అల్లు అర్జున్ – సుకుమార్ కాంబినేష‌న్‌లో రూపుదిద్దుకున్న సినిమా ‘పుష్ప’. తొలి రోజే కాస్త డివైడ్ టాక్ వ‌చ్చినా, వ‌సూళ్ల జోరు మాత్రం త‌గ్గ‌లేదు. నైజాంలో ఆల్ టైమ్ రికార్డు సాధిస్తూ…11 కోట్లు వ‌సూలు చేసింది. నిజానికి ఈ క‌థ మహేష్ కోసం త‌యారు చేశార‌ని, ఆ త‌ర‌వాతే.. బ‌న్నీ లైన్ లోకి వ‌చ్చాడ‌ని ఓ టాక్.
రంగ‌స్థ‌లం త‌ర‌వాత.. మ‌హేష్‌తో ఓ సినిమా చేయ‌డానికి ప్లాన్ చేసుకున్నాడు సుకుమార్. అఫీషియ‌ల్ ఎనౌన్స్‌మెంట్ కూడా వచ్చింది. కానీ స‌డ‌న్ గా ప్రాజెక్టు చేతులు మారింది. దాంతో.. మహేష్ కి చెప్పిన క‌థ‌నే బ‌న్నీతో పుష్ప‌గా మ‌లిచాడ‌ని ఫిక్స‌యిపోయారంతా. ఈ రోజు ఈ విష‌యమై సుకుమార్ కాస్త న‌ర్మ‌గ‌ర్భంగా స్పందించాడు. “మ‌హేష్‌తో ఓ సినిమా చేయాల‌నుకుంది నిజ‌మే. ఆక‌థ‌కీ పుష్ప‌కీ చాలా తేడా ఉంది. ఈ క‌థ‌లు వేరు అని చెప్ప‌లేను. అలాగ‌ని ఒక‌టే అని కూడా అన‌లేను“ అని కాస్త వెరైటీగా స‌మాధానం ఇచ్చాడు. పుష్ప‌గా మహేష్ బాబుని ఊహించ‌డం క‌ష్టం. క‌చ్చితంగా… మహేష్ ఉండి ఉంటే, ఆ పాత్ర డిజైన్ అలా ఉండేది కాదు. కాక‌పోతే… మహేష్ కి చెప్పింది కూడా ఎర్ర‌చంద‌నం నేప‌థ్యంలో సాగే క‌థే. మహేష్ వెళ్లిపోయి, బ‌న్నీ వ‌చ్చిన త‌ర‌వాత… బ్యాక్ డ్రాప్ అదే ఉంచి… క్యారెక్ట‌రైజేష‌న్ కి మార్చుకున్నాడు సుకుమార్.
