వివేకా హత్య కేసు దగ్గర నుంచి తన పరిపాలనా ఘనతల వరకూ … ప్రతీ అంశంలోనూ సీఎం జగన్ చెబుతున్న విషయాలు.. చెప్పుకున్నంటున్న అంశాలు.. క్రెడిట్ తీసుకుంటున్న వ్యవహారాలు చూస్తే.. ఐదేళ్లుగా రాష్ట్రంలో జరుగుతున్న అంశాలపై కనీస అవగాహన ఉన్న వారు కూడా.. నేను విన్నది నిజమేనా అని ఆశ్చర్యపోక తప్పదేమో ?.
వివేకాను చంపింది, చంపించింది ఎవరో దేవుడికి తెలుసు.. జిల్లా ప్రజలకు తెలుసుంటూ కొత్త నాటకాలు ప్రారంభించారు. మరి సీఎంగా ఉండగా నిందితుల్ని ఎందుకు పట్టుకోలేదు ?. అత్యంత దుర్మార్గంగా వివేకా కుమార్తె మీదే ఎందుకు నిందలు వేస్తున్నారు ?. వాళ్లు న్యాయం కోసం పోరాడితే మళ్లీ రాజకీయం కూడా. సొంత కుటుంబాన్నే ఇలా రోడ్డున ప డేసుకుని రాజకీయం చేసుకుంటున్న జగన్… పాలన విషయంలోనూ ఆయన చెప్పే మాటలు వింటే ఎవరికైనా మైండ్ బ్లాంక్ అయిపోతుంది.
మూడు రాజధానులు ఏర్పాటు చేశాను.. 17 మెడికల్ కాలేజీలు కట్టేశాను.. బోలెడంత అభివృద్ధి చేశారు.. లక్షల కోట్లు ఇచ్చేశాను.. పిల్లలకు ట్యాబులిచ్చాను.. పెద్ద పెద్ద కథలు చెబుతున్నారు. మెడికల్ కాలేజీలు ఎక్కడ కట్టారో.. మూడు రాజధానులు ఎక్కడ ఏర్పాటు చేశారో ఎవరికైనా తెలుసా ?. తాను చెప్పేది నిజమని నమ్మేవాళ్లు ఉంటారన్న ఓ గుడ్డి నమ్మకంతో.. ప్రజల్ని అడ్డగోలుగా మోసం చేసేందుకు జగన్ ప్రయత్నిస్తున్నారు. ఎంతగా అంటే తాను చిన్న పిల్లోడినని ఎంతో చేశానని.. కానీ చంద్రబాబు ఎందుకు చేయలేదంటున్నారు. ఆయన చేశానని చెబుతున్నవేమీ జరగలేదు.. అయినా సరే ప్రచారం చేసుకుంటున్నారు.
పక్క పార్టీపై వ్యతిరేకతతోనే.. పక్క నేతలపై వ్యతిరేకతతోనే.. కుల వ్యతిరేకతతోనే.. లేకపోతే మత అభిమనంతోనే తతమను మ్మేవాళ్లు ఉంటారు అన్న ఒకే ఒక్క నమ్మకం.. ప్రజల ఐక్యూకి.. కామన్ సెన్స్ కు జగన్ పరీక్ష పెడుతున్నారు. కళ్ల ముందు కనిపించే వాటిపైనా పచ్చి అబద్దాలు చెబుతున్నారు.
