాల‌` విడుద‌ల అవుతున్న సంగ‌తి తెలిసిందే. ఈనెల 24 న విజ‌య‌ద‌శ‌మి సంద‌ర్భంగా `న‌ర్త‌న‌శాల‌`లోని 17 నిమిషాల స‌న్నివేశాల్ని విడుద‌ల చేస్తున్నారు. బాల‌కృష్ణ స్వీయ ద‌ర్శ‌క‌త్వం వ‌హించిన చిత్ర‌మిది....

పాపం.. విజ‌య్ సేతుప‌తి కూతుర్ని కూడా వ‌ద‌ల్లేదు!

స‌భ్య స‌మాజం మ‌రోసారి త‌ల‌దించుకోవాల్సిన దుస్థితి ఇది. మొన్న‌టికి మొన్న ఐపీఎల్ లో ధోనీ విఫ‌లం అయితే.. ధోనీ కుమార్తెని అత్యాచారం చేస్తాన‌ని బెదిరించి - దిగ‌జారిపోతున్న విలువ‌ల‌కు త‌ర్ప‌ణంగా నిలిచాడో దుర్మార్గుడు....

‘న‌ర్త‌న‌శాల‌’లో అర్జునుడిడిగో…!

నంద‌మూరి బాల‌కృష్ణ క‌ల‌ల ప్రాజెక్టు `న‌ర్త‌న‌శాల‌`. త‌న స్వీయ నిర్మాణంలోనే ఈ చిత్రాన్ని ప‌ట్టాలెక్కించాడు. భారీ కాస్టింగ్‌, బాల‌య్య ద‌ర్శ‌క‌త్వం, పౌరాణిక గాథ‌.. ఇవ‌న్నీ ఈ సినిమాపై ఆక‌ర్ష‌ణ‌ని పెంచాయి. కొంత‌మేర...

HOT NEWS

[X] Close
[X] Close