ఏపీ సీఎం జగన్ రెడ్డి జనాలను అమాయకులుగా అంచనా వేస్తున్నారు. తాను ఏం చెప్పినా గుడ్డిగా నమ్మేస్తారనుకుంటున్నారు. అబద్దాలే ఆయుధంగా చేసుకుంటున్నారు. ఎన్నికల ప్రచారంలో భాగంగా ఎమ్మిగనూరు సభలో మాట్లాడిన జగన్…ఎమ్మెల్యే అభ్యర్థి బుట్టా రేణుక గురించి అబద్దాలను అందంగా చెప్పేశారు.
జగన్ చేసిన వ్యాఖ్యల వీడియోను షేర్ చేసిన టీడీపీ.. బుట్టా రేణుక గతంలో తన ఆస్తుల గురించి ఓ యూట్యూబ్ ఛానెల్ లో చెప్పిన వీడియోను దానికి జత చేసింది. ఆ ఛానెల్ ఇంటర్వ్యూలో రేణుక తమకు ఆటో మొబైల్ , హాస్పిటాలిటీ , విద్యా సంస్థలు ఉన్నాయని చెప్పింది. అంటే బుట్టా రేణుక ఆర్థికంగా బలవంతురాలే . కానీ, జగన్ ఎమ్మిగనూరు “మేమంతా సిద్ధం” సభలో.. రేణుక ఆర్థిక పరిస్థితి అంతంత మాత్రమేనని వ్యాఖ్యానించారు. సంపన్నురాలైన రేణుకను పేద మహిళా అనే తరహాలో మాట్లాడటంతో సభకు వచ్చిన వారంతా ఒక్కసారిగా షాక్ అయ్యారు.
2014లో వైసీపీ ఎంపీగా పోటీ చేసిన బుట్టా రేణుక.. వైట్ లోనే 242 కోట్ల ఆస్తిని ఎన్నికల అఫిడవిట్ లో పేర్కొన్నారు. ఆ లెక్కన ప్రస్తుతం ఆమె ఆస్తి విలువ 1000 కోట్లపైగానే ఉంటుందని అంచనా. కానీ, జగన్ అందుకు విరుద్ధమైన కామెంట్స్ చేస్తున్నారు. ఈ నేపథ్యంలోనే జగన్ చేసిన వ్యాఖ్యలు ట్రోల్స్ అవుతున్నాయి. తన ఆస్తులతో పోల్చితే రేణుక అంతంత మాత్రమే కనుక.. జగన్ ఆ వర్షన్ లో అలా కామెంట్స్ చేసి ఉంటారని అభిప్రాయం వ్యక్తం చేస్తున్నారు.
బహిరంగ వాస్తవాలు కళ్ల ముందు ఉన్నప్పటికీ.. జగన్ వాస్తవాలను కప్పిపుస్తూ అబద్దాలను వల్లెవేస్తున్నారు. మరి.. జగన్ అబద్దాల గాలానికి ఎమ్మిగనూరు జనం చిక్కుతారా..? వెయిట్ అండ్ సీ.
