బీహార్ లో మారుతున్న రాజకీయ సమీకరణాలు

బీహార్ అసెంబ్లీ ఎన్నికలు వచ్చే నెలలో జరిగే అవకాశం ఉంది. ఎన్నికలు దగ్గరపడుతున్న కొద్దీ రాష్ట్రంలో రాజకీయ సమీకరణాలు, బలాబలాలు మారిపోతున్నాయి. సమాజ్ వాదీ పార్టీ అధినేత ములాయం సింగ్ జనతా పరివార్ నుంచి తప్పుకొని ఒంటరి పోరుకి సిద్దం అయ్యేరు. అది చూసి చాలా సంతోషిస్తున్న బీజేపీకి బీహార్ మాజీ ముఖ్యమంత్రి జితన్ రామ్ మంజీ షాక్ ఇచ్చారు. ఆయన ముఖ్యమంత్రి కుర్చీలో నుండి దిగిపోయిన తరువాత ‘హిందుస్తానీ అవామీ మోర్చా’ అనే పార్టీని స్థాపించి ఎన్డీయే కూటమిలో భాగస్వామిగా చేరారు. దళితవర్గానికి ప్రతినిధి అయిన జితన్ రామ్ మంజీ మద్దతు బీజేపీకి ఎంతో కొంత ఉపయోగపడుతుందనడంలో సందేహం లేదు. కానీ ఎన్డీయే కూటమిలో చాలా కాలంగా భాగస్వామిగా ఉన్న ‘లోక్ జన శక్తి’ అధినేత రామ్ విలాశ్ పాశ్వాన్ తనే దళితులకు ప్రాతినిధ్యం వహిస్తున్నట్లు చెప్పుకొంటున్నారు. కనుక ఇప్పుడు వారిద్దరిలో దళితులకు ఎవరు సిసలయిన ప్రతినిధి? అనే వివాదం మొదలయింది.

యావత్ భారతదేశంలో దళితులకు తనే ఏకైక ప్రతినిధిని కనుక తమ పార్టీకి బీహార్ అసెంబ్లీ ఎన్నికలలో 75 సీట్లు కేటాయించాలని రామ్ విలాశ్ పాశ్వాన్ పట్టుబడుతున్నారు. ఆయన అంతవరకే పరిమితమయితే ఎటువంటి ఇబ్బంది ఉండేది కాదేమో కానీ ఒక ప్రముఖ మీడియా ఛానల్ కి ఇచ్చిన ఇంటర్వ్యూలో “జితన్ రామ్ మంజీ తాత్కాలికంగా మా ఎన్డీయే కూటమిలో కొనసాగుతున్నారు,” అని పాశ్వాన్ చెప్పడంతో జితన్ రామ్ మంజీ తీవ్ర ఆగ్రహం చెందారు.

“అసలు ఇంతవరకు బీహార్ లో ఒక్క సీటు కూడా గెలుచుకోలేని లోక్ జన శక్తి అధినేత రామ్ విలాశ్ పాశ్వాన్ 75 సీట్లు కోరడమే తప్పు. పైగా మా పార్టీ 13మంది సిటింగ్ ఎమ్మెల్యేలకు సీట్లు రాకుండా అడ్డు పడటం మరో తప్పు. ఆ 13 సీట్లకు అదనంగా మరికొన్ని సీట్లు మేము కోరుతున్నాము. మాకు తగిన ప్రాధాన్యం ఇవ్వకపోతే ఎన్డీయే నష్టపోతుంది. అసలు దళితుల సమస్యల గురించి ఎన్నడూ మాట్లాడని రామ్ విలాశ్ పాశ్వాన్ తను దళితులకు ప్రతినిధినని చెప్పుకోవడం చాలా విడ్డూరంగా ఉంది,” అని మంజీ అన్నారు.

జనతా పరివార్ లో చీలిక వచ్చిందని బీజేపీ సంతోషిస్తుంటే ఇప్పుడు ఎన్డీయేలో కూడా రెండు పార్టీలు సీట్ల కోసం కొట్లాడుకొంటూ మీడియాకి ఎక్కడంతో బీజేపీ అధిష్టానం చాలా ఆందోళన చెందుతోంది. రామ్ విలాశ్ పాశ్వాన్ చాలా కాలంగా ఎన్డీయే కూటమిలో భాగస్వామిగా ఉంటున్నారు కనుక ఒకవేళ ఆయనకే ఎక్కువ సీట్లు కేటాయించినట్లయితే వాళ్ళు గెలుస్తారనే నమ్మకం లేదు. పైగా మంజీని పక్కనబెడితే ఆయన ఎన్డీయే కూటమి నుండి బయటకు వెళ్లిపోయే ప్రమాదం ఉంది. అలాగని మంజీకి ఎక్కువ సీట్లు కట్టబెడితే పాశ్వాన్ అలగవచ్చును.

జనతా పరివార్ లో మిగిలిన ఐదు పార్టీలు నేటికీ సీట్ల కోసం ఇంకా కొట్లాడుకొంటూనే ఉన్నాయి. కానీ ఇప్పుడు ఎన్డీయేలో పార్టీలు కూడా కొట్లాడుకోవడం చూసి జనతా పరివార్ కూడా చాలా సంతోషిస్తోంది. ఈసారి వామపక్షాలు కూడా ఒక కూటమిగా ఏర్పడి బీహార్ ఎన్నికలలో పోటీ చేస్తున్నాయి. అంటే జనతా పరివార్, ఎన్డీయే, వామ పక్ష కూటమిలతో కలిపి మొత్తం మూడు కూటములు ఎన్నికల బరిలో ఉన్నాయన్నమాట. ఈ మూడు కాకుండా ములాయం సింగ్ కి చెందిన సమాజ్ వాదీ పార్టీ, వందలాది స్వతంత్ర అభ్యర్ధులు బరిలో ఉంటారు. కనుక ఈసారి ఎన్నికలలో ప్రజల ఓట్లు వారందరి మధ్య చీలిపోయే అవకాశాలు కనబడుతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సూర్య తండ్రిపై కేసు పెట్టిన టీటీడీ..!

తమిళ స్టార్ సూర్య తండ్రి శివకుమార్‌పై తిరుమల తిరుపతి దేవస్థానం కేసు పెట్టింది. తమిళనాడులో జరిగిన ఓ సభలో శివకుమార్‌ తిరుమల ఆలయానికి వెళ్లవద్దని పిలుపునిచ్చిట్లుగా టీటీడీకి ఫిర్యాదు అందింది. తిరుమలలో డబ్బులున్న...

కేటీఆర్‌కు ఎన్జీటీ నోటీసులతో రేవంత్ దూకుడు..!

మంత్రి కేటీఆర్ తన పదవికి రాజీనామా చేస్తే.. జన్వాడ ఫామ్‌హౌస్‌పై ఎన్జీటీ వేసిన కమిటీ విచారణ నిష్పక్షపాతంగా జరుగుతుందని తెలంగాణ కాంగ్రెస్ వర్కింగ్ ప్రెసిడెంట్ రేవంత్ రెడ్డి అంటున్నారు. జన్వాడలో ఉన్న కేటీఆర్...

ఏపీ సచివాలయంలో పది మందికి వైరస్..!

ఆంధ్రప్రదేశ్ సచివాలయం కరోనా గుప్పిట్లో చిక్కుకుంది. ఆంధ్రప్రదేశ్ సీఎం పేషీలో పని చేసే ఓ అధికారి డ్రైవర్‌కు కూడా కరోనా నిర్ధారణ అయింది. మొత్తంగా ఇప్పటి వరకూ పది మంది సచివాలయ ఉద్యోగులకు...

ఫీజు కోసం మోహన్‌బాబు ఇప్పుడు కోర్టుకెళ్లరా..?: టీడీపీ

ఫీజు రీఎంబర్స్‌మెంట్ పథకాన్ని పేరు మార్చి.. నిబంధనలు మార్చి.. ప్రజాధనాన్ని ప్రైవేటు కాలేజీలకు దోచి పెడుతున్నారని.. తెలుగుదేశం పార్టీ నేత ధూళిపాళ్ల నరేంద్ర మండిపడ్డారు. అర్హత లేని కాలేజీల్లోనూ ఇష్టానుసారం ఫీజులు...

HOT NEWS

[X] Close
[X] Close