హైదరాబాద్: లండన్లో సుకుమార్ చిత్రంలో ఉన్న జూనియర్ ఎన్టీఆర్ తన కుమారుడు అభయ్ రామ్ బర్త్డే సెలబ్రేషన్స్కోసం హైదరాబాద్ వచ్చారు. అభయ్కు ఇది తొలి పుట్టినరోజు కావటంతో షూటింగ్నుంచి మూడురోజులు విరామం తీసుకుని వచ్చినట్లు సమాచారం. పుట్టినరోజు వేడుకలు ఇవాళ ఘనంగా జరుగనున్నట్లు తెలిసింది. ఈ సందర్భంగా నందమూరి కళ్యాణరామ్ ఎన్టీఆర్, అభయ్ రామ్ కలిసిఉన్న ఫోటోను సోషల్ మీడియాలో పోస్ట్ చేసి శుభాకాంక్షలు తెలిపారు. అతని ఫోటోను ఎన్టీఆర్ మొట్టమొదటగా ఈ ఏడాది మే 19న తన పుట్టినరోజు సందర్భంగా ట్విట్టర్లో పోస్ట్ చేశారు. ఇక ఈ ఫోటోలో కనిపిస్తున్న ఎన్టీఆర్ కొత్త గెటప్ సుకుమార్ చిత్రంకోసమేనన్న సంగతి తెలిసిందే. ఈ చిత్రంలో నటుడు రాజేంద్ర ప్రసాద్ ఎన్టీఆర్కు తండ్రిగా నటిస్తున్నట్లు సమాచారం.
కొడుకు బర్త్డే సెలబ్రేషన్స్లో ఎన్టీఆర్
