శతఘ్ని సహా జనసేన సోషల్ మీడియా అకౌంట్స్ సస్పెండ్, వైకాపా హస్తం ఉందా?

దాదాపు 300 దాకా జనసేన ట్విట్టర్ అకౌంట్లు ఒకేసారి సస్పెండ్ అవ్వడం జనసేన శ్రేణు లని విస్తుపోయేలా చేసింది. అయితే దీని వెనుక వైఎస్ఆర్సిపి హస్తం ఉందని జనసేన శ్రేణులు విమర్శలు చేస్తున్నారు. వివరాల్లోకి వెళితే..

జనసేన సోషల్ మీడియా అకౌంట్ అయినటువంటి జనసేన శతఘ్ని తో పాటు, అనధికారికంగా అభిమానులు నడుపుతున్న ట్విట్టర్ అకౌంట్స్ దాదాపు మూడు వందల దాకా ఒకే రోజు సస్పెండ్ అయ్యాయి. దీనికి అధికారికంగా చెబుతున్న కారణం, ట్విట్టర్ రూల్స్ ని అతిక్రమించిన కారణంగా, ట్విట్టర్ ఈ అకౌంట్స్ సస్పెండ్ చేసింది అని. సాధారణంగా విపరీతమైన స్పామింగ్ చేసే అకౌంట్లు ట్విట్టర్ ఇలా సస్పెండ్ చేస్తూ ఉంటుంది. అయితే ఒక రాజకీయ పార్టీ కి సంబంధించిన సోషల్ మీడియా ఖాతాలనీ ఇలాంటి కారణాలతో మూసివేయడం చాలా అరుదు.

అయితే జనసేన అభిమానులు మాత్రం, అధికార వై ఎస్ ఆర్ సి పి పార్టీ హస్తం ఇందులో ఉందని ఆరోపిస్తున్నారు. సేవ్ నల్లమల అంటూ పవన్ కళ్యాణ్ ఒక స్టాండ్ తీసుకొని, ప్రభుత్వానికి వ్యతిరేకంగా పోరాటం చేయడానికి సిద్ధం చేసుకున్న కారణంగానే వై ఎస్ ఆర్ సి పి తన అధికార బలాన్ని, తమ ఐటీ వింగ్ నైపుణ్యాన్ని ప్రయోగించి, ఇలా ప్రత్యర్థి పార్టీల సోషల్ మీడియా అకౌంట్స్ మూయిస్తోంది అని వారంటున్నారు.

కొద్ది నెలల ముందు వరకు వైకాపా అధినేత జగన్ కూడా సోషల్ మీడియాలో తమ పార్టీ వాణి ని అణిచి వేస్తుందని చంద్రబాబు ప్రభుత్వం మీద తీవ్ర విమర్శలు చేసిన సంగతి తెలిసిందే. మెయిన్ స్ట్రీమ్ మీడియా ఇప్పటికే , పలు రకాలుగా పవన్ కళ్యాణ్ వార్తల ని దాచిపెడుతున్నప్పటికీ, సోషల్ మీడియా వేదికగా తమ వాణిని జనసేన బలంగా వినిపిస్తూ వస్తోంది. అయితే ఇప్పుడు సోషల్ మీడియా లో కూడా జనసేన గొంతు నొక్కేయడం తో ఇక ఆ పార్టీ తమ వాణిని ఏ విధంగా వినిపిస్తుంది అన్నది వేచి చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close