సీమ ఉద్యమాలపై జగన్ మౌనానికి అర్ధం ఏమిటి?

ఆంధ్రప్రదేశ్ రాష్ట్రంలో కాంగ్రెస్, వైకాపాలు రెండూ రెండు వేర్వేరు కారణాలతో ప్రత్యేక హోదా అంశాన్ని భుజానికెత్తుకొని పోరాటాలు మొదలుపెట్టాయి. ఆ కారణాలు అందరికీ తెలుసు. కాంగ్రెస్ మొదలుపెట్టిన పోరాటాలకి ప్రజల నుండి ఎటువంటి స్పందన రాకపోవడంతో తన పోరాటాలను జగన్మోహన్ రెడ్డికి “హ్యాండోవర్” చేసి ఆయనకు మద్దతు ప్రకటించింది. అయినా ఫలితం లేకపోవడంతో రెండు పార్టీలు తమ ప్రత్యేక పోరాటాలను ముగించినట్లే ఉన్నాయి.

నిరంతరంగా పోరాటాలు కొనసాగించడానికి వీలుకల్పించే ప్రత్యేక హోదా వంటి అంశం మరొకటి లేకపోవడంతో కాంగ్రెస్, వైకాపాలు రెండూ కూడా చాలా ఇబ్బంది పడుతున్నయిప్పుడు. బహుశః ఆ ప్రయత్నంలోనే వారికి రాయలసీమ ప్రత్యేక రాష్ట్రం ఉద్యమాలు మొదలుపెడితే ఎలాగుటుంది? అనే ఆలోచన కలిగి ఉండవచ్చును. ఇది ఊహాత్మకమే కావచ్చును. కానీ ఆ రెండు పార్టీలకు చెందిన నేతలు మాత్రమే అందుకు సిద్దపడుతుండటం వలన అనుమానించవలసి వస్తోంది. వైకాపాలో సీనియర్ నేత ఎం.వి. మైసూరారెడ్డి పార్టీకి రాజీనామా చేసి ఈనెల 21 నుండి ఉద్యమాలు ప్రారంభించబోతున్నట్లు (ఒక్క సాక్షిలో తప్ప) అన్ని మీడియా చానళ్ళలో, పత్రికలలో వార్తలు వచ్చేయి. కానీ ఆ వార్తలను జగన్మోహన్ రెడ్డి ఇంతవరకు ఖండించలేదు. పార్టీలో ముఖ్యనేత ఒకరు పార్టీకి రాజీనామా చేసి ఉద్యమాలను మొదలుపెట్టబోతున్నారని తెలిసినా కూడా ఆయన కనీసం స్పందించలేదు. అదే ఈ అనుమానానికి తావిస్తోంది.

రాయలసీమ ప్రత్యేక రాష్ట్రం ఉద్యమాలకి కాంగ్రెస్ పార్టీ మద్దతు ఇవ్వబోదని రఘువీరా రెడ్డి నిర్ద్వందంగా ప్రకటించారు. కానీ పార్టీకి చెందిన నేతలు ఎవరయినా రాయలసీమ ప్రత్యేక రాష్ట్రం ఉద్యమాలకి వ్యక్తిగతంగా మద్దతు తెలిపితే కాంగ్రెస్ పార్టీ అభ్యంతరం చెప్పదని మళ్ళీ చిన్న సవరణ ప్రకటన కూడా దానికి జోడించారు. కనుక కాంగ్రెస్ పార్టీ కూడా పరోక్షంగా మద్దతు ఇస్తోందనే భావించాల్సి ఉంటుంది. ఆ రెండు పార్టీలు తమ రాజకీయ మనుగడ కోసమో లేకపోతే తమ ఉమ్మడి రాజకీయ శత్రువు తెదేపాని, దాని ముఖ్యమంత్రి చంద్రబాబు నాయుడుని దెబ్బ తీయడానికో ఇటువంటి భయంకరమయిన ఆలోచనలు చేస్తే దాని పరిణామాలు చాలా తీవ్రంగా ఉంటాయి. వాటికి యావత్ రాష్ట్ర ప్రజలు చాలా భారీ మూల్యం చెల్లించాల్సి వస్తుంది. రాయలసీమకు చెందిన రఘువీరా రెడ్డి, జగన్మోహన్ రెడ్డికి నిజంగా తమ ప్రాంత అభివృద్ధి జరగాలని బలమయిన కోరిక ఉన్నట్లయితే వారు దాని కోసం ప్రభుత్వంతో ఎంతయినా పోరాడవచ్చును. వారిలో జగన్మోహన్ రెడ్డికి శాసనసభలో ప్రభుత్వంతో పోరాడేందుకు అవసరమయిన బలం కూడా ఉంది. తమ ప్రాంత అభివృద్ధి కోసం ప్రభుత్వాన్ని గట్టిగా నిలదీయవలసింది పోయి, తమతమ రాజకీయ లబ్ది కోసం మళ్ళీ రాష్ట్రాన్నే విడగోట్టాలనుకొంటే ప్రజలు వారిని క్షమించబోరు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్‌ను బుక్ చేయడానికి రేవంత్ రెడీ..! సంజయ్ సిద్ధమేనా..?

కేసీఆర్ ఎంపీగా పార్లమెంట్‌ను తప్పుదోవ పట్టించారని.. ఆ విషయాలను తాను బయటపెడతానని బండి సంజయ్ బెదిరించారు. స్పీకర్ పర్మిషన్ తీసుకున్నానని.. తప్ప సరిగా పార్లమెంట్‌ను కుదిపేస్తుందని కూడా చెప్పుకొచ్చారు. అయితే బండి సంజయ్...

కొన్ని చోట్ల మళ్లీ మున్సిపల్ నామినేషన్లు..!

దౌర్జన్యాలు, బలవంతపు ఉపసంహరణలు జరిగాయని ఆరోపణలు వచ్చిన చోట మరోసారి నామినేషన్లకు ఎస్‌ఈసీ అవకాశం కల్పించారు. ఈ మేరకు కీలక ఉత్తర్వులు జారీ చేశారు. తిరుపతి కార్పొరేషన్‌, పుంగనూరు, రాయచోటి పురపాలక సంఘాలు,...

బాలికను పెళ్లి చేసుకుంటావా? విచారణలో రేపిస్ట్‌ను అడిగిన సుప్రీంకోర్టు చీఫ్ జస్టిస్..!

సుప్రీంకోర్టు చీఫ్ జస్టిస్ ఎస్.ఎ. బోబ్డే మైనర్‌పై అత్యాచారం చేసిన ప్రభుత్వ ఉద్యోగి కేసు విచారణ సమయంలో చేసిన వ్యాఖ్యలు వివాదాస్పదం అవుతున్నాయి. మైనర్‌పై అత్యాచారం చేసిన వ్యక్తిని పెళ్లి చేసుకోవడానికి సిద్ధమేనా...

జనసేనతో మాకు ఎలాంటి పొత్తు లేదు: బీజేపీ నేత డీకే అరుణ సంచలన వ్యాఖ్యలు

బీజేపీ జాతీయ ఉపాధ్యక్షురాలు డీకే అరుణ, ఒక టీవీ డిబేట్ లో మాట్లాడుతూ తమ పార్టీకి జనసేనతో ఎటువంటి పొత్తు లేదని , ఉండబోదని వ్యాఖ్యానించడం ప్రస్తుతం సంచలనంగా మారింది వివరాల్లోకి వెళితే.. బీజేపీ...

HOT NEWS

[X] Close
[X] Close